Genesis 30:27 - Labrador Inuttitut Heritage Bible

²⁷ Labanib oᴋautivâ: Ijîkpit sângangne saimaneᴋsilangatôᴋ. Tukkisivunga, Nâlekab saimausermanga igvit pivlutit.

Genesis 30:27 Iomraidhean Croise

Genesis 12:3

Illingnik saimausêjut saimauseromavakka, illingniglo oᴋarnerlûtjijut oᴋarnerlûtijomavakka, illikullo kinguvârêt ilûnamatsiatik nuname saimausertaujomârput.

Genesis 18:3

Oᴋarlunelo: Nâlegaᴋ, ijîngnut saimaneᴋsiguma, kivgat ᴋângerniarnago pît.

Genesis 26:24

Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Genesis 30:30

Ikitunik perᴋuteᴋalauᴋpotit tikkigama, siamarlutigle unuksivalliadlarput, Nâlekablo saimauserpâtit aulanipkut tamât. Kissiane ᴋanga iglo nangminiksara issumagijaksarivigô?

Genesis 33:15

Esauib oᴋautivâ: Tagva inuᴋotima illangit illingnêrᴋojomavakka. Kiovâle: Sujût? Saimaneᴋsituinarlanga angajoᴋâma sângane.

Genesis 34:11

Siggemiblo Dinab atâtanga ᴋattangutingillo oᴋautivait: Saimaneᴋsilaulangatôᴋ sâpsingne, pijomajapsingnik tunitjijomavunga.

Genesis 44:5

Tâmnaungilâᴋ nâlekama imervigijanga nalautaijutigijangalo? Idluitulivose taimailiorapse.

Genesis 47:25

Oᴋarput: Inûlivaptigut illa! Saimaneᴋsituinarta attanipta sângane, tagva kivgauniarpogut Faraomut.

II Samuel 6:11

Nalekablo iklervinga takᴋit pingasut nâlugit Obed-Edomib Gathemiub iglunganetuarmat, Nalekab pitsartutipa, iglomioᴋattingillo illunaita.

I Atannit 11:19

Hadadelo napᴋoaneksivok angijomik Faraome, nulliamiglo tunnitsivigiva, nulliame Tachpenesib nukkanganik.

Nehemia 1:11

ᴋanoktôk Nâlegak siutikik kamatsiarlik, kivgaᴋotivit tuksiarninganik, kivgaᴋotivillo assima tuksiarninganik, tussudlartut atit sivuragijomavlugo; kivgaᴋotillo uvlome sullitilauruk, napkiningneksiᴋolugolo angutib ipsoma kênangata sângane. Imiksaliorteôlaurama atannermut.

Nehemia 2:5

Oᴋarlungalo atannermut: Nâmagijaukpat atannermut, Kivgaᴋotingnullo sângnêtunut, tillilunga piᴋovlutit Judamut, atâtagijama ilijartortaumaningita iglugasaksoanginut, iglugasaliorlugit piᴋovlunga.

Imgerut 1:3

Tâmma nappârtotun-îpok illijaumajotut kôgut (imiggit) sinânut, paungalertotut nalliunermine; millukattanginniglo kunulerviolungitotut; sannaningillo sullitsiarput.

Exodus 3:21

Inuillo saimaneᴋsititsomavakka Egiptenemiut sângane, imaitsomârporlo: Aularluse aularomângilase piksaᴋarase.

Jesaiase 6:13

Inuille unurningita tallimaujortungit tagvanẽtsomârput sulle; taipkoa pititaujariaᴋaromârivut ikkomamut, kissianele — sôrlo terebintemut aigemullo kippaᴋarmat (kippijaukpanik) — taimak taipkoa kippangat kinguvâksauvoᴋ ivsornaitoᴋ.

Jesaiase 61:9

Kinguvâksangillo illitarijaujomârput nallojut akkornganne, kingordlingillo nunaᴋatigêksuit akkornganne. Tâpkoninga tautuktut illitarijomârpait, kinguvângongmatta saimausertaujut Nâlekemut.

Jesaiase 65:8

Nâlegaᴋ oᴋarpoᴋ imâk: Sôrlo vainiksatalik nagvârtaungmat paungalukat akkornganne oᴋartoᴋarlunelo: asserorniarnagit, attorungnartunik illaᴋarmatta, — taimailioromârpungatauᴋ kivgakka pivlugit, illũnainiungitoᴋ asseroivlunga.

Daniel 1:9

Gudiblo Danieli saimaniᴋsitipâ naglingniᴋsitilugolo aipaitôᴋojaujut angajoᴋângata takoani.

Numbers 11:11

Moseselo oᴋarpoᴋ Nâlekamut: Sôᴋ kivgat sanikteridlartipiûk? Sôglo saimausertaungilangâ ijîkpit sângangne, inuit tamakkoa oᴋumainartoᴋsôningat iligangne uvamnût?

Numbers 11:15

Taimailiorvigigumgalo, tagva toᴋolaungatôᴋ, ila, toᴋunga, saimaneᴋsiguma takkungne; tautugiaᴋarᴋonanga ajulernimnik.

Apostelit Piniarningit 7:10

Piulivlugolo kappiasungninginit tamainit, saimartilâllo silatutipâ Faraub Egiptenemiut ataningata sângane; tâpsoma angajoᴋângortipâ Egiptenemiunut, iglominêtunullo ilûnainut.

Ruth 2:13

Tamna oᴋarpok: Saimaneksilaunga ijikpit sângangne, Nâlegâk; mannigoramga, kivgallo pitsiarlutit oᴋarvigivat, kivgavit illangatitun îlungitungalônêt.

I Samuel 16:22

Saulelo tilliklerpok Isaimut, oᴋautjauᴋolugolo: Davide sâmnêtsainarᴋolauruk, saimaneksingmat ijingma sângangne.