Genesis 31:53 - Labrador Inuttitut Heritage Bible

⁵³ Abrahab Gûdinga, Nahoriblo Gûdinga, atâtangatalo Gûdinga erᴋartuijôjuksauvoᴋ uvaptîngnut. Jakolo angervikpoᴋ atâtame Isaab sivôragijanga taivlugo.

Genesis 31:53 Iomraidhean Croise

Genesis 11:31

Tarablo ernine Abra, ernimelo Haranib erninga Lot, ukkoanelo Sarai, ernime Abrab nulianga, illagivlugit aulaᴋatigivait Uremit, Kaldearit nunanganit, ingergajomavlune Kânaanib nunanganut; Haranelo tikkinamitsuk, tagvane nunaᴋalerput.

Genesis 14:22

Abrable Sodomab attaninga oᴋautivâ: Aggakka issakpakka ᴋongmut Nâlekamut Gûdemut ᴋotsingnerôjomut, ᴋilangmiglo nunamiglo perᴋutetalingmut,

Genesis 16:5

Tagva Sarai Abramut oᴋarpoᴋ: Idluitulivionera illingnut pile. Kivgara tunilauᴋpara illingnut; singaidlunelo nalojungnairame, nachogilerpânga. Nâlegaᴋ erᴋartuijôle uvamnullo illingnullo!

Genesis 17:7

Angerneralo pivlunga pivlutillo kinguvâksatillo pivlugit, kingunikkut kingorlerêktut, nalautsititsomavara, angerneᴋ nâksaungitomut ilingajuksaᴋ, illingnut Gûdeojomavlunga kinguvâksarnullo kingunikkut.

Genesis 28:13

Sunaubvalo, Nâlegaᴋ ᴋollâne nangerpoᴋ oᴋarlunelo: Uvanga Nâlegauvunga, atâtavit Abrahab Gûdinga, Isaablo Gûdinga. Nuna innangavigijat tunijomavara illingnut kinguvâksarnullo.

Genesis 31:42

Atâtama Gûdingata illagingipanga, Abrahab Gûdingata, Isaablo sivôragijangata, tagva sunaᴋartinanga aularᴋonajarparma. Gûdible ajulernera aggamalo sullijangit takonâramigit, inerterpâtit ikpeksaᴋ unnuaᴋ.

Genesis 31:52

Kallêrektitat ukkoa kigligiutsijutiksauvut, nallunaikutaliarlo tamanna kigligiutsijutiksauvoᴋ, uvangalônêt ᴋallerêktitat ukkoa ᴋângeromanginapkit illingnôrlunga, igvillônêt ᴋallerêktitat ukkoa nallunaikutaliarlo tamanna ᴋângeromanginangne uvamnôrlutit idluitomik.

Genesis 47:31

Oᴋarivorlo: Angimarigviginga! Angimarigvigivâlo. Israêlelo inangavingmine egarpoᴋ akkitiminut.

Exodus 3:6

Amma oᴋarpok: Uvangauvunga atâtavit Gûdigijanga, Abrahab Gûdigijanga, Isaablo Gûdigijanga, Jakoblo Gûdigijanga. Tagva Mosesib kênane mattuvâ; Gûde takonârlugo sivôragame.

Exodus 5:21

Oᴋautivakillo: Nâlekab takonârlitik erᴋartuivlune, ominarsitigaptigut Faraomut kivganginullo, saviksoak tunivlugo agganginut toᴋotaurᴋovluta.

Deuteronomy 6:13

Nâlegak Gûdît sivôragijaksarivat; tâmna kivgartoraksarivat, tâpsomalo atinga taivlugo angertuksauvotit.

Josua 24:2

Oᴋarpok inugasaksoarnut illunainut: Imâk Nalegak Israelib Gudinga oᴋarpok: Atatagilauktase nunaᴋalaukput itsaksoarme kôksuit akkiane, Tharah, Abrahamib Nahoriblo atâtangak, kivgartorlutiglo Gudib assinginik (Gudingoanik).

Idluarsaijut 11:27

Idluitullivigilaungilagit sunamik, igvillo taimak idluitullivigivarma sorsugiaravit uvamnut. Nâlegak uvlome erᴋartuijôle Israelitit Amoniblo ᴋitorngangita akkorngane.

I Samuel 20:23

Sunamigle igvit uvangalo oᴋarᴋattigilauktaptingne, tagva Nalegak, igvit uvangalo akkonaptingnêpok soraijunane.

I Samuel 24:12

Atâtak, takkolerittôk ullikpît terreᴋovininganik aggamne, toᴋᴋotsomalaungilagit ullikpît terreᴋunga kippilaurapko. Illitarksilerit takkolutillo, idluitoᴋalungimat, tappanermiglonêt aggamne. Idluitullivigilaungilagittauk; igvillo tarniga udlapat pêjaromavlugo.