Genesis 31:5 - Labrador Inuttitut Heritage Bible

⁵ Oᴋautivaglo: Atâtaptik kênanga takovara, sivornganetut ilingajungnairtoᴋ uvamnut; atâtamale Gûdingata illagivânga.

Genesis 31:5 Iomraidhean Croise

Genesis 21:22

Nalliutome taipsomane Abimêlege oᴋarpoᴋ Abrahamut, Pikolelo, sorsuktuksarsoaᴋotingita angajoᴋângat, oᴋarlune: Gûdib illagivâtit piniarnerne tamaine.

Genesis 26:24

Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Genesis 28:13

Sunaubvalo, Nâlegaᴋ ᴋollâne nangerpoᴋ oᴋarlunelo: Uvanga Nâlegauvunga, atâtavit Abrahab Gûdinga, Isaablo Gûdinga. Nuna innangavigijat tunijomavara illingnut kinguvâksarnullo.

Genesis 28:15

Ahâglo, illagivagit saputijomavagillo, naukullônêt ingergaralloarmangârpit; uttertitsomavagillo nunamut mattomunga, allarniatsanginapkit, piniarᴋârtinanga tamainik oᴋautigijamnik illingnut.

Genesis 31:13

Uvanga tagva Gûde Bêteleme (takojat), tagvane nellunaikutaᴋ mingoarpat, tagvanelo angeruteᴋarlutit angervigivarma. Parngnailerit mâna, aularlutillo nunamit ômangat, nunamut inûlervigijarnut utterit.

Genesis 31:29

Aggakka sappilungigalloarput pidlarluse, kissiane atâtapse Gûdingata ikpeksaᴋ unnuaᴋ oᴋautivânga oᴋarlune: Udjertulerit, Jako oᴋarviginiarungne, ajungitomit sangurᴋonak ajortomut.

Genesis 31:4

Tagva Jako tillikliutjivoᴋ Rahelelo Lealo ᴋairᴋovlugik naternamut nergjuteᴋotiminut.

Genesis 31:42

Atâtama Gûdingata illagingipanga, Abrahab Gûdingata, Isaablo sivôragijangata, tagva sunaᴋartinanga aularᴋonajarparma. Gûdible ajulernera aggamalo sullijangit takonâramigit, inerterpâtit ikpeksaᴋ unnuaᴋ.

Genesis 31:53

Abrahab Gûdinga, Nahoriblo Gûdinga, atâtangatalo Gûdinga erᴋartuijôjuksauvoᴋ uvaptîngnut. Jakolo angervikpoᴋ atâtame Isaab sivôragijanga taivlugo.

Genesis 32:9

Jakolo oᴋarivoᴋ: Nâlegaᴋ, atâtama Abrahab Gûdinga, atâtamalo Isaab Gûdinga, oᴋartotit uvamnut: nunangnut utterit illangnullo, ajungitulivigijomavagit,

Genesis 48:15

Josefelo saimauserpâ oᴋarlunelo: Gûdib piksoma — atâtâkka Abrahalo Isaarlo arvertalaukpuk saᴋᴋâne — Gûdib uvamnik pairᴋsijub inûlervimnit uvlomemut aglât,

Genesis 50:17

Imâk oᴋariaᴋarniarpose Josefemut: Katangutivit piungituliningit idluituliningillo issumagijungnailaungmikit, idluitulivigingmatit illa. Taimaimat mâna issumagijungnailaukittôᴋ atâtavit Gûdingata kivgangita idluituliningit! Josefele ᴋeavoᴋ, taimak oᴋarvigingmatsuk.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Ebrêerinut 13:5

Iliornise pijomatudlarnermik illaᴋarniarane, pigijase tamâne nâmagisigik. Nangmineᴋ oᴋarmat: Kemangniatsangilagit allarniarnaglônêt.