Genesis 37:5 - Labrador Inuttitut Heritage Bible

⁵ Josefelo sinnaktômanermik sinnaktômangmat ᴋatangutiminut oᴋautigivlugo, anginersamik omigivât.

Genesis 37:5 Iomraidhean Croise

Genesis 20:3

Gûdible unnuarme Abimêlege sinnaktômanikut tikkipâ, oᴋautivlugolo: Ahâk, toᴋolertuksauvotit arnaᴋ tâmna tigujat pivlugo, angutib nuliaringmago.

Genesis 28:12

Sinnaktômavorlo: sunaubva majûtit nuname nappajut, issuallo aktoajoᴋ ᴋilangmut. Sunaubvalo, Gûdib engelingita majoarvigivait aᴋᴋarvigilaitalo.

Genesis 31:10

Nergjutillo nuliarvingat nelliutingmat, takosarpunga takovlungalo sinnaktômatilunga: sunaubva, angusaluit nergjutinut nuliartut tagva ᴋoppugârtut millaktallo okkileriallo.

Genesis 31:11

Gûdiblo engelingata oᴋautivânga sinnaktômatilunga: Jako! kiovaralo: Mânêpunga.

Genesis 37:4

Katangutingitale malugigamitsuk atâtanganut nagliginersarijaujoᴋ katangutinginit tamainit, omigilerpât illanârnartomiglo oᴋarvigivlugo sapperpât.

Genesis 37:6

Imâk oᴋautingmagit: Sinnaktômanera tussalauᴋsiuk sinnaktômanerijara.

Genesis 37:8

Tagva ᴋatangutingata oᴋautivât: Igvit attanerijaksarigalloarpitigît nâlagaksarivlutillo? Sugaluluartomiglo omigilerpât sinnaktômaningit pivlugit oᴋausingillo pivlugit.

Genesis 40:5

Tamarmiglo sinnaktômavuk, Egiptenemiut attaningata imiksaliortinga ᴋaᴋᴋôjaliortingalo parngnanairsimavingme parngnanairsortaumajûk, tamarmik ingmikut sinnaktômavlutik unnuarme atauserme, attunit sinnaktômanermik ingmigut tukelingmik.

Genesis 41:1

Jarik magguk nângmanik, Farao sinnaktômavoᴋ: kôksoarme nangerdlune.

Genesis 42:9

Josefele sinnaktômanermik erᴋaivoᴋ, ᴋanoᴋ sinnaktômagame pivlugit, oᴋarporlo: Nautsertoriarteovose, nunab sappulutaᴋangininga nane takojartorlugo.

Genesis 49:23

Pittiksilît ullapigalloarmatsuk pittiklugolo unangmivlugolo,

I Atannit 3:5

Nâlekablo Salomo sakᴋervigiva Gibeoneme sinaktomanekut unnuarme, Gûdelo oᴋarpok: Tuksiarit sunamik, tunnijaksamnik illingnut.

Imgerut 25:14

Nâlekab illanâᴋarninga tâpᴋonanêpok sivôrajunne tâpsominga, angernerminiglo ᴋaujitipait.

Daniel 2:1

Nebukadnezariblo atanioningata jâringita aipangani Nebukadnezar sinnartômavoᴋ sinnartômanimik; aniningalo ulapitauvoᴋ uinganêrutivorlo.

Daniel 4:5

Takovunga sinnartômanimik ᴋoaᴋsârûtigijamnik; issumaliornimalo iglimnêtilunga niaᴋumalo takotitjutigijangita ulapipânga.

Joel 2:28

Pijomarporlo tamattoma kingorngane, anernera kovijomârapko uvinilingnut tamainut; erniselo paniselo nelautaijomârput, ituselo sinnartomajomârput, inôsuktoselo takotitjutinik takojomârput;

Amos 3:7

Nâlegak Nâlegaujok sumiglônêt piniarnialungilak, kissiane angiarijane nalonaijarᴋâruniuk kivgaminut nalautaijunut.

Numbers 12:6

Tâmnalo oᴋarpoᴋ: Oᴋausikka tusarsigik; nelautaijoᴋarpat akunapsingne, uvanga Nâlegaujunga nelonaijaromavunga uvamnik tâpsomunga takotitjutikut, oᴋarvigijomavara sinnartomanekut.

Johannese 17:14

Oᴋautsitit tunilaukpakka tâpkonunga, silaksoarmiullo ômigivait; ilagingimatigik, sôrlo uvanga silaksoarmiut ilaginginapkittauk.