Genesis 3:4 - Labrador Inuttitut Heritage Bible

⁴ Tagva ᴋuglugiaᴋ arnamut oᴋarpoᴋ: Toᴋolerniangimarikpotik illa:

Genesis 3:4 Iomraidhean Croise

Genesis 3:13

Tagva Gûdib Nâlekab arnaᴋ oᴋautivâ: Sôᴋ taimailiorᴋêt? Arnarle oᴋarpoᴋ: Kuglugiab taimak uiveringmanga, nerrivunga.

Genesis 3:3

Kissiane napârtub perorsêviub ᴋerᴋanêtub paungangit pivlugit Gûde oᴋarpoᴋ: Nerᴋiksarsivigijaksaringilatik aktornagolônêt, toᴋolerᴋonatik.

II Atannit 1:16

Oᴋarporlo tâpsomunga: Imâk Nâlegak oᴋarpok: Tamanna pivlugo tillijanik tilliklilauravit, Baal-Sebubelo Ekronemiut Gûdingat appertsorᴋolaurangne, Gûdeᴋarajangimat sôrlo Israeleme, tâpsoma oᴋausingit apertsortaujungnarmatta, tagva inangavingnit nallariarvigilauktarnit makitsungnaituksauvotit, toᴋojuksauvotille.

II Atannit 1:4

Tamanna pivlugo Nâlegak oᴋarpok: Innangavingnit, nallariarvigijarnit makitsungnaituksauvotit; toᴋojuksaulutille. Elialo aularpok.

II Atannit 1:6

Tapᴋoa oᴋautivât: Angutib majorarlune pârlaukpâtigut, oᴋautilutalo: Utermititse atannermut tilijigilauktapsingnut, oᴋautilugolo: Imâk Nâlegak oᴋarpok: Gûdeᴋangilâk Israelitine, tillikleravit Baal-Sebube Ekronemiut Gûdingat aperiartorlugo? Tamanna pivlugo makitsungnaituksauvotit inangavingmit nallariarvigilauktarnit, toᴋojuksauvotille.

II Atannit 8:10

Elisab oᴋautiva: Oᴋautijartoruk: Nekkoksiniarpotit; Nâlekable nallojungnaitilaukpânga, toᴋoniarmat.

II Kronika 18:21

Tamna oᴋarpok: Aularomavunga, annerniôjomalungalo nallagongitok, tapsoma nallautaijoᴋotingita illunatik ᴋanningine. Tamnalo oᴋarpok: Tilliorniarpat, sullidlarniarlutillo, aularit taimailiorlutillo.

Imgerut 10:11

Omâmigut oᴋarpok: Gûdib puigorpâ, kênane ijerpâ, takkoniangitsainarpâ.

Johannese 8:44

Atâtapsingnit Sâtanasemit pivose, atâtapselo ikliguningit maligomavase. Tâmna inuartôvok pigiarninganit, mikseᴋârnermêtsainalaungitorlo; mikseᴋârnek tâpsomanêngimat. Saglonermik oᴋâlagune, nangminerijaminik oᴋâlavok; saglotojoᴋsôgame, saglonerublo atâtagivâ.

II Korintemiunut 11:3

Sivôravungale, sôrlo ᴋuglugiab pingitsertorlune Eva uivêridlalaungmago, taimâktauᴋ issumase asserorniarasugilugit issumalingasuernermit Kristûsemêtomit.

II Korintemiunut 2:11

Sâtanasemut sâlagijauᴋonata; tâpsoma issumalungninga nelunginaptigo.

Deuteronomy 29:19

Taimaitorlo tusaraloarlune ôminarsiᴋojinerûb oma oᴋausertanginik, ômatimik pilluangoneraivok nangminerminik, oᴋarlune: Ulapirᴋsauteᴋarniarpunga, arvertaraloaruma ômatima ᴋepêserningane, imertudlarneᴋ ilautitsomavlugo imerungnermut;

I Timôteusemut 2:14

Adamelo uivêrijauᴋâlaungilak, arnarle uivêrijaulaukpok, nâlegungnainermiglo pititsilertok.