Genesis 4:10 - Labrador Inuttitut Heritage Bible

¹⁰ Oᴋarporlo: Sumik piniarᴋêt? Nukavit aungata nippinga ᴋaggorpoᴋ uvamnut nunamit.

Genesis 4:10 Iomraidhean Croise

Genesis 18:20

Nâlegarlo oᴋarpoᴋ; Sodomamiut Gomorramiullo pivlugit niplianeᴋ angijôngmat, ajortuliningillo sugaluluadlarmatta,

Genesis 3:13

Tagva Gûdib Nâlekab arnaᴋ oᴋautivâ: Sôᴋ taimailiorᴋêt? Arnarle oᴋarpoᴋ: Kuglugiab taimak uiveringmanga, nerrivunga.

Genesis 9:5

Illâle, ause inôtigijase aperᴋutigijomârpara, ômajunut tamainut aperᴋutigijomârpara; inublo inôtigijanga aperᴋutigijomârpara inungmut kinamullônêt, ᴋattangutigingmago.

II Atannit 9:26

Ahamarik, Nâlegak oᴋalaukpok, Nabotib aunga, erningitalo aungit ikpeksak takkolaukpakka, uvangalo kigluvigijomavagit tamattominga perorsêvingme tamattomane. Taimak tiguleruk manna egilugolo perorsêvingmut tamattomunga, Nâlekab oᴋausingit malliklugit.

II Kronika 28:9

Tagvanelaukporle Nalekab nallautaijoᴋotingita illangat, Odedemik attelik, tamna annivok sorsuktuksat Samariamut tikkitut pachreartorlugit, oᴋautilugillo: Ahâk, Nalekab atâtagijapse Gudingata Judakut ningaringmagit tunnilaukpait aggapsingnut; illipsele toᴋᴋolaukpasse ᴋanningaumajarnermut, ᴋillangmut tôngmat.

Hiobe 16:18

ᴋanoktôk nuna auga ullingniarnago! Nipliadlarneralo inniksarsiniarane!

Hiobe 24:12

Inuit iglugasaksoarnêtut annersaumitipait, unatartaumajullo tarningit avalâtipait; Gûdiblo passilungilait idluitullinermik.

Imgerut 50:21

Taimailiorpotit, uvangalo niplingilanga; tagva illiktuninasugivarma. Kissianele pitlaromavagit, pititsomavara ijikpît sângangnut.

Imgerut 72:14

Tâpkoa tarningit uivêrijaunermit namangitullivionermillo piulijomârpait; aungello akkitonasugijaujomârpok tâpsoma sângane.

Imgerut 9:12

Tâpsoma tapᴋoa aungit erᴋaromangmagit apperᴋutigilaitalo; aklujut niplianingit puigorlungilait.

Imgerut 9:13

Nâlegak nâpkigilaunga, ânianikka ômigijimnut takkonârkit, ᴋagvertitsijotit uvamnik toᴋᴋub itterviksoanginnit.

Exodus 3:7

Nalegarlo oᴋarpok: Inuᴋotima siorniorningit Egipteneme takovakka tusarpakkalo, angajoᴋâtik kivgartorlukatitsijut nipliajutigingmagit, kapiasungningit nalungilakka.

Jesaiase 5:7

Imaiporle: Kilangmiugasaksuit Nâlegangata perorsêvia vaineliksatalik tagva Israêlikkut, Jûdablo angutingit tagva illijivigijanga (perortuksanik) ᴋuviagijanga. Idluartullinermik nerriugame, aksorûtjineᴋ takkovâ; idluarnermik nerriugame, ogguarneᴋ tussarpâ.

Numbers 35:33

Nunalo nunagijase naggonartitaksaringilase; nunalo sujungaititaujungnangilaᴋ aungmit kovimajomit tagvane, kissiane aungmik kovisilauᴋtûb aunganut.

Apostelit Piniarningit 5:3

Pêtrusele oᴋarpok: Ananîase, sôk Sâtanasib ômatit ilumertipaûk, Anerneᴋ ajunginek sagloᴋidlarangne, perorsêviub akingita ilangit angiarilugît?

Apostelit Piniarningit 5:9

Pêtrusible oᴋautivâ: Sôk adsigêktomik isumaᴋarpitîk Nâlekab Anerninga ôktoromavlugô? Ahâk uingnik iluversijut itigangit upkuab silatânêput, igvittauk aniniarivâtit.

Deuteronomy 21:1

Nuname Nâlekab Gûdivît tunijangane ilingnut perᴋutauᴋovlugo, tokungajok nagvârtaukpat nelangavlune perorsêvingme, ᴋaujijaungipallo kia toᴋomangâgo;

Ebrêerinut 11:4

Okpernermut Abele tunijivoᴋ tunergumik ajunginersamik Kainemit; ômangat idluarlune kigligiutauvoᴋ, Gûde tunerguserninganik kigligiutjingmat; tamattomûnalo sulle oᴋâlavoᴋ, toᴋungagalloardlune.

Ebrêerinut 12:24

Pijitsertomullo Testamentetâmik Jêsusemut, aungmullo serparsautiksamut, ajunginersamik oᴋâlajomut Abelib (aunganit).

Jâkobusib 5:4

Ahâk sanajut, perorsêvipsingnit katersoijut, akkiksangita ilipsingnut mikinersautitauningit nipliadlarput; katersoijullo (tâpkoa) nipliadlarningit Nâlekab Zebaotib siutîgingnut pimanerput.

Josua 7:19

Josualo Achanemut oᴋarpok: Ernîk nertordlernermik tunnijilerit Nalekamut Israelib Gudinganut, nakorilugolo pît, oᴋautilungalo, sunamik pinialaukât? missiarviginangalo sunamik.

I Samuel 13:11

Samuele oᴋarpok: Sunamik pinniarlauᴋît? Saul kiovok: Takkolaukpunga, innugatsuit siamartermatta uvamnit, igvillo ᴋailaunginavit nalliutome oᴋautaumajome, Filisterillo kattimangmatta Michmaseme.