Genesis 4:7 - Labrador Inuttitut Heritage Bible

⁷ Imaingilâᴋ: Idluartoᴋ kajungerigungne maksoavotit; idluartorle kajungeringikungne idluituligiaᴋ utaᴋᴋivoᴋ upkoarme kajungerlune illingnut? Igville tâpsomunga attaniotilerit.

Genesis 4:7 Iomraidhean Croise

Genesis 19:21

Oᴋautivâ tagva: Ahâk, tamattomanetauᴋ ᴋippilungilagit, pivlutit iglugasait oᴋautigijatit mumigomanginapkit.

Genesis 3:16

Arnamullo oᴋarpoᴋ: Anernartomik ikpigititsomârpagit singailerangavit, âniadlarlutillo ernisugomârpotit, uillo kajungerijomârpat, tâmnale nâlegaujomârpoᴋ illingnut.

II Samuel 24:23

Tamaita Arafnab attanniojub tunnivait attannermut. Arafnalo oᴋarpok attannermut: Nalekab Gudivit namagijautilitit ingminut.

II Atannit 8:28

Joramelo Ahabib erninga ilagilugo aularpok Ramothemut Gileademetomut, Hasael Siriamiut atanningat sorsugvigijomavlugo; Siriamiulle Jorame sâlagivât.

Hiobe 11:14

Nâmangitullinek aggangnêtok ungasiktinajalaurungne illingnit, iglungne idluineᴋarungnainajarᴋovlugo:

Hiobe 11:15

Tagva kênait kagvartitsungnarajarpet nangarijaunak, pallangainajarlutillo, erᴋsitaililutillo.

Hiobe 29:4

Ilaungniptut inosungnima nalliuningane, Gûdib nallonarninga igluma ᴋollânêlauktillugo;

Hiobe 42:8

Tagva mânna tuktuvângnik angusâllungnik 7 nik, sauganniglo angusâllungnik 7 nik, tigusileritse, ailerluselo kivgamnut Hiobemut, tunnijiluselo pivluse tunnergutinik ôtaksanik, kivgaralo Hiobe tuksiutjerᴋosiuk illipsingnik. Tâmna takkonâromagapᴋo, piniarvigiluse perᴋonanga sillainisse malliklugo: nâmaktomik oᴋautigilaunginapsinga kivgaptut Hiobetut.

Salomob Okâl 18:5

Nâmangilak Gûdeᴋangitub kinauninga kamagilugo, idluartok passijautilugo erᴋartuivingme.

Salomob Okâl 21:27

Gûdeᴋangitut tunnergutingit makkojungnarniôvut; piluartomik nellangainermut tunnijijoᴋarpat.

Jeremia 3:12

Ailerit, oᴋautsillo tamakkoa oᴋâlautigikit, avunga sângavlutit, oᴋarlutillo: Uterittôᴋ, Israêle kingupiartortotit, Nâlagaᴋ oᴋarpoᴋ; ningarlunga takonâtsainaromangilagit, nâpkiniktôgama, Nâlagaᴋ oᴋarpoᴋ, soraijunangalo ningaumajâromangilanga.

Jeremia 6:20

Suna pivlugo âtsivigivisingâ tipigiksautiksanik Sebamit, tauvlukutiksaniglo nunamit ungasiktomît? Tunergutiksase ôtaksat pijominalungilat uvamnut, tunergutiksaselo toᴋotaksat ᴋuviagingilakka.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Mâlaki 1:10

Kanoᴋtôᴋ atausiublônêt akunapsingnit upkoat parngnanairsorajarpagit, sulinase ikoâlasaiᴋonase tunerguservimne! ᴋuviagilungilapse, oᴋarpoᴋ Nâlegaᴋ Zebaot, tunergutiniglo nerᴋiksanik pijomangilanga aggapsingnit.

