Genesis 39:9 - Labrador Inuttitut Heritage Bible

⁹ Uvamnit anginersaujoᴋangilaᴋ iglome mattomane, ivlersilungilarlo sunamiglônêt uvamnut, illingnik kissingnik, nuliarigamitit. Kappianarmêk, ajortoᴋsoaᴋ tamanna piniarajarupko Gûdemut ajortulivlunga!

Genesis 39:9 Iomraidhean Croise

Genesis 13:13

Kissianele Sodomamiut uivêtoᴋsôvut idluitulijoᴋsôvlutiglo Nâlekab sângane.

Genesis 20:3

Gûdible unnuarme Abimêlege sinnaktômanikut tikkipâ, oᴋautivlugolo: Ahâk, toᴋolertuksauvotit arnaᴋ tâmna tigujat pivlugo, angutib nuliaringmago.

Genesis 20:6

Gûdiblo sinnaktômanikut oᴋautivâ: Uvangatauᴋ ᴋaujimavagit, ômatikkut nelâgôrlutit taimailioravit. Tamanna pivlugo idluitulerᴋonak uvamnut aktuitailitipagit tâpsominga.

Genesis 20:9

Abimêlegible Abrahatauᴋ ᴋairᴋovâ oᴋautivlugo: Sôᴋ taimailiorvigivitigût? Sumik idluitulivingâ illingnut, taimaitoâlungmik ajortoᴋsoarmik uvamnut nâlegauvimnullo pititsijomagavit? piniaraksaungitunik piniarvigivarma.

Genesis 24:2

Abrahablo oᴋautivâ kivgarne, iglomine inutoᴋaunerpaujoᴋ, pimaklerteojoᴋ perᴋutinginik tamainik: Aggatit sibviamnut illikit,

Genesis 39:10

Nâlengilâlo Josefib, tuttingnago najornagolônêt, uvlut tamaita taimak innagalloarmago.

Genesis 41:40

Igvit iglumne aulatsijuksauvotit, inuᴋotimalo ilûnatik oᴋautsitit nâlagaksarivait, attanersûb iksivautanga kissiat pinersaujutigivara illingnit.

Genesis 42:18

Uvlullo pingajuane Josefib oᴋautivait: Imailioritse, tagva inôjuksauvose, Gûde opigigapko.

II Samuel 11:27

Ogguarêrmalle, Davide tilliklerpok aijauᴋolâlo iglominut, nulliangolerporlo tapsomunga, ernilunelo tapsomunga ernermik. Nalekable pinniarnek tamanna Davidib pinniartanga idluigiva.

II Samuel 12:13

Tagva Davide Nathanemut oᴋarpok: Idluitullilaukpunga Nalekamut. Nathanib Davide oᴋautiva: Tagva Nalekab ajornît pêjarsimagiva, toᴋᴋoniangilatit.

Nehemia 5:15

Aulatsijut sivunimnêlauktut inugasaksuit Oᴋumaiksartilaukpait, tigusilauklutiglo tapᴋonangat Niaᴋojamik Weinemiglo, tapᴋoalo tappilugit Sekelinik 40ginik Silberemik. Uvangale taimailiorlaungitunga, suvuranek Gûdemik pivlugo.

Nehemia 6:11

Uvangale oᴋarpunga: Angut uvaptun-îtok ᴋemâjuksauva? Angullo taimaitok uvaptut Tempelemut aijuksaunajarᴋa Inoᴋojomavlune? Kamungaromalungitunga.

Hiobe 31:23

Asserortaunek Gûdemut sivôragigapᴋo, angijoksôningalo sapperajarapᴋo.

Imgerut 51:4

Illingnut kissiane ajortullilaukpunga, idluitullilarmalo sângne, igvit idluatsainarᴋovlutit oᴋauserne ivsornaitsiarᴋovlutillo erᴋartortauguvit.

Exodus 20:14

Nuliarêngnermik asseroijuksaungilatit.

