Genesis 41:8 - Labrador Inuttitut Heritage Bible

⁸ Kaulermalle, tarnimigut issumajârpoᴋ, tiliklerporlo ᴋairᴋovlugit aglangnik illisimajut tamaita, sillatujullo tamaita Egiptenemêtut, sinnaktômanerijanelo unipkautigivait tâpkonunga. Kissiane nallonaijaijungnartoᴋalungilaᴋ tamakkoninga Faraomut.

Genesis 41:8 Iomraidhean Croise

Genesis 40:6

Josefiblo uvlâkut itervigigamigik, takovak, sunaubva, kiksartûk.

Genesis 40:8

Kiovâk: Sinnaktômavoguk, nellonaijaijoᴋartinago tukinganik. Josefible oᴋautivak: Nellonaijaigiaᴋ ilingalungilâᴋ Gûdemut? Unipkârvigitinga-ai?

Genesis 41:15

Faraublo Josefe oᴋarvigivâ: Sinnaktômavunga nallonaijaijoᴋartinago tukinganik: igville tussarpagit oᴋautigijauvlutit, sinnaktômanernik tussartuaruvit, sappinginangne nallonaijarlugo.

Genesis 41:24

Sulugainerillo tâpkoa amitut êvait sulugainerit ipkoa ajungitut. Tamakkoa oᴋautigigalloarpakka aglangnik illisimajunut, kissiane nallonaijaivigijungnangilânga.

Genesis 41:7

Sulugainerillo amitut tâpkoa êvait sulugainerit taipkoa silliktut angijullo. Tupalerlune Farao malugosulerpoᴋ sinnaktômanerminik.

Imgerut 25:14

Nâlekab illanâᴋarninga tâpᴋonanêpok sivôrajunne tâpsominga, angernerminiglo ᴋaujitipait.

Exodus 7:11

Tagva Faraub ilisimajut angakullo ᴋairᴋovait, tâpkoalo, Egiptenemiut ilisimajoᴋotingit aglangnik, taimailiorivut angakonermingnut.

Exodus 7:22

Egiptenemiullo ilisimajoᴋotingit aglangnik taimailiorivuttauk angakonermingnut. Taimaimat Faraub ômatinga mangaitilerpok tusaromangilaglo, sorlo Nâlegak oᴋarmat.

Exodus 8:7

Aglangniglo ilisimajut taimailiorivuttauk angakonermingnut, narrâjit timuartilugit Egiptenemiut nunanganut.

Exodus 9:11

Ilisimajullo nangerlutik Mosesib sângane ajulerput ajuanut, ajualulermata ilisimajut Egiptenemiullo ilûnnamatsiatik.

Jesaiase 19:3

Egiptenemiullo maksoaningat pêromârpoᴋ illunginit, kajusimaningillo nungutitsomavakka. Tagva Gûdingoat appertsoromârpait nallautainerluktullo angakkullo pijomârtuksaniglo oᴋasôngojut.

Jesaiase 29:14

Tamanna pivlugo mãnamit nunaᴋatigêt tâpkoa tattamnartomik piniarvigijomârpakka, illa tattamnartomik; sillatujoᴋotingita sillatuningat assiojomârpoᴋ, illisimajoᴋotingitalo illisimaningat saᴋᴋerungnairomârpoᴋ.

Jesaiase 8:19

Imâglo oᴋauseᴋarpatta illipsingnut: Angakkullo nallautainerluktullo nipjârtut, issivsortut apperijartorsigik! — ajornarpoᴋ. Nunaᴋatigêt appertsoriaᴋangilât Gûdemingnik? Inôjut pivlugit toᴋungajut apperijartorlugit pijuksauvitâ?

Daniel 1:20

Sumiglo ilisimanimiglônêt silatunimiglônêt pijariaᴋartunik ataniub apitsoramigit, tamaini malugivait 10-ertorlutik ilisimanisaungmatta ilisimajunit angakonillo tamainit ataniovingminêtunit.

Daniel 4:18

Sinnartômaniᴋ tamanna uvanga ataniᴋ Nebukadnezar takovara, igvillo, Beltesasar, nalonaijaruk tukkigijanga, ilisimajut ilûnatik ataniovimnêtut sapimaringmatta nalonaijaivigivlunga tukkigijanganik; igvilli sapilungilatit, gudit ivsornaitut aniningat ilingnêngmat.

