Genesis 47:12 - Labrador Inuttitut Heritage Bible

¹² Josefiblo atâtane ᴋatangutinelo atâtamelo inuᴋotingit tamaita nerᴋiksanik pitatserpait soruseᴋarningit maliklugit.

Genesis 47:12 Iomraidhean Croise

Genesis 45:10

Goseneme nunaᴋartuksauvotit ᴋanitamnêdlutit, igvillo ᴋitorngatillo erngutatillo saugaᴋotitillo tuktuvaᴋotitillo perᴋutitillo ilûnatik.

Genesis 45:11

Tagvane pattangaititsomavagit, sulle jârinik tallimanik kângarnartoᴋsoaᴋarniarmat, ajulerᴋonak igvit inuᴋotitillo perᴋutitillo tamaita.

Genesis 45:7

Gûdible sivunapsigut tamaunga tilivânga nungumariktailijomavluse nuname, inûlijomavluselo piulijaujutiksamut angijoᴋsoarmut.

Genesis 47:1

Josefiblo Farao ᴋaujititsartorpâ oᴋarlune: Atâtagalo ᴋatangutikkalo saugaᴋutingillo tuktuvaᴋotingillo perᴋutingillo ilûnatik tikkiutivut nunamit Kânaanemit; ahâglo, Gosenemêput.

Genesis 47:21

Inuillo nûtipait iglugasaksoarnut Egiptenemiut nunangita issuklianit issukliata aipânut.

Genesis 47:24

Imailingajuksauvorlo katersortaujomârtut pivlugit: (tallimaulivlugit) Tallimangit atausît tunijaksarivase Faraomut, tellimangille sittamat illipse piksarivase: karngasûtiksat perorsêvingnut, nerᴋiksase inuᴋotipselo ᴋitorngapselo nerᴋiksangit.

Genesis 50:21

Taimaimat sivôraniarase mâna! Uvanga patangaititsomavapse ᴋitorngaselo. Manigorpaillo kiblingnartunik oᴋauseᴋarvigivlugit.

Exodus 20:12

Atâtangnik anânangniglo nâlaktuksauvotit: akkunêrtomik inôniarᴋovlutit nuname Nâlekab Gûdivit tunijangane ilingnut.

Jesaiase 22:24

Tâpsomungalo nivingatitsomârpait pinarnartut tamaita atâtangata iglunganẽtut, ᴋitorngarêt kinguvarêllo, illuleᴋutillo mikkijut tamaita pôgutallo publaujallo tamaita aglât.

I Tessalônikamiunut 2:7

Kristûsib Apostelingititut oᴋumaititsinajartuksaulauralloarpogut ilipsingnik; anânatulle najulauᴋpapse, sôrlo arnab amâmaktitsijub ᴋitorngane pairingmagit.

I Timôteusemut 4:8

Timib pinginik sungiutigannernek atornarniᴋingmat; Gûdemigle nâlengnek atornarpok tamainut, angerviomajoktauk inôtsemik mânêtomik neliutuksamiglo.

I Timôteusemut 5:4

Uigarneᴋarpalle ᴋitorngalingmik erngutalingmiglônêt, taimaitut ᴋitorngangit ilinniarᴋârlît Gûdib idluarijanganut angajoᴋauniarlutik ilamingnut, akkiniarlutiglo angajoᴋâmingnik; tamanna ajungimat ᴋuviagijauvlunelo Gûdemut.

I Timôteusemut 5:8

Naliatale illane, anginersamik iglomioᴋatine, patangaitingikunigit, tâpsoma okpernek misiarutigivâ, okpingitomillo ajuluarpok.

Ruth 4:15

Tapsoma nekkoksitiniarpâtit, pattangaitiniarlutillo ningiongônerne, ukkuavit nâgligijivit, nâmanersaujub illingnut ernernit 7 init, erniaringmago.