Genesis 45:23 - Labrador Inuttitut Heritage Bible

²³ Amma atâtaminut tujûtigivait siuterᴋortojut tellimaujortut, Egiptenib pitangita ânanauningita illanginik nangmartut, siuterᴋortojullo arnaujut tellimaujortut, ᴋaᴋᴋôjaksanik ᴋaᴋᴋôjaniglo, atâtame taᴋoaksanginik, nangmartut.

Genesis 45:23 Iomraidhean Croise

Genesis 24:10

Kivgablo kamêlit tallimaujortut, angajoᴋâme kamêleᴋotingita illangit tiguvait aularlunelo, sunatuinaillo angajoᴋâme perᴋutingit naksarlugit. Aularlunelo ingergavoᴋ Mesopotâmiamut, Nahorib iglugasaksoanginut.

Genesis 43:11

Tagva atâtangata Israêlib oᴋautivait: Taimaitsariaᴋarpat, imailioritse: Nunab pingita annernarnerpât illanginik pôpsingnut illijivluse, angumut taipsomunga pilliutinik neksaritse: mingoarutegalâmik erngautaujagalâmiglo, tauvluᴋutinik, kutsomiglo, saunanik, saunâlungniglo.

Genesis 45:22

Ilûnaita attunit tunitjivigivait annorâtsiamik atautsemik, Benjaminele tunitjivigivâ kênaujanik 300nik annorâtsianiglo tallimanik.

Genesis 45:24

Katangutine tagva aularᴋovait. Aularmatta oᴋautivait; ningautiniarasetôᴋ ingergatiluse.

Exodus 16:3

Israêlikullo oᴋautivakit: Atso ilâ! nakudlarajalaungnerpoᴋ toᴋolaurupta Nâlekab agganginut nuname Egipteneme, iksivalaurapta ukkusit igautit saniane ᴋakᴋôjaktoraptalo akᴋeartorluta; tagva tikiutitipaptigut sunaᴋajuitomut ômunga ilagêt ukoa ilûnnaita toᴋotsomavlugit perlernermut.