Genesis 33:9 - Labrador Inuttitut Heritage Bible

⁹ Esauib oᴋautivâ: Perᴋuteᴋatsiarpunga, nukâk, perᴋutitit pigituinakkit.

Genesis 33:9 Iomraidhean Croise

Genesis 27:39

Tagva atâtangata Isaab kiovâ oᴋarlunelo: Ahâk, apsimavlutit nunamit ajoᴋsarnangitomit ᴋilaublo mitsuksoanganit pângat pijomit nunaᴋaromârpotit.

Genesis 27:40

Saviksoarnit inôgutiksarsijomârpotit, nukallo kivgartoraksarivat. Pijoᴋaromârporle, nâlegungnairlugo nangmaut ᴋongasernit kippijomârangne.

Genesis 27:41

Esauiblo Jako omigilerpâ saimanartoᴋ pivlugo, atâtangata illijanga taipsomunga; ômatimigullo oᴋarpoᴋ: Nelliutisarainiarpoᴋ oguarviksaᴋ atâtaga pivlugo, nukara Jako toᴋotsomavara tagva.

Genesis 33:10

Jakob kiovâ: Aukagle saimaneᴋsiguma sângne, piliutikka tigulaukit aggamnit, imâk pivlugo, kênat takogapko, Gûdib kênanga takolugo sorlo, illalioramgalo.

Genesis 4:9

Tagva Nâlekab Kaine oᴋarvigivâ: Nukat Abele naûk? Kaine oᴋarpoᴋ: Nallovara, nukara pairijaksarivigô?

Salomob Okâl 16:7

Nalliata apᴋotingit Nâlekamut ᴋuviagijaukpatta, tagva omigijingittauk nâmaksartipait tapsominga.

Salomob Okâl 30:15

Aungmik milluksijok panneᴋarpok maggûngnik: ᴋaitsit, ᴋaitsit; nâmaksititaujungnatsengitut pingasôvut, tapᴋoalo sitamangat oᴋatsengilak: Nâmaksivok:

Okaluktok 4:8

Inutôjoᴋarpok; aipaᴋaranelo ᴋitorngaᴋangilak, ᴋattanguteᴋangilarlônêt, sullelo sennaninga naggateᴋangilak, ijîgiglo akluinermik nâmaksijungnangilâk. Kinamut sennagalloarkîk, kippiluklugolo tarniga? Tamanna sulinginiogivok siorniorniolunelo oᴋumaitok.

Apostelit Piniarningit 21:20

Tamattominga tusaramik, Nâlegak nakorivât, oᴋautivâllo: Katangut, tautukpotit Jûdinik tausendioᴋattartunik okpilertunik, ilûnatiglo ilungertorlutik perᴋojat maliktauᴋovait.

Apostelit Piniarningit 9:17

Ananîasele aivok iterlunelo iglomut; aggangminullo patingmivâ oᴋarlunelo: Naglingnartok ᴋatangut Sauluse, Nâlekab Jêsusib, takotitub ilingnut apᴋome tamaungartilutit, tilivânga tautuktitauᴋovlutit ilumertauᴋovlutillo Anernermik ajunginermik.

Filemônemut 1:16

Mâna kivgatun-itsungnairlune, kivgaujomille anginersaujotut, ᴋatangutitut naglingnartotut; uvamnut angijomik, angiluartomigle ilingnut, uviningme Nâlekamelo.

Filemônemut 1:7

Naglingnîlle ᴋuviasûtigivavut angijomik manigortigilugolo; ivsornaitut ômatingit nakoᴋsititaungmatta ilingnut, ᴋatangutiarsuvut.

Idluarsaijut 20:23

Israeliblo ᴋitorngangit takpaungarput, kugviorlutiglo Nâlekab sângane unnuk tikkilugo, Nâlegarlo appertsorpât, oᴋarlutiglo: Ama aijuksauvita sorsukluta Benjaminib ᴋitornganginut ᴋatangutiptingnut? Nâlegak oᴋarpok: Takpaungarvigisigik.