Genesis 44:2 - Labrador Inuttitut Heritage Bible

² Ermguseralo, ermguseᴋ silbereojoᴋ, nukardlerpâb pônganut ᴋalliutijaksarivat, kênaujallo ᴋaᴋᴋôjaksarsiniutigijangit. Taimailiorporlo, sorlo Josefib oᴋarvigingmago.

Genesis 44:2 Iomraidhean Croise

Genesis 42:20

Nukaselo tikkiutisiuk uvamnut, tagva oᴋausise okpernarniarput toᴋolertuksaungilaselo. Taimailiorput tagva.

Genesis 42:25

Josefelo perᴋojivoᴋ, pôngit ᴋaᴋᴋôjaksanik tattataurᴋovlugit, kênaujaᴋotingillo illijaumerᴋovlugit ilûnatik attunit pônginut, taᴋoaksamiglo tunitjiviorᴋovlugit. Taimailiorvigivaillo.

Genesis 43:32

Kaitsivullo tâpsomunga ingmikut, taipkonungalo ingmikut, Egiptenemiunullotauᴋ ingmikut, Egiptenemiut Ebrêerit nerriᴋatigijaksaringimagit, Egiptenemiunut tamanna maᴋojungnarmat.

Genesis 44:1

Tagva pimaklertoᴋotine perᴋovâ oᴋautilâlo: Angutit tâpkoa pôngit nerᴋiksanik tattakit ajungitanginik, ilûnatiglo attunit kênaujangit ᴋalliutivlugit pônginut.

Genesis 44:12

Kenerasuarporlo angajuklerpâb pônganit pigiarlune nukardlerpâb pônganut tikkidlune; ermguserlo Benjaminib pôngane nagvârtauvoᴋ.

Genesis 44:3

Kaulermalle, angutit tâpkoa siuterᴋortojoᴋotingillo aularᴋovait.

Mattêuse 10:16

Ahâk, saukatitut tilivapse amarᴋut akornganut; tamanna pivlugo silatutsiaritse ᴋuglugiangojârtutitut, nalangainaselo taubititut.

II Korintemiunut 8:8

Taimâk oᴋauseᴋangilanga, sumik perᴋojilunga; assisele taimâk piniatsiarmatta, naglingnisetauᴋ ôktutuinarpara ilungertormangât.

Deuteronomy 13:3

Nelautaijûb sinnartômajûblônêt tâpsoma oᴋauserijangit nâlagaksaringilatit; Nâlekab Gûdipse ôktormase, ᴋaujijomavlune Nâlegak Gûdise nagligimangâpsiuk ômatipsingnut tamânut tarnipsingnullo tamânut.

Deuteronomy 8:16

Nerrititsijigijat sunaᴋajuitome mannanik, atâtagijavit ilitarilungitanginik; nikanarsârtitsomavlutit, ôktoromavlutillo, ajungitulivigijomavlutit kingorngane;

Deuteronomy 8:2

Erᴋaijuksauvotillo apᴋomik ilûnânik Nâlekab Gûdivît tesiorvigijanganik ilingnik jârit makkoa 40 nâvlugit sunaᴋajuitome, nikanarsârtitsomavlutit ôktoromavlutillo, ᴋaujijomavlune sunamik ômamiutaᴋarmangârpit, perᴋojat malingniarmangângne malingniangimangângnelônêt.