Daniel 4:19

Danieli tagva, Beltesasarimik attipsâlik, kakilâdlarpoᴋ anikitomik, issumamilo ulapipât. Atanili niplipoᴋ oᴋarlunilo: Beltesasar, sinnartômanirub tukkigijangatalônêt ulapiniaranitit. Beltesasarilo akiluni oᴋarpoᴋ: Nâlegara, sinnartômaniᴋ tamanna ômigijingnut, tukkigijangalo akkiratotingnut ilingali.

Daniel 4:5

Takovunga sinnartômanimik ᴋoaᴋsârûtigijamnik; issumaliornimalo iglimnêtilunga niaᴋumalo takotitjutigijangita ulapipânga.

Daniel 4:6

Tamanna pivlugo piᴋojivunga Babilonib ilisimajungit tamaita itititauᴋovlugit najugamnut, nalonaijaiᴋovlugit uvamnut sinnartômanirub tukkigijanganik.

Daniel 4:7

Itiput tagva ilisimajut, angakuillo, Kaldêarillo, uvloriaᴋsiortullo; sinnartômanira unipkautigivara tâpkonunga; nalonaijaivigilungilângali tukkigijanganik.

Daniel 5:11

Angutiᴋarpoᴋ ataniovingni gudit ivsornaitut anininganik ilumilingmik; atâtavillo uvlungani ᴋaumarsartauniᴋ, issumatoniᴋ, ilisimanilo, gudit ilisimaningititut, naipitaulauᴋput tâpsomani, ataniublo Nebukadnezarib atâtavit angajoᴋângortilauᴋpâ ilisimajunut, angakonullo, Kaldêarinullo, uvloriaᴋsiortinullo; taimak ataniᴋ atâtait piniarpoᴋ;

Daniel 7:28

Tamakkoa tagva nâvut tamâni. Uvangali Danieli, issumama ulapidlarpânga, tautugalo ablatsangolipoᴋ; tamannali torᴋorpara ômatimni.

Daniel 8:27

Uvangalo Danieli ᴋaujimangipunga, uvlullo ᴋapsit nâvlugit ᴋanimavunga; kingornganili makipunga, atanimullo suliangoᴋojaujut suliarivakka; takotitjulli tataminiarutigivara, tamannali malugijaulungilaᴋ kimut.

Leviticus 19:31

Sanguniarase torngaᴋuteᴋartunut angakonullônêt; ᴋenerniarase taimaitunik sujuktaudlalârapse tâpkonunga; Uvanga Nâlegauvunga Gûdise.

Leviticus 20:6

Inuglo sangujok anernekullulingnut angakunullônêt ajortuliᴋatigijomavlugit, inungmut tâpsomunga ila kênara sâtitsomavara, pêjaromavaralo inôᴋatime akornganit.

Habakûb 3:16

Tusarapko iluga aulavoᴋ, ᴋangasinâka sajukpûk nipe pivlugo; auneᴋ iterpoᴋ saunimnut, sajudlarpungalo inimne; merngoêrserviksarsilangatôᴋ uvlorme kapianartovingme, katingajoᴋsôvlutik opagiartortut majorarpatta inuit sorᴋsugomavlugit.

Mattêuse 2:1

Jêsuse erniangongmat Betleheme Jûdêamêtome, Herôdese ataniotilugo, ahâk, ilisimajut unangat (nalojut nunanginit) Jerusalemut pivut, oᴋarlutiglo:

Apostelit Piniarningit 17:18

Epikurêerillo ilangit Stoikerillo Filosôfit (ilisimaneksiortit) akkerartorpât; ilangillo oᴋarput: Kaneᴋadlartok una ᴋanok oᴋauseᴋarᴋâ? Ilangille oᴋarivut: Sorlo Gûdinik takorngartanik oᴋâlajomajok; oᴋautsinik tusarnertunik Jêsusemik makitoᴋaromârtomiglo oᴋautilaungmagit.

Apostelit Piniarningit 7:22

Môseselo ajoᴋertortaulerpok Egiptenemiut ilisimaninginik tamainik, pitsartudlalilarmelo oᴋautsinik piniarnerniglo.

I Korintemiunut 1:19

Aglaksimangmat: illisimajut illisimaningit piojungnaititsomavakka, silatojullo silatuningit pêromavakka.

I Samuel 6:2

Filisterillo ajochertuijoᴋotitik nallautaijoᴋotitiglo ᴋaiᴋovait, oᴋarlutiglo: Kannok Nalekab iklervinga pinniarvigijaksarivittigo? Ajochertortigut sunakut tillikliutijaksarivittigo innigilauktanganut?