Genesis 47:24 - Labrador Inuttitut Heritage Bible

²⁴ Imailingajuksauvorlo katersortaujomârtut pivlugit: (tallimaulivlugit) Tallimangit atausît tunijaksarivase Faraomut, tellimangille sittamat illipse piksarivase: karngasûtiksat perorsêvingnut, nerᴋiksase inuᴋotipselo ᴋitorngapselo nerᴋiksangit.

Genesis 47:24 Iomraidhean Croise

Genesis 14:20

Gûdelo ᴋotsingnerôjoᴋ nakorijaule, sorsugvigijarnik tunitjijoᴋ aggangnut. Abrablo tâmna tunitjivigivâ tigujame ilûnatik tallimaujoanik.

Genesis 14:21

Tagva Sodomab attaninga Abramut oᴋarpoᴋ: Inuit uvamnut tunikit, perᴋutit igvit tigukit.

Genesis 28:22

Ujararlo una nappartitara, nallunaikutaksautilugo igluksaujomârpoᴋ Gûdemut, ilûnatiglo uvamnut tunijavit tellimaujoanimmarik tunitjivigijomârpagit.

Genesis 41:34

Taimailiorlunelo Farao illijingmile pimajiksaminik nunamut, tigulugolo ilûnarsoangita tallimangat Egipteneme, jârit akluinartut nalliutitilugit.

Genesis 47:23

Josefiblo inuit oᴋautivait: Okoᴋsê, uvlome illipsingnik perorsêvipsingniglo pisivunga Faraomut. Tagga, karngasûtiksat piksase, perorsêvît karngasoivigisigik.

Genesis 47:25

Oᴋarput: Inûlivaptigut illa! Saimaneᴋsituinarta attanipta sângane, tagva kivgauniarpogut Faraomut.

Imgerut 112:5

Pillorikpok nâpkoarosuktok, attarksiviôjorlo ᴋununane, pinniaraksaminiglo pinniartok idluarnerme.

Imgerut 41:1

Pillorikpok ajoksartomik ikajorte; Nâlekab piuliniarpâ nalliunerluktome.

Leviticus 27:30

Nunablo sakᴋertangita tallimaujungit ilûnatik, perutsiangongmangât napârtûblônêt paungangit, Nâlekab perᴋutigivait; ivsornaiput Nâlekamut.

Leviticus 27:32

Tuktuvallo saugallo tallimaujungit ilûnatik, ajaupiab atâgôrtut, ivsornaituksauvut Nâlekamut.

Numbers 18:21

Levikunullo ahâk Israêlikut perᴋutingita tellimaujungit tamaita kingormgutijaksautisimavakka, akkiksauᴋovlugit kivgartorninginut piniarnerijanginut ilagêktut tupingane.

Deuteronomy 14:22

Karngasortavit unuksiningita tallimaujungit ilûnaita, perorsêvingme perortut jârit tamât, ingmikôrtitaksarivatit.

Deuteronomy 26:12

Katersortatit tamaita tallimaujortôlijarêrungne jârit pingajuane, tagva jâreme tallimaujortôlêviksaujome, tallimaujortoat tunijaksarivat Levikunut, tujormiarnullo, iliarsungnullo, uigarnernullo, itertarvingne nerrijungnarᴋovlugit aᴋeartorlutiglo;