Genesis 41:40 - Labrador Inuttitut Heritage Bible

⁴⁰ Igvit iglumne aulatsijuksauvotit, inuᴋotimalo ilûnatik oᴋautsitit nâlagaksarivait, attanersûb iksivautanga kissiat pinersaujutigivara illingnit.

Genesis 41:40 Iomraidhean Croise

Genesis 39:9

Uvamnit anginersaujoᴋangilaᴋ iglome mattomane, ivlersilungilarlo sunamiglônêt uvamnut, illingnik kissingnik, nuliarigamitit. Kappianarmêk, ajortoᴋsoaᴋ tamanna piniarajarupko Gûdemut ajortulivlunga!

Genesis 44:18

Tagva Judab sângerpâ oᴋarlune: Attaneng-ai? kivgat oᴋâlagalâlauletôᴋ attanera tussartilugo, ningaumajârnîllo katsungainiaranetôᴋ kivgarnut, Faraotut igalloaravit.

Genesis 45:26

Unipkârvigivlugolo oᴋautivât; Josefe inôvoᴋ sulle, attaniovorlo nuname Egipteneme ilûnâne. Kissiane ômatinga ônartailivoᴋ, okperingimagit.

Ester 10:3

Mardachai Jûdiôjok tugliolaungmat atannermut Ahasverosemut, angijôlunelo Jûdit akkorngane, ᴋuviagijaulunelo ᴋatangutime unnurninginut, ᴋennerlauktok inûᴋotime idluarkutiksanganik, oᴋalauktorlo nâmanerpângôjomik kinguvakotine ilûnaita pivlugit.

Ester 3:1

Pijoᴋalauktut tamakkoa kingorngane, atanniub Ahasverosib Haman Medatab erninga, Agagitereôjok angijorortipa, kagvertilâlo, iksivautangalo issukliotipa angajoᴋâksoaminit tapsomanêtunit ilûnainit.

Hiobe 31:27

Omattiga angigutsivlune tilliortaukolauᴋâ, ᴋanerma aggakka kunniklugit perᴋovlugo?

Imgerut 2:12

Ernek kunnissiuk, ningarᴋonago, nungutauᴋonaselo apᴋome; ningarninga ikkoalasarainiarmat; pilloridlarpulle illunatik tatteartut tapsominga.

Salomob Okâl 22:29

Angut attaruilijok sullijaksamine takkogungne, tamna atanersoarmik kivgartoromârpok, pijariakitullo kivgartoromângilait.

Daniel 5:29

Tagva Belsazar piᴋojivoᴋ, Danielilo annorârtauvoᴋ aupaloriktunik, ujamiklugolo goldiojunik ᴋongisingani, ᴋaujititsivullo tâmna pivlugo ataniojuksaungmat pingajuanik ataniovingmi.

Daniel 6:3

Daniel iᴋanarnipauvoᴋ angajoᴋâᴋsoarnit atanirusinillo, piojomik aniniᴋarami ilumini, atanilo issumaᴋalipoᴋ angajoᴋâᴋsoangortitsomavlugo ataniovingmut ilûnânut.

Apostelit Piniarningit 7:10

Piulivlugolo kappiasungninginit tamainit, saimartilâllo silatutipâ Faraub Egiptenemiut ataningata sângane; tâpsoma angajoᴋângortipâ Egiptenemiunut, iglominêtunullo ilûnainut.

I Samuel 10:1

Tagva Samuelib publaujak orksuktalik tiguva, kovilugolo tapsoma niaᴋoanut kunnikpa, oᴋarlunelo: Takkovît Nalekab mingoarsimangmattit, attanniôᴋovlutit kingormgutigijanganut?