Genesis 42:22 - Labrador Inuttitut Heritage Bible

²² Rubeniblo kiovait oᴋarlune: Oᴋarvigilaungilapsê, oᴋarlunga: Idluituliniarase nukapiamut? kissiane nâlagomangilase. Sunaubva, aunga akkilertaulerpoᴋ.

Genesis 42:22 Iomraidhean Croise

Genesis 4:10

Oᴋarporlo: Sumik piniarᴋêt? Nukavit aungata nippinga ᴋaggorpoᴋ uvamnut nunamit.

Genesis 42:23

Nallovulle, Josefib tukisingmagit, oᴋarteᴋarlune oᴋarvigingmagit.

Genesis 45:3

Josefelo oᴋarpoᴋ ᴋatangutiminut: Josefeovunga; atâtaga sulle inôvâ? Katangutingitale kiovlugo sapperpât, kênanga ᴋoaᴋsârutiginamitsuk.

Genesis 50:15

Josefible ᴋatangutingit, atâtamik toᴋunga issumajârutigivlugo, oᴋarput: Kapianarmêk, Josefib mâna omiginajarpattigut akkiniarlutalo idluitunik tamainik piniartaptingnik tâpsomunga!

I Atannit 2:32

Nâlekablo akkiniarutigiliuk aunganik niaᴋoanut, angutik toᴋolaungmagik, idluarkijagik, namakijagiglo, inuarlaukpâglo saviksoarmut, atâtaga Davide nellotillugo tamattominga, Abner, Nerib erninga, Israelitit sorsuktuksaksoaᴋatigêngita angajoᴋangat, Amasalo Jetherib erninga, Judakut sorsuktuksaksoaᴋatigêngita angajoᴋangat.

I Atannit 2:33

Tapᴋoa augik akkiniarutigijauᴋovlugik Joabib niaᴋoanut, kinguvângitalo soraijuitomik; Davidele kinguvângillo, iglungalo, iksivautangalo, ullapirsauteᴋarᴋovlugit soraijuitomik Nâlekab sângane.

II Kronika 24:22

Attanniublo Joasib napᴋoarnek erᴋarlaungila, Jojadab Zachariasib atâtangata pinniarlauktanga tapsomunga; innuarpâle erninga. Toᴋᴋovlunelo oᴋarpok: Nalekab takkova, akkiniarutigivâlo.

Imgerut 9:12

Tâpsoma tapᴋoa aungit erᴋaromangmagit apperᴋutigilaitalo; aklujut niplianingit puigorlungilait.

Hesekiel 3:18

Idluitulijoᴋ oᴋautigupko, Toᴋojuksauvotit; inertilungikungnelo, oᴋalungikuvillo idluitulijoᴋ uloriasuᴋovlugo apᴋotiminit idluitomit, inôsinelo piulilugo; tagva idluitulijoᴋ tâmna toᴋolârpoᴋ idluinermine; igville akkiortuksaulârpotit aunga pivlugo.

Lukase 23:41

Uvaguglo pitlartaujariaᴋaramnuk, idluitulilauramnuk; tâmnale idluitulilangilak.

Apostelit Piniarningit 28:4

Maltamiulle takogamitsuk ᴋuglugiak aggangine nivingajok, oᴋaᴋatigêkput: Inuk una inuartôngmat nalonangilak, ᴋiglungnerub inôᴋongimago, imaksoarmit piulijaugalloardlune.

Rômiunut 2:15

Perᴋojat piniarᴋojangit ômatingine aglaksimangmatta nalunailivut, erᴋarsautimingnik kiglisitingmatigik; issumangillo passijigêngmatta pasitiksarutigêngmattalo ingmingnik;)

Takotitaunermik 13:10

Parngnanairsimavingmut pititsijok parngnanairsimavingmut pititaksaugivok; saviksoarmut toᴋotsijok saviksoarmut toᴋotaksaugivok. Tagvane ivjornaitut ᴋenuersâriaᴋarput okperneᴋarlutiglo.

Takotitaunermik 16:9

Inuillo ônadlarput kiaksoarmut, Gûdiblo kappianartunik tamakkoninga aulatsijub atinga mitautigivât, ᴋaᴋialingilallo tâpsominga nâleklutik.

I Samuel 19:4

Jonathanelo idluarnerpâmik oᴋarpok atâtaminut Saulemut Davide pivlugo, oᴋautivâlo: Attaniub kivgane Davide idluitullijutiginiarnago; idluitullivigilaungimattit, pinniarningalo piutsiarpok illingnut.