Genesis 37:8 - Labrador Inuttitut Heritage Bible

⁸ Tagva ᴋatangutingata oᴋautivât: Igvit attanerijaksarigalloarpitigît nâlagaksarivlutillo? Sugaluluartomiglo omigilerpât sinnaktômaningit pivlugit oᴋausingillo pivlugit.

Genesis 37:8 Iomraidhean Croise

Genesis 27:41

Esauiblo Jako omigilerpâ saimanartoᴋ pivlugo, atâtangata illijanga taipsomunga; ômatimigullo oᴋarpoᴋ: Nelliutisarainiarpoᴋ oguarviksaᴋ atâtaga pivlugo, nukara Jako toᴋotsomavara tagva.

Genesis 37:4

Katangutingitale malugigamitsuk atâtanganut nagliginersarijaujoᴋ katangutinginit tamainit, omigilerpât illanârnartomiglo oᴋarvigivlugo sapperpât.

Genesis 37:9

Aipanganik sinnaktômavoᴋ kingorngane, ᴋatangutiminullo unipkautigivâ, oᴋarlune: Okoᴋsê, aipanganik sinnaktômavunga: seᴋinerublo taᴋᴋerublo uvloritjallo 11 okkungavigivânga.

Genesis 42:10

Kiovâllo: Aukagle, attaneᴋ. Kivgatit tikkiput nerᴋiksarsijomavlutik.

Genesis 44:18

Tagva Judab sângerpâ oᴋarlune: Attaneng-ai? kivgat oᴋâlagalâlauletôᴋ attanera tussartilugo, ningaumajârnîllo katsungainiaranetôᴋ kivgarnut, Faraotut igalloaravit.

Genesis 49:26

Saimanartut atâtavit tunijangit pitsartunersauvut saimanartunit ᴋaᴋᴋat nutaungitut tunijanginit, ᴋaᴋᴋârulait aulajuitut allianarninginit. Josefib niaᴋoanut pilit, ᴋatangutingita akorngane attaniotijub kabjinganut!

Genesis 50:18

Katangutingitalo pâmaktervigijartorpât, oᴋarlutik: Tagga, illingnut kivgaulerpogut.

Imgerut 118:22

Ujarak igluliortut nachogijangat, tâmna ujarangornerpok terreᴋomut.

Exodus 2:14

Tâmnale oᴋarpok: Kia angajoᴋângortipâtît idluarsaijungortilutillo uvaptingnut? Uvangatauk toᴋotsomavingâ, sorlo Egiptenemiok toᴋogangne? Tagva Mosese erᴋsilerpok, oᴋarlune: Sunaubva, tusaumajaulerᴋunga.

Lukase 19:14

Inuᴋatingitale ômigigamitsuk, oᴋautjaugartorᴋovât: tâmna atanioterᴋongilavut uvaptingnut.

Lukase 20:17

Takosarpaille oᴋarlunelo: Sunauvât aglaksimajut: Ujarak, igloliortut egitangat; tâmna iglub tereᴋoa ujaraulernerpôk?

Apostelit Piniarningit 7:35

Môsese taimna, nâlegomangitangat, oᴋaramik: kia ataniotilaukpâtît erᴋartuijuksautilarpillo uvaptingnîk? tâmna Gûdib tilivâ, atanioᴋovlugo piuliklerteoᴋovlugolo Engelib aggangitigut, tapsomunga takotitub napârtune.

Deuteronomy 33:16

Nunablo tâpsomanêtullo ivlernartunginut, napârtullo taggaliningine ineᴋartut ᴋuvianarninginut; saimanartok tikile Josefib niaᴋoanut, ᴋatangutiminit ingmiᴋôrtitaujûb kabjinganut.

Ebrêerinut 10:29

Imaᴋâ, sugaluluartoᴋsoarmik pidlartaujutiksarsiniarasugivase (inuk) tullertoᴋ Gûdib erninganik, ivsornautigilugolo Testamentib aunga ivsornaijutigilauᴋtane, mitauteᴋartorlo Anernermik saimarsautaujomik.

I Samuel 10:27

Inuille koksalaitut illangit oᴋarput: Sunamik oma ikajoraksarivâtigut? Nachogivâllo, pilliumiglo âtsivigilaunginivât. Tamnale tussangitsertorpok tapkoninga.

I Samuel 17:28

Eliablo ᴋattangutingita angajudlerpângata tussarpa angutit oᴋarᴋattigingmagit, illungertolerlunelo Davide ningaumajarvigiva, oᴋarlunelo: Sôg attersarsimavît? Sôglo saukat ikkitut taikane innuᴋajuitome ᴋemalaukpigit? Angutaunasuginît omattivillo kassêninga illitarigalloarpâka. Attersarsimavotille sorsungnek takkojomagangne.

I Samuel 18:8

Tagva Saule ningaumajadlalerpok, oᴋauserlo tamanna idluigiva, oᴋarlunelo: Davidemut tunnijilaukput 10,000 dinik, uvamnullo 1,000 dinik; attaniovik pigijomâriva.