Mâlaki 1:13

Oᴋarposetauᴋ: Merngortornadlarpoᴋ ilâ! Suglugivaselo, oᴋarpoᴋ Nâlegaᴋ Zebaot; ᴋaitsivoselo aᴋsârnigaujunik, tusiaktuniglo, ᴋanimajuniglo; tunergutiksanik taimaitunik ᴋaitsivose; ᴋuviaginiarpakkâle taimaitut aggapsingnît? Oᴋarpoᴋ Nâlegaᴋ.

Mâlaki 1:8

Tautungitorlo tunergutigigupsiuk, (oᴋarpose) maᴋojungnalungilaᴋ! Tusiaktorlônêt ᴋanimajorlônêt tunergutigigupsiuk, (oᴋarpose) naggonalungilaᴋ! Pajugutigisiuk nunab atanerusinganut; tâpsoma ᴋuviaginajarᴋâtît? Kinaunîllônêt kamaginajarᴋaûk? oᴋarpoᴋ Nâlegaᴋ Zebaot.

Numbers 32:23

Taimailioromangikupsele, ahâk, tagva idluitulisimaniarpose Nâlekamut; missigijomârposelo idluitulinipse nelaudlalârmase.

Apostelit Piniarningit 10:35

Inuille sunatuinait, tâpsominga sivôrajut idluartulijullo ilaliorpait.

Rômiunut 12:1

Taimaimat kaiblarpapse, ᴋatangutikka, Gûdib nâpkiningninga pivlugo, timise tunisigik tunergutiksatut ômajotut, ivjornaitotut Gûdemullo ᴋuviagijaujotut; taimailiorupse, Gûde tukkeᴋartomik kivgartutsiarpase (anernerme.)

Rômiunut 14:18

Tamattomunga Kristusemik kivgartortoᴋ, Gûdemut ᴋuviagijauvoᴋ, inungnullo ivlerijauvlune.

Rômiunut 15:16

Jêsuse Kristusemik kivgartortuksaugama nalojut akorngane, Gûdib oᴋausingit tussarnertut oᴋâlatigivlugit, nalojut tunergutauᴋovlugit ᴋuviagijaujomik Gûdemut, ivjornaititauᴋovlugillo Anernermut ajunginermut.

Rômiunut 6:12

Taimaimat ajorneᴋ atanerinasiuk timipsigut toᴋojuksatigut, ikliguninga nâlatsanago!

Rômiunut 6:16

Kaujimangilasê, nalianut kivgaulerluse tunigupse ilipsingnik nâlaklugo, nâlaktapse kivgarilermase; ajornerublônêt toᴋotsiniartub, nâlangnerublônêt idluarsaijûb?

Efêsusemiunut 1:6

Saimarsautine ânanaujoᴋ nertortauᴋovlugo, tamattomunga ᴋuviagijautingmatigut erdlingnartome.

I Timôteusemut 5:4

Uigarneᴋarpalle ᴋitorngalingmik erngutalingmiglônêt, taimaitut ᴋitorngangit ilinniarᴋârlît Gûdib idluarijanganut angajoᴋauniarlutik ilamingnut, akkiniarlutiglo angajoᴋâmingnik; tamanna ajungimat ᴋuviagijauvlunelo Gûdemut.

Ebrêerinut 11:4

Okpernermut Abele tunijivoᴋ tunergumik ajunginersamik Kainemit; ômangat idluarlune kigligiutauvoᴋ, Gûde tunerguserninganik kigligiutjingmat; tamattomûnalo sulle oᴋâlavoᴋ, toᴋungagalloardlune.

Jâkobusib 1:15

Kingorngane ikligunek sâleᴋalerangame, idluitulinermik sakᴋertitsivok; idluitulinerle atortaukpat, toᴋomik sakᴋertitsivok.

I Pêtrusib 2:5

Ilipsetauᴋ ujarᴋatitut ômajutitut igloliangotitse, igloᴋsoangolerᴋovluse anernelingmik ajoᴋertuijuksaulerluselo ivsornaitunik; tunijijuksauᴋovluse tunergutinik anernilingnik, Gûdib idluarijanginik Jêsuse Kristusikut.