Genesis 32:9 - Labrador Inuttitut Heritage Bible

⁹ Jakolo oᴋarivoᴋ: Nâlegaᴋ, atâtama Abrahab Gûdinga, atâtamalo Isaab Gûdinga, oᴋartotit uvamnut: nunangnut utterit illangnullo, ajungitulivigijomavagit,

Genesis 32:9 Iomraidhean Croise

Genesis 17:7

Angerneralo pivlunga pivlutillo kinguvâksatillo pivlugit, kingunikkut kingorlerêktut, nalautsititsomavara, angerneᴋ nâksaungitomut ilingajuksaᴋ, illingnut Gûdeojomavlunga kinguvâksarnullo kingunikkut.

Genesis 28:13

Sunaubvalo, Nâlegaᴋ ᴋollâne nangerpoᴋ oᴋarlunelo: Uvanga Nâlegauvunga, atâtavit Abrahab Gûdinga, Isaablo Gûdinga. Nuna innangavigijat tunijomavara illingnut kinguvâksarnullo.

Genesis 28:15

Ahâglo, illagivagit saputijomavagillo, naukullônêt ingergaralloarmangârpit; uttertitsomavagillo nunamut mattomunga, allarniatsanginapkit, piniarᴋârtinanga tamainik oᴋautigijamnik illingnut.

Genesis 31:13

Uvanga tagva Gûde Bêteleme (takojat), tagvane nellunaikutaᴋ mingoarpat, tagvanelo angeruteᴋarlutit angervigivarma. Parngnailerit mâna, aularlutillo nunamit ômangat, nunamut inûlervigijarnut utterit.

Genesis 31:29

Aggakka sappilungigalloarput pidlarluse, kissiane atâtapse Gûdingata ikpeksaᴋ unnuaᴋ oᴋautivânga oᴋarlune: Udjertulerit, Jako oᴋarviginiarungne, ajungitomit sangurᴋonak ajortomut.

Genesis 31:3

Nâlekablo Jako oᴋautivâ: Utterit atâtavit nunanganut illangnullo; illagijomavagit.

Genesis 31:42

Atâtama Gûdingata illagingipanga, Abrahab Gûdingata, Isaablo sivôragijangata, tagva sunaᴋartinanga aularᴋonajarparma. Gûdible ajulernera aggamalo sullijangit takonâramigit, inerterpâtit ikpeksaᴋ unnuaᴋ.

Genesis 31:53

Abrahab Gûdinga, Nahoriblo Gûdinga, atâtangatalo Gûdinga erᴋartuijôjuksauvoᴋ uvaptîngnut. Jakolo angervikpoᴋ atâtame Isaab sivôragijanga taivlugo.

Genesis 32:8

Oᴋarlune: Esauib kattimajut aipaingit tikkilugit pidlaralloarpagit, aipaingit tagva ᴋemâjungnarniarput.

Genesis 49:25

Atâtavit Gûdinganit tamanna pivoᴋ: Tâpsoma ikajorlitit, ajugaᴋangitublo saimauserlitit pikuminartunik pângat ᴋilangmit pijunik, pikuminartuniglo kanangat ittinermit pijunik, pikuminartunik amâmamit igliamillo pijunik!

II Kronika 20:12

Gudivut, erᴋartoromangipigit? Uvaptingne pitsartuneᴋangimat unnuktoksuit taipkoa opaluktivut akkerartorungnarlugit. Nallovogut ᴋannok pinniaraksaptingnik, ijiptale torarvigivâtit.

II Kronika 20:6

Oᴋarlunelo: Nalegak atâtagijapta Gudingat, igvit Gudeungilatît ᴋillangme, aulatsijolungilatîllo innuᴋattigêksuit illunamasiatik attanniovingine? Aggangnelo pitsartuneᴋarpok sôngoneᴋarlunelo, kialonêllo akkerartorungnangilâtit.

II Kronika 32:20

Attanerlo Hiskia nallautaijorlo Jesaiase tuksiarpuk tamanna pivlugo, nipliadlarlutiglo ᴋillangmut.

Imgerut 50:15

ᴋannoêtoᴋarnerublo uvlungane nipliaviginga, tagva piulijomavagit, igvillo nakorijaksarivarma.

Imgerut 91:15

Nipliavigivânga, tamanna pivlugo tussaromavara; kappianartome najorpara; nussugomavara opinartilugolo.

Exodus 3:6

Amma oᴋarpok: Uvangauvunga atâtavit Gûdigijanga, Abrahab Gûdigijanga, Isaablo Gûdigijanga, Jakoblo Gûdigijanga. Tagva Mosesib kênane mattuvâ; Gûde takonârlugo sivôragame.

Jeremia 32:16

Aglaillo pisiniarnermik nalonaijaijut tunisimaᴋârapkit Bârungmut, Neriab erninganut, tuksiarpunga Nâlakamut, oᴋarlunga:

I Samuel 30:6

Davidelo angijomik kappiasulaukpok, inugatsuit milloromangmatsuk, innugatsuit illunatik tarningit annulaungmatta, nalliat ernine panninelo pivlugit. Davidele pitsartutipok ingminik Nalekame Gudimine;