Genesis 45:6 - Labrador Inuttitut Heritage Bible

⁶ Jâringnik maggungnik kângnartoᴋsoaᴋarêrpoᴋ mâna nuname, sulle jârit tallimat nâvlugit poagrejartoᴋarane kattersoijoᴋarniangilaᴋ.

Genesis 45:6 Iomraidhean Croise

Genesis 37:2

Tamadjalo Jakomik unipkautsit: Josefe 17nik jâreᴋarame, saukanik mianersijôvoᴋ ᴋattangutine illagivlugit; inôsuktublo atâtame nuliâkita Bilhablo Silpablo ᴋitorngangit illagivait; oᴋautigiluktaulerangattalo Josefib oᴋautigisârpait atâtaminut.

Genesis 41:35

Jârillo ajungitut nalliutitilugit, nerᴋiksanik sunatuinarnik kattersoilit taipkoa, ᴋaᴋᴋôjaksanik ᴋematuliviliutjivlutik Faraub kamagijaksanginik, nerᴋiksaujunik iglugasaksoarmiunut, torᴋorlugillo.

Genesis 41:46

Josefe jâreᴋarpoᴋ 30nik, Faraub Egiptenib attanertangata sânganut nangeriartorame. Faraomille aularlune ingergalerpoᴋ Egiptenekut ilûnâgut.

Genesis 41:53

Jarillo sepat taipkoa akluinartut, Egiptenemut nalliutijut, nângmatta,

Genesis 41:54

Jârit sevenit kângnartut nalliutilerput, sorlo Josefib oᴋautigingmagit. Kângnartoᴋsûblo nunat tamaita tikkipait, kissiane Egipteneme ilûnâne nerᴋiksaᴋarpoᴋ.

Genesis 41:56

Kângnartoᴋsoarle pidlalermat nunanut tamainut, Josefib ilûnâne ᴋematulivît ᴋaᴋᴋôjaksatalît upkoerpait, pissiaksaᴋartilugo, kângnartoᴋsoaᴋ sugalulualermat Egipteneme.

Genesis 47:18

Jâre tamanna nângmat, jârib aipangane amma tikkinivut tâpsomunga, oᴋautivlugo: Attanivut angigutijomangilavut, kênaujat nungungmatta, nergjuteᴋotillo pisiangongmatta attaniptingnut, amiakoᴋangilaᴋ attaniptingnut, timiptingnik perorsêviptingniglo kissênik.

Genesis 47:23

Josefiblo inuit oᴋautivait: Okoᴋsê, uvlome illipsingnik perorsêvipsingniglo pisivunga Faraomut. Tagga, karngasûtiksat piksase, perorsêvît karngasoivigisigik.

Exodus 34:21

Uvlunik 6inik sulijuksauvotit, uvlulle 7ingane merngoersertuksauvotit: nunab poagijartauvingane perutsiallo katersivingane merngoersertuksauvotit.

Jesaiase 30:24

Tuktuvait siuterᴋortojullo ivjomik makpiteraijut nerᴋiksanik tarrêrtitaumajunik nerrijomârput, sujungaititaumajunik poagitemut pôgutaujârtomullo.

Deuteronomy 21:4

Iglugasaksuillo angajoᴋângita noggavineᴋ âtaksarivât naᴋsarmut kôlingmut, makpertertaungitomut karngasoiviongitomullo, tagvanelo naᴋsarme noggavineᴋ pikkoijarlugo;

I Samuel 8:12

Angajoᴋangnullo sorsuktuksanut 1,000 dinut, 50 ginullo, perorsaijuksanullo perorsêviᴋotiminik perorsaijunut, kibluijuksanullo kattersivingmine, sappulutaᴋotinganiglo aksaloaliᴋotinginullo attoriaᴋartunik sannaᴋovlugit.