Genesis 40:5 - Labrador Inuttitut Heritage Bible

⁵ Tamarmiglo sinnaktômavuk, Egiptenemiut attaningata imiksaliortinga ᴋaᴋᴋôjaliortingalo parngnanairsimavingme parngnanairsortaumajûk, tamarmik ingmikut sinnaktômavlutik unnuarme atauserme, attunit sinnaktômanermik ingmigut tukelingmik.

Genesis 40:5 Iomraidhean Croise

Genesis 20:3

Gûdible unnuarme Abimêlege sinnaktômanikut tikkipâ, oᴋautivlugolo: Ahâk, toᴋolertuksauvotit arnaᴋ tâmna tigujat pivlugo, angutib nuliaringmago.

Genesis 40:1

Pijokartut tamakkoa kingorngatigut, Egiptenemiut attaningata imiksaliortinga ᴋaᴋᴋôjaliortingalo idluitulivuk angajoᴋâmingnut Egiptenemiut attaninganut.

Genesis 40:4

Attanermiglo udjertortut angajoᴋângata Josefe kivgartorᴋovâ tâpkungninga. Parngnanairsimavingmêpuglo uvlut ᴋapsit.

Genesis 40:6

Josefiblo uvlâkut itervigigamigik, takovak, sunaubva, kiksartûk.

Genesis 40:8

Kiovâk: Sinnaktômavoguk, nellonaijaijoᴋartinago tukinganik. Josefible oᴋautivak: Nellonaijaigiaᴋ ilingalungilâᴋ Gûdemut? Unipkârvigitinga-ai?

Genesis 41:11

Taipsomane sinnaktômavoguk unnuarme atautseme uvangalo taimnalo, attunit sinnaktômanermik ingmigut tukelingmik.

Ester 6:1

Unnuarme taipsomane atannek sinnigungnarlaungilak, ᴋaitauᴋovaillo aglait, unipkautsit pijoᴋalauktunik, attuartaulaukpullo atanniub sângane;

Daniel 4:19

Danieli tagva, Beltesasarimik attipsâlik, kakilâdlarpoᴋ anikitomik, issumamilo ulapipât. Atanili niplipoᴋ oᴋarlunilo: Beltesasar, sinnartômanirub tukkigijangatalônêt ulapiniaranitit. Beltesasarilo akiluni oᴋarpoᴋ: Nâlegara, sinnartômaniᴋ tamanna ômigijingnut, tukkigijangalo akkiratotingnut ilingali.

Daniel 4:5

Takovunga sinnartômanimik ᴋoaᴋsârûtigijamnik; issumaliornimalo iglimnêtilunga niaᴋumalo takotitjutigijangita ulapipânga.

Daniel 4:9

Igvit, Beltesasari, ilisimajunut nâligaujotit, ᴋaujimagama gûdit ivsornaitoᴋsôjut aniningat ilingnêngmat, nalonadlartullo sapirutigilunginangni, oᴋautinga sinnartômanipkut takotitjumik takojamnik tukkigijanganiglo.

Numbers 12:6

Tâmnalo oᴋarpoᴋ: Oᴋausikka tusarsigik; nelautaijoᴋarpat akunapsingne, uvanga Nâlegaujunga nelonaijaromavunga uvamnik tâpsomunga takotitjutikut, oᴋarvigijomavara sinnartomanekut.