Genesis 31:44 - Labrador Inuttitut Heritage Bible

⁴⁴ Attê, angerᴋatigêlauluk uvangalo igvillo kigligiutsijutiksamik uvamnullo illingnullo.

Genesis 31:44 Iomraidhean Croise

Genesis 15:18

Uvlorme tamattomane Nâlekab Abra angervigivâ, oᴋarlune: Nuna tamanna tunijomârpara kinguvâksarnut Egiptenib kôksoanganit kôksoarmut Faratemut,

Genesis 31:48

Labanelo oᴋarpoᴋ: Kallerêktitat ukkoa kigligiutsijutiksauvut uvlome uvamnullo illingnullo. Tamanna pivlugo Gâletemik atserarpât,

Genesis 31:52

Kallêrektitat ukkoa kigligiutsijutiksauvut, nallunaikutaliarlo tamanna kigligiutsijutiksauvoᴋ, uvangalônêt ᴋallerêktitat ukkoa ᴋângeromanginapkit illingnôrlunga, igvillônêt ᴋallerêktitat ukkoa nallunaikutaliarlo tamanna ᴋângeromanginangne uvamnôrlutit idluitomik.

Deuteronomy 31:19

Mâna tagva imgerutsit ukkua aglakit, ajuᴋertutigikillo Israêlib ᴋitornganginut; ᴋaninginut, ilikit, imgerutsit tâpkoa kigligiutjutiksauᴋovlugit pivlunga Israêlib ᴋitornganginut.

Deuteronomy 31:21

Idluinerillo ânianerillo unuktut tikisimakpatta tâpkonunga, imgerutsit ukkua kigligiutjilârput pivlunga tâpkoa sângine, puigortaujuksaungimatta kinguvângita ᴋaninginit; ᴋaujimalerêrama mâna issumagilârtanginik taipsomane, tikiutjiᴋârtinanga tâpkoninga nunamut angerutigimarilauᴋtamnut.

Deuteronomy 31:26

Perᴋojat aglaksimaviat tamanna tigusiuk ililugolo Nâlekab Gûdipse iklervingata kigligiutjineᴋtaliub sanianut, tagvanêtuksauvorlo ilingnut kigligiutjijôvlune.

Josua 22:27

Kigligiudsijoᴋovlugole akkonaptingne akkonapsingnelo, kinguvârijomârtaptalo akkorngane, Nalegak kivgartorungnarlugo sângane, tunnergutiksaptingnut otaksanut, tunnergutiksaptingnullo ᴋujalijutiksanut, tunnergutiptalo assinginut; ᴋittorngase, nalliutsomârtome oᴋarungnarᴋonagit: Illangiutivikangilase Nalekamik.