Salomob Okâl 6:29

Taimak illingavoktauk nalliat, inûᴋattime nulianganut aijok atauserlonêt pitlartautaililungilak tapsominga aktuajok.

Salomob Okâl 6:32

Nuliarêngnermigle asseroijok, tâmna silaitovaksôvok; taimailiortub inôsine pitipa asserornartomut.

Okaluktok 7:26

Nachvâlaukpungalo kassilinersamik tokᴋomit: arnamik ômatelingmik nulluangojomik aklunângojomiglo, aggalingmiglo kellarutiksaujunik. Gûdemut nâmagijaujok anigoiniarpok tâpsomangat, idluitorle angujauniarpok tâpsomunga.

Jeremia 28:16

Tamanna pivlugo Nâlagaᴋ oᴋarpoᴋ imâk: Ahâk, nunab ᴋânganit pêjaromavagit; jâreme tamattomane toᴋojuksauvotit, oᴋâlasimagavit tappatonermik Nâlakamut.

Jeremia 50:7

Naipitingita ilûnatik nerrilauᴋpait; akkerangillo oᴋarput: Pidlaraksautingilagut, Nâlakamut idluitulilaungmatta, idluarsainerub inigijanganut, ila, Nâlakamut, atâtagijangita nerriugijanganut.

Leviticus 20:10

Nuliarêngnermik asseroijok assime nulianga atorlugo, Ilâ, nuliarêngnermik asseroijok inôᴋatime nulianga atorlugo, tagva nuliarêngnermik asseroijuk tamarmik toᴋotaujuksauvuk.

Leviticus 6:2

Idluitulijoᴋarpat, Nâlegak idluiluktomik piniarvigivlugo, inôᴋatimelo torᴋortauᴋojanga satoraksautitangalônêt nalangaijutigivlugo, aᴋsârnikpallônêt, inôᴋatinelônêt oᴋumaiksartikpago;

Numbers 32:23

Taimailioromangikupsele, ahâk, tagva idluitulisimaniarpose Nâlekamut; missigijomârposelo idluitulinipse nelaudlalârmase.

Lukase 12:48

Perᴋojanganigle ᴋaujimangitok, pinialauralloarame annaujaujutiksamik, ikitunik annnaujaujomârpok, Unuktunik tinitjiviojok, tâmna unuktunik ᴋenerviojomârpok; unuktuniglo perᴋojaujok, tâmna unuktunik ᴋaitserᴋojaujomârpok.

I Korintemiunut 4:2

Tagvale pimaklertit assianik nautsertortaungilat, nalâgôrlutik naipitaujuksauvlutik kissiane.

Titusemut 2:10

Augigutsinatik, ilûnânele nertornarlutik ajungilarmiglo sakᴋerlutik; Gûdib piulijipta ajoᴋertûtânik nertornarsititserᴋovlugit ilûnâne.

Ebrêerinut 13:4

Nuliarêngneᴋ idluatsainarle tamaine, nuliarêllo innangaviat ivsornaile; assiniartulle nuliarêngnermiglo asseroijut Gûdib erᴋartoromârpait.

I Johannesib 3:9

Gûdemit erniangojoᴋ idluitulingilaᴋ, karngautigimajut ôma (ômatinganut) tâpsomanêtsainarmatta, idluitulijungnangilarlo, Gûdemit erniangogami.

Takotitaunermik 21:8

Maggogusertulle, okpingitullo, maᴋojungnartullo, inuartullo, assiniartullo, angakôjullo, Gûdeungituniglo kivgartortut, saglojullo ilûnatik, tâpkoa pijaksaunerijomârtangit ᴋôrᴋumêput orᴋsorutelingmik ikomaᴋsoalingme; tamadja toᴋub aipanga.

Takotitaunermik 22:15

Silatânêpulle ᴋingmît tôrngijut, ajortulijullo, inuartullo, gûdingoaniglo kivgartortut, ilûnatiglo saglunermik ivlersijut, saglovlutiglo pijut.