Genesis 33:18 - Labrador Inuttitut Heritage Bible

¹⁸ Jakole ᴋanoengitsiarlune Mesopotâmiamit tikkigame, iglugasangnut Siggememut pivoᴋ, Kânaanib nunanganêtunut, iglugasaillo sângane tangmârpoᴋ.

Genesis 33:18 Iomraidhean Croise

Genesis 12:6

Abralo ingergalerpoᴋ nunakut Sikkememut Moriblo napârtunginut. Taipsomane Kânaanikut tagvane nunaᴋarput.

Genesis 25:20

Isaarlo jâreᴋarpoᴋ 40nik, Rebekka nuliarigamiuk, Betuelib Siriamiub panninga, Mesopotamiamit pijoᴋ, Labanib Siriamiub najanga.

Genesis 28:2

Parngnailerille ingergarniarlutit Mesopotâmiamut, anânavit atâtangata Betuelib iglunganut, taikangallo nulianilerit Labanib, anânavit anningata panningita illanganik.

Genesis 31:25

Labaniblo Jako anguvâ. Jakole tangmârtilugo ᴋaᴋᴋame, Labane ᴋattangutingillo tangmârivut ᴋaᴋᴋame Gileademe.

Genesis 35:9

Gudiblo Jako amma saᴋᴋervigigivâ, Mesopotâmiamit tikkingmat, saimauserpâlo.

Genesis 37:13

Israêlib tagva Josefe oᴋautivâ: Katangutivit saukat mianeringilaît Siggememe? Kait, tillijomagapkit taipkonunga. Oᴋautivâle: Tamânêpunga.

Genesis 46:15

Tâpkoangovut Leab ᴋitorngangit, erniarijangit Jakomut Mesopotâmiame, paningalo Dina. Inuit ilûnatik, ernît panîllo katilugit, 33ovut.

Genesis 48:7

Mesopotâmiamit tikkinama, Rahele toᴋovoᴋ takkumne, nuname Kânaaneme ingerartiluta, Efratib ᴋanimarilungitangane; tagvanelo apᴋome Efratemut sangmijome iluverpara (Efrat tagva Betlehem).

Imgerut 60:6

Gûde oᴋarpok ivsornaitovingmine, tamanna pivlugo ᴋuviasukpunga: Sicheme avitsomavara, Suchotiblo naksanga ôktoromavara.

Jeremia 41:5

Angutit 80 tikiput Sikememit, Silomillo, Samariamillo, kipimajunik umilit, aliktorsimajuniglo annorâlit, killersimalutiglo, tunergutigilutik nerᴋiksanik, tipigiksautigilutiglo, Gudib iglunganut âtsomavlugit.

Johannese 3:23

Johanneselotauk baptisivok sulle Enoneme, Sâlimib ᴋanitangane, tamanna imiliksôngmat; tagvungalo tikiput baptitaujomavlutik.

Johannese 4:5

Tagva Samâriab iglugasaksoangita illanginut tikipok, Siᴋaremik atilingnut, iglugasait, Jâkob tunilauᴋtangita ernerminut Jôsefemut ᴋanitanginêtunut.

Apostelit Piniarningit 7:16

Siᴋememullo âtaulaukput ilijauvlutiglo iluvermut, Abrahab pisiarilauktanganut kênaujanut, Hemorib, Siᴋemib atâtangata, ᴋitornganginit.

Josua 24:1

Josuab Israelib kinguvarêngit illunaita katterᴋovait, ᴋaiᴋolugillo Israelitit angajoᴋangit, angajoᴋaunerôjungillo, idluarsaijungillo, aulatsijungillo. Gudiblo sanganut ablorêrmatta,

Idluarsaijut 9:1

Abimelechele Jerub-Baalib erninga aivok Sichemut, anâname anninginut, tapkoalo anânamelo atâtangata iglomioᴋotingita abvakungit ilûnaita oᴋarᴋattigivait, oᴋarlunelo: