Genesis 43:11 - Labrador Inuttitut Heritage Bible

¹¹ Tagva atâtangata Israêlib oᴋautivait: Taimaitsariaᴋarpat, imailioritse: Nunab pingita annernarnerpât illanginik pôpsingnut illijivluse, angumut taipsomunga pilliutinik neksaritse: mingoarutegalâmik erngautaujagalâmiglo, tauvluᴋutinik, kutsomiglo, saunanik, saunâlungniglo.

Genesis 43:11 Iomraidhean Croise

Genesis 33:10

Jakob kiovâ: Aukagle saimaneᴋsiguma sângne, piliutikka tigulaukit aggamnit, imâk pivlugo, kênat takogapko, Gûdib kênanga takolugo sorlo, illalioramgalo.

Genesis 37:25

Ingilerpullo nerriniarlutik. Takosaramik, takovait inugasait Ismaêliterit Gileademit tikkitut kamêleᴋotingillo tauvluᴋutinik mingoarutiniglo kutsuniglo nangmartut; ingergavut Egiptenemut akjartorlugit.

Genesis 43:10

Taimak utterᴋeangatuinalungikupta, maggoertorluta utterêrajarpogut.

Genesis 43:14

Gûdible ajugaᴋangitub nâpkigijautilise angutib taipsoma sângane, ᴋatangutise Benjaminelo illaurᴋojauniartilugik illipsingnut! Uvangale ᴋitorngairutiguma, ᴋitorngairutivunga.

Genesis 43:15

Tagva angutit tâpkoa tiguvait pilliutiksatik, kênaujallo naksarpait maggoertorlutik, Benjaminelo illagivlugo parngnailerput, ingergavullo Egiptenemut, Josefelo tikkipât.

Genesis 43:25

Tâpkoale pilliutiksat âᴋiksorpait Josefe tikkitsiarivlugo uvlub ᴋetterarningane, tussaramik tagvane nerrijuksaunermingnik.

Genesis 43:26

Josefe iglomut itermat, piliutit neksartatik tâpsomunga âpait iglomut pâmangavigivlugo.

I Atannit 10:15

Tamânnalo niuvertinit niuveriarniartunillo, inugasaksuillo (angerlauktut Salomomut) atanninginit, aulatsijunillo nunnane pijok, taijaukasiutinago.

I Atannit 10:25

Ilûnnatiglo âtsivigivât pilliutinik, perᴋutinik Silbereôjunik Goldeôjuniglo, annorangniglo, sakkuniglo tauvlukutiksaniglo, horseniglo, horseojartuniglo, jârine tamaine.

I Atannit 15:19

Angerᴋatigêngneᴋarpok uvamne illingnelo, atâtamnelo atâtangnelo; tamânna pivlugo pilliumik tujoivigivagit, Silberemik Goldemiglo, angerᴋatigêngnek illingnêtok Baesamêtorlo Israelitit ataningane serᴋomilugo piᴋovlutit, tamna aularᴋovlugo uvamnit.

I Atannit 4:21

Taimaglo Salomo Nâlegaulaukpok ataniovingnut ilûnnainut, kôksoarmit Filisterit nunangat, Egiptenemiut kiglilervingat tikkidlugik; pilliutinik ᴋaitsivut tapsomunga, Nâlekpâlo inôsingane tamât.

II Atannit 16:8

Ahasiblo Silbere Goldelo Nâlekab iglungane, atanniublo iglungata perkutitalingane nachvartaulauktut tiguvait, tujorpâlo Assiriamiut atanningat pilliutinik.

II Atannit 20:12

Nalliutome taipsomane Berodachib Baladanib, Baledamib erningata Babelemiut atanningata aglait pilliutiksallo tillikliutivait Hiskiamut, tussarlaurame Hiskia ᴋanimalaungmat.

II Atannit 8:8

Tagva atannek Hasaelemut oᴋarpok: Pilliutiksanik najortekarlutit, Gûdib anguteᴋotinga pachrearuk, Nâlegarlo apperiuk taipsomûna, oᴋarlutillo ᴋanimasermit mattomangat nekkoksiniaralloarmangarma.

Ester 4:16

Ailerit Jûdillo Susanemêtut ilûnaita katterᴋokit nerritailijutigissingalo, nerriᴋonase immerᴋonaselo uvlune pingasune, uvlotillugolonêt unnuarmelonêt; uvanga uigasukotikkalo, nerritailijomavoguttauk taimâk. Taimâglo atannermut itteromavunga, perᴋojak akkerartorlugo; tokᴋotauniaruma, tagva tokᴋotauvunga.

Imgerut 68:29

Tempeleᴋotit Jerusalemêtok pivlugo attannît pilliutinik âtsiviginiarpâtit.

Imgerut 72:10

Attannît Tarsisemit, ᴋikkertennillo pilliutinnik ᴋaitsijomârput; attannîllo Arabiab, Sebablo attaniovingangnit tunnergutinik âtsijomârput.

Imgerut 76:11

Nâlegak Gûdise angervigissiuk pinniarvigilugolo tamattominga. Illunatik tâpsoma illumajingit pilliutinik ᴋaitsilerlît ᴋoaᴋsârnartomut,

Exodus 3:8

Akᴋarpungalo, Egiptenemiut agganginit piulijartoromagapkit aulartitsomavlugillo nunamit tamatomangat nunamut ajungitomut nerrotojomullo, nunamut imumik igupsaujârtullo orᴋsuanik kôlingmut, Kânaanemiut Hetiterillo Amoriterillo Feresiterillo Heviterillo Jebusiterillo nunanganut.

Salomob Okâl 17:18

Inuk assime aggangit tigulugit angertok, Inûᴋattinelo akkisartoromavlugo angermariktok silaipok.

Salomob Okâl 18:16

Inuk pilliutiksaminut agviarutiksaᴋarungnaititsivok, Itterviksaᴋartitauvorlo angajoᴋâksuit sânginnut.

Salomob Okâl 19:6

Unuktut angajoᴋâksoak tuksiarvigivakpat, ilûnatiglo ilannângôvut pillîutinnik aitortuijomut.

Salomob Okâl 21:14

Tunnergutib angigutaujub ningaumajarnek ikublatipa, pilliutiblo ilijaujub inûb sânganut ᴋaningaumajarnerit anginerpangat ikublatipa.

Imgerusersoak 4:10

Ananaudlarmêk naglingnît, najâk nulliaksâklo! Naglingnît nâmanersauvok Weinemit, mingoaruteᴋotivillo tippingata tauvluᴋutiksat tamaita pitikipait.

Imgerusersoak 4:14

Nardinik Safran illaliudlugo Kalmusemik Zimete illaliudlugo, nappârtuniglo Weirauchelingnik; Mirriniglo Aloeniglo, illaᴋarlutik tauvluᴋutiksanik nâmanerpânik.

Imgerusersoak 8:14

Kemâlerit illanâk, adseᴋarlutillo tuktungajôjârtomik, tuktuarᴋamiglônêt ᴋaᴋᴋane tauvluᴋutiksatalingne.

Jeremia 8:22

Mangiptaksaᴋangilâᴋ Gileademê? Aniasiorteᴋangilâᴋ tagvanê? Suna pivlugo tagva inuᴋotima paningata ᴋanoeninga inûlijaungilâᴋ?

Hesekiel 27:15

Dêdanemiut niuverniarᴋatigivâtit, ᴋikkertane unuktune niuverniarviᴋalauᴋpotit: tôgânik ᴋejungniglo ᴋernertanik tauᴋsiutjivut.

Hesekiel 27:17

Judakut Israêlitillo niuverniarᴋatigivâtit, perᴋutitit akkileromavlugit ᴋaitsilauᴋput senaugaksanik Minitimit pijunik, mamaktuniglo, igupsaujârtullo orᴋsuanik, orᴋsumiglo, mingoarutiksaniglo.

Hesekiel 27:22

Niuverniartit Sêbamelo Râmamelo niuverniaᴋatigivâtit: perᴋutitit akkilerpait tauvlukutiksanut pionerpânut, ujarᴋanullo pivianartunut, goldemullo.

Leviticus 20:24

Oᴋautilauᴋpapsele: Tâpkoa nunangat kingormgutijaksarivase, tunijomavaralo ilipsingnut, perᴋutigilugo piᴋovluse, nuna kôlik imungmiglo igupsaujârtullo orᴋsuanik; Uvangauvunga Nâlegak Gûdise, ingmigolingatilauktise inôᴋatigêksoarnit.

Apostelit Piniarningit 21:14

Inertertaujomangimalle, sorairpogut oᴋarlutalo: Nâlekab pijomajanga pile!

Deuteronomy 33:14

Seᴋerngûblo perortitanginut ivlernartunut, ivlernartunullo angijororpaliajunut takᴋerne,

I Samuel 25:27

Mânepok saimanartok kivgavit ᴋaitanga nalekamnut, tamanna innuosuktunut tunnileruk nalekama agvertarᴋattigijanginut.

I Samuel 9:7

Saule nukapiaᴋotiminut oᴋarpok: Aivigigalloaruptigo, sunamik tamna kaitsivigijaksarivittigo? Kakᴋojaᴋarungnaimat pôptingne, assianiglo tunnergutiksaᴋangilaguk âtsungnartaptingnik Gudib angutinganut tapsomunga. Sunaᴋarpinûk?