Genesis 35:2 - Labrador Inuttitut Heritage Bible

² Jakob tagva iglomioᴋatine illagijanelo tamaita oᴋautivait: Tujormiangovigijapta gûdingoaᴋotingit akunapsingnêtut pêrsigik, sujungaititsiluselo, assinginik anorârluse.

Genesis 35:2 Iomraidhean Croise

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

Genesis 31:19

Labanele aularsimavoᴋ, saugaᴋotine sallijartorlugit; Raheliblo tiglikpait atâtame gûdingoaᴋotingit.

Genesis 31:30

Kissianele mâna aularomadlaralloaravit, paingudlaravit atâtavit iglunganut; sôᴋ gûdingoaᴋotikka tiglikpigît?

Genesis 31:34

Rahelible gûdingoat tigulugit kamêliblo iksivautaᴋtanganut illivlugit iksivavigingmagit, Labanib tuppeᴋ ilûnât tapsikârpâ tapsêsinanelo.

Genesis 34:2

Tâmna Siggemib takogamiuk, Hemorib Heviterib nunab attanertangata erningata, tiguvâ tuttiklugolo nachonartipâ.

Genesis 35:22

Pijoᴋarporlo, Israêle nuname taipsomane igloᴋartilugo, Rubenib Bilha, atâtame panervganga, itervigingmago tuttiklugolo. Israêliblo tussaumavâ.

II Samuel 7:23

Nanele nuname innuᴋattigêksoaᴋaᴋa innuᴋotiktut Israelitititut? tapkoa pivlugit Gude ailaungmat innukotiksaminik piulikleromavlune, atteᴋartitsomavlune ingminut, pinniarnerniglo taimaitunik angijoksoarnik kappianartuniglo pinniarlune nunaᴋotingne, innuᴋotivit sângine, piulilauktavit illingnut Egiptenemit, nallojunit, Gudingoanginillo.

II Atannit 17:29

Innuᴋattigêksuille ilunnatik attunît Gûditik sennavait, pitipaillo pôktojut iglunginut Samariamiut sennalauktanginut, innuᴋattigêksuit ilunnatik iglugasaksoamingne nunagijamingne.

II Atannit 5:10

Tagva Elisab tillijaksak tilliva tapsomunga, oᴋautsaukovâlo: Ailerit ubvarlutillo illingnik 7 êrtorlutit Jordaneme, tagva uvinît âkiktauniarpok kallaᴋarungnainiarlutillo.

I Kronika 16:26

Nallojut ilûnamasiatik Gûdingit Gûdingoangongmatta, Nalekable ᴋilak sanalaukpâ.

Hiobe 1:5

Nerrimârnerublo uvlungit sorailaukpatta, Hiobe tilliklilaukpok tagvunga ivsornaitipaillo, makkilunelo uvlarârsukut, tunnijilunelo tunnergutinnik otaksanik, unnurningit malliklugit. Hiobe isumagame: Ernikka idluitullijungnarajarput, Gûdelo allarungnarajarlugo ômattimingne. Taimailiulaukpok Hiobe uvlut tamaita.

Imgerut 51:2

Ubvatsialaunga idluitullinimnit, êpᴋejarlungalo ajornimnit

Imgerut 51:7

Ajortoêrotilaunga Isopemut ivsornaiᴋovlunga; ubvalaunga ᴋaᴋornersaulerᴋovlunga apumit.

Exodus 19:10

Nâlekablo Mosese oᴋautivâ: Inuit aivigikit, ivsornaitilugillo uvlome ᴋaupallo, ergortuilillo annorâmingnik,

Exodus 19:14

Moseselo atersarpok ᴋakᴋamit inungnut, ivsornaitilaitalo; Tâpkoalo annorâtik ergortorpait.

Exodus 23:13

Tamaitalo oᴋauserijakka ilipsingnut nâlaksigik: gûdillo asima atingit erᴋaumaniarasigik, ᴋanernillônêt tusartauniaratik.

Okaluktok 5:1

Itigit saputinikut Gûdib iglunganut aijarangavit, ᴋaingarlutillo tussaromamut, âtsinernit sillaitut tunnergutinginnik; tâpkoa ᴋaujimangimatta sunamik idluitullinermingnik.

