Genesis 40:20 - Labrador Inuttitut Heritage Bible

²⁰ Uvlullo pingajuane, Faraub inûlerviane, nerrimâraksarsoarmik âᴋiksoigame kivgaminut tamainut, imiksaliortit angajoᴋângata niaᴋunga makitipâ ᴋaᴋᴋôjaliortillo angajoᴋângata niaᴋunga kivgame akorngane.

Genesis 40:20 Iomraidhean Croise

Genesis 21:8

Sorrusiarsuglo aglisilerpoᴋ amâmagungnairtitauvlunelo. Abrahalo nerrimâraksarsoarmik âᴋiksoivoᴋ taipsomane, Isaaᴋ amâmagungnairtitaungmat.

Genesis 40:13

Uvlut pingasut nâkpatta, Faraub niaᴋuit makitilârpâ uttertilutit kivgartorvigijarnut, Faraublo ermgusiarsunganik tunitjilârivotit agganginut, iluserilauᴋtaktut taipsomane imiksaliorteolauravit.

Genesis 40:19

Uvlut pingasut nâkpatta, Faraub niaᴋuit makitilârpâ illingnit pêrlugo, nivingatilutit ᴋejungmut; tingmitjallo uvinît nerrilârpât illingnit.

I Atannit 3:15

Salomolo tuppalermat, ahâk, tagva tamânna sinnektomaniolaukpok. Tikkiporlo Jerusalemut, nangeriartorlunelo Nâlekab angersimaningata iklervingata sânganut, tunnijilunelo tunnergutinik ôtaksanik, ᴋujalijutiksaniglo, âkᴋiksoilunelo nerrimâraksamik angijomik kivgaminut ilûnnnainut.

II Atannit 25:27

Jârillo 37 ingane Jojachin Judakut atanningat aularudsaulaukârdlune, takkit 12 ingata uvlungita 27 ingane Evil-Merodachib Babelemiut atanningata, atannionime Jâringita sivorlingane, Jojachimib Judakut atanningata niakunga kivikpa parngnanairsimavingmit,

Ester 1:3

Atanniotinime Jahringita pingajuane nerrimartitsivok Angajoᴋâᴋotiminut kivgaminullo ilûnainut, tagva pitsartunelingnut Persiame, Medenemelo, erᴋanarnerpânullo aulatsijunullo nunamine,

Hiobe 3:1

Tamattoma kingorngane Hiobib ᴋanine angmarpâ, inûlervinelo ôminarnerarpâ.

Imgerut 105:19

Oᴋausingit tikkerᴋârtinagit, Nâlekab oᴋauserijangit, namaksititsiᴋartinagit tâpsominga.

Jeremia 52:31

Pijokarporlo Jojakinib, Judab ataningata aularutijauningata jâringita 37ingane, taᴋᴋit 12ingane, taᴋᴋiub uvlungita 25ingane, Evilmerodab, Babilonib ataningata, atanioningata jâringita sivorlerpângane, Jojakinib, Judab ataningata, niaᴋoa ᴋagvertingmago, anitilâllo parngnanairsimavingmit;

Mattêuse 14:6

Herôdese inûlervingminik uvloᴋsormat, Herôdiasib paninga oᴋigêserpok tâpkoa sângane. Tamanna Herôdesib ᴋuviagivâ.

Mattêuse 25:19

Mululauᴋârdlune akunit kivgat ukkua ataningat tikipok, kiglisiniarlugillo.

Markuse 6:21

Uvloᴋalermallo pitjutivingmik Herôdesib inûlerviane, tâpsoma atanigasait, sorᴋsuktuksallo angajoᴋângit, Galilêtullo angajoᴋaunersat nerrimârtimagit,