Genesis 47:1 - Labrador Inuttitut Heritage Bible

¹ Josefiblo Farao ᴋaujititsartorpâ oᴋarlune: Atâtagalo ᴋatangutikkalo saugaᴋutingillo tuktuvaᴋotingillo perᴋutingillo ilûnatik tikkiutivut nunamit Kânaanemit; ahâglo, Gosenemêput.

Genesis 47:1 Iomraidhean Croise

Genesis 45:10

Goseneme nunaᴋartuksauvotit ᴋanitamnêdlutit, igvillo ᴋitorngatillo erngutatillo saugaᴋotitillo tuktuvaᴋotitillo perᴋutitillo ilûnatik.

Genesis 45:16

Farauble iglungane tussaumajauvoᴋ, oᴋartoᴋarmat: Josefib ᴋatangutingit tikkisimavut. Tamanna Faraub kivgangitalo ᴋuviasûtigivât.

Genesis 46:28

Jakoblo Juda sivunermigut tilivâ Josefemut, apᴋomik Gosenemut unertutjerᴋovlugo sivunermigut. Nunamullo Gosenemut tikkiput.

Genesis 46:31

Josefiblo ᴋatangutine atâtamelo inuᴋotingit oᴋautivait: Majorarniarpunga Farao ᴋaujititsomavlugo, oᴋautijomavaralo: Katangutikka atâtamalo inuᴋotingit nunamit Kânaanemit uvamnut tikkiput;

Genesis 46:34

Tagva oᴋartuksauvose: Kivgatit nergjutinik mianersijeovogut sorusioniptingnit mâna tikkidlugo, uvagullo sivorlivullo, nunaᴋarᴋovluse Goseneme; saukanik mianersijut ilûnatik Egiptenemiunut maᴋojugijaungmatta.

Exodus 8:22

Uvlormelo taipsomane Gosenib nunanga, inuᴋotima nunagijangat, ingmikôrniarpara niviuvaᴋartailivlugo, tukisilerᴋovlutit uvanga Nâlegaugama nuname.

Exodus 9:26

Gosenemele, Israêlikut nunagijangane, kisiane nattarᴋonâlungnik kataktoᴋalungilak.

Ebrêerinut 2:11

Ivsornaititsijorlo ivsornaititaujullo, ilûnatik atautsemit pingmatta. Tamanna pivlugo kaugusungilaᴋtauᴋ ᴋatangutiminik taivlugit.