Jesaiase 1:16

Ubvaritse illipsingnik epᴋêjarluselo; idluitullinise pêjarsigik ijimnit idluitullijungniarluselo.

Jesaiase 52:11

Pêritse, pêritse, aularitse tagvangat! Ivsornartomik aktuiniarase! Akkorngannit aularitse, epᴋêjaritse, Nâlekab perᴋutinginik erᴋsuktose!

Jeremia 13:27

Takolaurama maᴋojungnartulinernik, assiniarnerniglo, narriomasijarnerniglo, ajortulinivîllo iloᴋeudlarninginik ᴋaᴋᴋârulangne perorsêvingne. Kapianarmêk igvit Jerusalem! Ivsornaititaujomangilatit. Kanoᴋ akunertigijomik taimailingalârᴋêt?

Jeremia 16:20

Inuk piksariniartaminik gudingoaliortuksauvâ, Gudeoᴋungimariktunîk?

Jeremia 5:7

ᴋanoᴋ issumagijungnaivigijungnarᴋagît? ᴋitorngavit ᴋemaksimavânga, angermarikpullo gudeungitut sâvigivlugit; aᴋᴋeartortigapkillo ajortulivut, katimgalutiglo katimavut anguniarpaktut iglungine.

Hesekiel 18:31

Tapanise tamaita tapanerimajase iperarsigik, ômatetâritselo anernetârluselo: sôᴋ toᴋojomavisê, ilipse Israêlib ᴋitorngangît?

Hesekiel 20:7

Oᴋautivakkalo: Ilûnase atunit ijipse maᴋojungnartulijutigijangit egisigik, ivsornartiniaraselo nangminipsingnik Egiptenemiut gudingoanginut; uvangauvunga Nâlegaᴋ Gudise.

Hesekiel 36:25

Serparsarvigijomârpapselo imermik ivsornaitomik ivsornailârpose tagva; salumainipsingnit tamainit, gudingoapsingnillo tamainit epᴋêjaromârpapse.

Daniel 5:4

Vainitorput, nitorpaillo gudingoat goldimit silbirimillo, ᴋaᴋorlimit, kikiangmillo, ᴋijungmit, ujarᴋanillo sanamajut.

Leviticus 15:5

Aktoajûblo tâpsoma iglinganik annorâne ergortoraksarivait, ubvarlunalo nangminerminik imermut, ivsornarniarlunalo unnuk tikidlugo.

Leviticus 17:16

Annorânele ergortulungipagit, ubvalungipallo nangminerminik, nangmalârpok idluinerminik.

Numbers 31:24

Uvlullo seveningane annorâse ergortoraksarivase, tagva ivsornainiarpose, tungânelo tangmârvingmut aijuksauvose.

Apostelit Piniarningit 19:26

Takovluselo tusarluselo, Efêsusemetuinaungitok, Asiamele illûnânekasak Paulusib ôma inuit unuktut kajungersainiminut allaitingmagit, oᴋarlunelo: Gûdeungilagôk aggangnut sanamajut.

I Korintemiunut 10:7

Gûdeungitullo nâlengniarasigik taipkoa ilangititut, sorlo aglaksimangmat: Inugasaksuit ingilerput nerrimârlutik imilarmiglo, nikovilerpullo pingoaromavlutik.

II Korintemiunut 7:1

Taimaimat taimaitomik angersimaneᴋarapta, nagliktakka, epᴋêjarniarta uvingûb tarniblo sujungninginit tamainit, nâmaksititsivalliavlutalo ivsornainermik Gûde sivôragivlugo.

Galâtsiamiunut 4:8

Ilipsele taipsomane Gûde ᴋaujimanginapsiuk, ingergarmik Gûdeungitut kivgartulauᴋpase.

Deuteronomy 11:28

Ominartungortitaunerlo, Nâlekab Gûdipse perᴋojangit maligomangikupsigik, sangugupsele apᴋomit perᴋojijutigijanganit ilipsingnut uvlome, Gûdib assingit ilitaringitase maligomavlugit.

Deuteronomy 32:16

Gûdenut takorngartanut ilungertortipât, maᴋojungnartulinermut ningarsarpât.

Deuteronomy 5:7

Senipkut assimnik Gûdeᴋartuksaungilatit.

