Genesis 32:29 - Labrador Inuttitut Heritage Bible

²⁹ Jakoblo aperivâ oᴋarlune: Attît tussarlago-ai? Oᴋautivâ: Sôᴋ attera aperᴋutigiviûk? Tagvanelo saimauserpâ.

Genesis 32:29 Iomraidhean Croise

Genesis 17:5

Kingorngane Abramik atteᴋarungnairtuksauvotit, attiksalle tagva Abraha, nunaᴋatigêksoarnut unuktunut atâtaurᴋogapkit.

Genesis 35:10

Gûdiblo oᴋautivâ: Jakomik atteᴋarpotit; kingorngagulle Jakomik atteᴋarungnairlutit Israêlemik atteᴋartuksauvotit. Atserarpâlo Israêlemik.

Genesis 35:9

Gudiblo Jako amma saᴋᴋervigigivâ, Mesopotâmiamit tikkingmat, saimauserpâlo.

I Atannit 18:31

Ujarkallo 12 it tiguvait Jakob ᴋitorngangita kinguvarêngita unnurningit malliklugit, (Nâlekab oᴋausingita oᴋarvigijangata imâk: Israelemik ateᴋartuksauvotit.)

II Atannit 17:34

Uvlorlo tamanna tikkilugo taimailiorput, illutsit nutaungitut malliklugit Nâlegak sivuragijatuarilungilât, pinniaratiglo illuserivalauktatik, piuserivalauktatiglo malliklugit, pinniaratiglo illusiokojaujut perkojallo malliklugit, Nâlekab perkolauktangit Jakob, atserartaulauktub tapsomunga Israelemik, ᴋitornganginut;

I Kronika 1:34

Abrahamiblo Isaak ernetariva. Isaakiblo ernigik tapkoangovûk: Esau, Israelelo.

Hiobe 11:7

Gûdib ᴋaujimaninga nautsertormarigungnarasugiviûk, Ajugaᴋangitublônêt nâmaktomaringninga nachvârasugiviûk?

Salomob Okâl 30:4

Kina kongmuarka ᴋilangmut akkarlunelo? Kia aggangminut annore tiguvauk? Kina imaksoarnik ᴋellaksiva ulliksoarmut? Kia silaksub kiglingit tamaita âkilaukagit? ᴋanok Atteᴋarᴋâ? ᴋanorlo tapsoma erninga atteᴋarᴋâ? Tamakkoninga ᴋaujimavit?

Jesaiase 9:6

Nutarârsuk erniangongmat uvaptingnut, erneᴋ tunijaungmat uvaptingnut; nâlegauninga tuinganẽpoᴋ; atteᴋarporlo: tatamnadlartomik kajusimajomik, Gûdemik pitsartujoᴋsoarmik, Atâtaujomik issoᴋangitomut, Nâlekamik ullapirsaijomik.

Hosea 6:1

Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.

Numbers 20:14

Mosesiblo aᴋpârtuksat tilivait Kadesemit Edomib ataninganut: Imâk oᴋarpoᴋ ᴋatangutît Israêle, ᴋaujimavotit siorniornernik tamainik tikitigijaptingnik;

Lukase 1:19

Engeliblo kiovlune oᴋautivâ: Gabriêliovunga Gûdib sângane nangertunga, tilijauvungalo oᴋautjauᴋovlutit, tamattomingalo nalojungnaititauᴋovlutit.

Deuteronomy 29:29

Nelonadlartut Nâlekamut Gûdiptingnut ilingavut; nelonaijartaujulle uvaptingnut ᴋitorngaptingnullo soraijuitomik ilingavut, nâmaksititsiᴋovluta perᴋojat makkoa oᴋausertanginik tamainik.