Genesis 40:19 - Labrador Inuttitut Heritage Bible

¹⁹ Uvlut pingasut nâkpatta, Faraub niaᴋuit makitilârpâ illingnit pêrlugo, nivingatilutit ᴋejungmut; tingmitjallo uvinît nerrilârpât illingnit.

Genesis 40:19 Iomraidhean Croise

Genesis 40:13

Uvlut pingasut nâkpatta, Faraub niaᴋuit makitilârpâ uttertilutit kivgartorvigijarnut, Faraublo ermgusiarsunganik tunitjilârivotit agganginut, iluserilauᴋtaktut taipsomane imiksaliorteolauravit.

Genesis 40:17

Amârgaujamelo ᴋollerme ᴋaᴋᴋôjatsiaᴋarpoᴋ sunatuinarnik Faraub nerᴋiksanginik, tingmitjallo nerrivait amârgaujamit kakkaktamnit.

Genesis 40:18

Josefib kiovâ oᴋarlune: Tamadja tukinga: Amârgaujat pingasut tagva uvlut pingasut:

Genesis 40:20

Uvlullo pingajuane, Faraub inûlerviane, nerrimâraksarsoarmik âᴋiksoigame kivgaminut tamainut, imiksaliortit angajoᴋângata niaᴋunga makitipâ ᴋaᴋᴋôjaliortillo angajoᴋângata niaᴋunga kivgame akorngane.

Genesis 40:22

Kaᴋᴋôjaliortille angajoᴋângat nivingartaurᴋovâ ᴋejungmut, sorlo Josefib nallonaijaivigingmagik.

Genesis 41:13

Sorlolo nallonaijaivigingmattiguk, taimak nalautsivoᴋtauᴋ: uvanga kivgartorvigijamnut uttertitauvunga, imnale nivingarpâ.

II Samuel 21:10

Tagva Rizpab Ajab panningata pôksaijak tiguva issivilâlo ᴋairtub ᴋânganut kattersiviub pigiarningane, immek ᴋillangmit kôlerᴋârtinago tapkonunga; uvlotillugolo tingmitset ᴋillaub attânetut mikolaungilait tapkoa ᴋângine, unnuarmelonêt omajut naternamêtut tapkonungarᴋolaungilait.

II Samuel 21:6

Tunnitsivigitigut angutinik 7 nik, taipsoma iglunganit pijunik, kimitsiᴋovluta taipkoninga Nalekamut, Saulib Gibeaᴋotingane, Nalekab annerilauktangata. Attannek oᴋarpok tunnijomavakka.

Salomob Okâl 30:17

Ije atâtaminik alleᴋuteᴋartok, Nâlengnermiglo anânaminik nachojok, tâmna tullukat kongme pêraksarivât, nektoraliarkallo nerrijaksarivât.

Hesekiel 39:4

Oggojomârpotit Israêlib ᴋaᴋᴋangine, igvit, siaktitatillo, inugiartoᴋsuillo ilagijatit; tunijomârpagit tingmianut uningârtunut sunatuinarnut naternaublo nergjutinginut, nerrijauᴋovlutit.

Apostelit Piniarningit 20:27

Angigutilaunginapse, oᴋâlavlungale Gûdib perᴋojanginik tamainik.

Galâtsiamiunut 3:13

Kristusible piulilauᴋpâtigut perᴋojat ômigijautitsininganit, nangmineᴋ ôminartitaulaungmat pivluta, aglaksimangmat: Ominarsile neliat ᴋejungme nivingajoᴋ.

Josua 10:26

Kingornganelo Josuab ullimarpait toᴋᴋolugillo nivingatilugillo nappartunut tallimanut; nivingalaukpullo nappartune unnuk tikkilugo.

Josua 8:29

Aiemiullo attanningat nivingatauᴋova nappartomut unnuk tikkilugo. Seᴋᴋinerle nippijarêrmat, perᴋojivok timinga anernangêrtok akᴋartitauᴋovlugo nappartomik, egipâllo iglugasaksuit itterviksoanganut, ujarᴋallo unuktut perorliutivait ᴋânganut, uvlok tamanna tikkilugo tagvanetut.

I Samuel 17:44

Oᴋarporlo Davidemut: Kait uvamnut, uvinît tunnijomavara tingmitsanut ᴋillaub attânetunut, omajunullo naternamêtunut.

I Samuel 17:46

Uvlorme tamattomane Nalekab unertotiginiarpâtit aggamnut, annauniᴋovlunga illingnik, pêrsiᴋovlungalo niakungnik illingnit; tunnijiᴋovlungalo Filisterit kattimgajoᴋotingita timinginik anernengêrtunik tingmitsanut ᴋillaub attânêtunut, omajunullo nujuartunut nunamêtunut, nunamiut illunatik tukkisilerᴋovlugit Israele Gudeᴋarmat,