Deuteronomy 6:14

Gûdib assingit, inôᴋatigêksuit avatipsingnêtut Gûdigijangit, maligaksarilungilase;

Deuteronomy 7:25

Gûdingoaliarimajangit ikomamut nungutaksarivase, golde silberelônêt tâpkonanêtok pijomajaksaringilatit, tigunagillônêt nangminerijomavlugit, nappertauᴋonak tâpkonunga; tamanna maᴋojungnarmat Nâlekamut Gûdingnut;

Ebrêerinut 10:22

Aivigilavut tagva, ômamut mikselingmut, okpermarikluta, serparsartauvluta ômatiptigut, ᴋelarudjârtauvlutalo issumamit passijaksaujomit, ubvarsimavlutalo timiptigut imermut ivjornaitomut;

Jâkobusib 4:8

Gûdemut ᴋaglititse, tâpsoma tagva ᴋagliniarpâse. Aggase ubvarsigik, ilipse ajortolit, ômatiselo sujungaitisigik ilipse maggogusertose.

Josua 23:7

Inuᴋattigêt amiakojut makkoa illipsingnetut akkornganut piᴋonase; issumaksarsiorᴋonaselo angerᴋonaselo Gudingoata attingine, kivgartorᴋonaselonêt tapkoninga, tuksiarviginagillonêt.

Josua 24:14

Tagva manna Nalegak sivoragisiuk kivgartorlugolo nertornartomik idluartomiglo, Gudingoallo atâtagijapse kivgartorlauktangit kôksuit akkiane, Egiptenemelo ipperarsigik, kivgartorluselo Nalekamik.

Josua 24:15

ᴋuviagijaungipalle illipsingnut, Nalegak kivgartorlugo, tagva uvlome annerosugitse kinamik kivgartoromangmangapse, Gudemik tapsominga, atâtagilauktapse kivgartorlauktanganik kôksuit akkiane, Amoriterillônet nunagijapse innungita Gudingoanginik. Uvangale iglomioᴋattimalo Nalegak kivgartoromavavut.

Josua 24:2

Oᴋarpok inugasaksoarnut illunainut: Imâk Nalegak Israelib Gudinga oᴋarpok: Atatagilauktase nunaᴋalaukput itsaksoarme kôksuit akkiane, Tharah, Abrahamib Nahoriblo atâtangak, kivgartorlutiglo Gudib assinginik (Gudingoanik).

Josua 24:20

Nalegarle ᴋemmagupsiuk, Gude takkorngartak kivgartorlugo pigupse, tagva allarniarpok, kappiasuktiniarluselo nungutiniarpâselo ajungitullivigilauᴋârluse.

Josua 24:23

Tagva manna Gudingoat takkorngartat akkonapsingnêtut pêjarsigik illipsingnit, omattiselo mannisigik Nalekamut Israelib Gudinganut.

Jûdasib 1:23

Ilangille sivôrasârdlugit piuliniarsigik, ikomamit nussungniardlugit; ômigilugolo annorâᴋ uviningmut ipeᴋtojoᴋ.

Idluarsaijut 10:16

Ipperarpaillo Gûdit takorngartat, Nâlegarlo kivgartorpât. Illapsugosutigilaukpalo, Israelitit taimak kappiasuktitaulaungmatta.

Ruth 1:15

Tamnale oᴋarpok: Ahâk angajungoit utterpok Inuᴋotiminut Gûdiminullo; igvittauk utterit angajungoit malliklugo.

I Samuel 16:5

Tamna oᴋarpok: Ahaila, tikkipunga Nalegak tunnergutiksamik tunnitsivigijomavlugo; ivsornaititse illipsingnik, ᴋailuselo illagilunga tunnijivingmut tunnergutiksamik. Isailo erningillo ivsornaitipait ᴋaiᴋolugillo tunnijivingmut tunnergutiksamik.

I Samuel 7:3

Samuele Israelib iglomiokotinginut illunamasianginut oᴋarpok: Omamut illunânut sâlerupse Nalekamut, tagva Gudingoat takkorngartat Astarotelo pêjarsigik illipsingnit, omattiselo torartisigik Nalekamut, kivgartortuarisiuglo; tagva piuliniarpâse Filisterit agganginit.