Genesis 41:49 - Labrador Inuttitut Heritage Bible

⁴⁹ Taimak Josefe ᴋaᴋᴋôjaksanik unuktovaksoarnik ᴋematuliviliutjivoᴋ, imab siorangititut itilugit; kititsungnaisinnalerpait, kititaujungnangimatta.

Genesis 41:49 Iomraidhean Croise

Genesis 22:17

Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

Genesis 41:48

Jârillo sepat taipkoa nalliutitilugit, nerᴋiksat sunatuinait Egiptenemêtut kattersorpait, iglugasaksoarnut pitilugit. Nerᴋiksat, iglugasaksuit nelliata erᴋâne perortut, illuanut pitipait.

Genesis 41:50

Jarit kângnartut nalliuterᴋârtinagit Josefe maggungnik ernertârpoᴋ, Asnatib, Potiferab ajoᴋertuijub Onemêtub paningata, erniaringmagik tâpsomunga.

Hiobe 1:3

Nergjuteᴋotingillo saugat 7,000 diolaukput, Kamêlillo 3,000 diolaukput, tuktuvaillo aiparêngolaukput kakᴋautinut 500 dinut, siuteᴋoktojullo 500 diolaukput, kivgangillo unuktovaksôlaukput; opinarnelionersaulaukporlo ilûnainit nuname taunanêtome nunaᴋartunit.

Imgerut 78:27

Nerᴋemiglo sillalugviotipait sanniktitut tingmianiglo merkolingnik siorkatitut imarbiksub sikjanganêtutitut îtunnik.

Jeremia 33:22

Sorlo ᴋilaub katimgajoᴋsoaᴋotingit kititaujungnangimatta, sorlolo imarbiub siorangit ôktortaujungnangimatta; taimak unuksititsomârivakka kivgama Dâvidib kinguvângit, Levikullo kivgartortut uvamnik.

Idluarsaijut 6:5

Takpaungarlauramik nerguteᴋotitik tuppitiglo naksarlugit piglertaksoatitut unuktovaksoatitut, tapkoalonêt Kameleᴋotingillonêt kittiksaulaungimatta; ittarlaukpullo nunamut, asseroromavlugo.

Idluarsaijut 7:12

Midianiterillo Amaleᴋiterillo unanêmiullo ilûnatik nallalaukput naksarme piglertatitut unuktovaksoatitut; Kamelekotingillo kittiksaulaungilet unumut, siorᴋatitut imarbiub siksanganetutitut.

I Samuel 13:5

Tagva Filisterit kattimalerput Israelitit sorsugvigijomavlugit, aksalloaggit 30,000 dit, ablangajut horsine 6,000 dit, innuksuillo assingit, siorkatitut immarbiksub siksanganêtutitut unnuktigijut; majorarpullo tangmarterlutiglo Michmaseme, Bethavenib kittâne.