Genesis 28:5 - Labrador Inuttitut Heritage Bible

⁵ Taimak Isaab Jako aularᴋongmago, ingergavoᴋ Mesopotâmiamut Labanemut, Siriamiomut, Betuelib erninganut, Jakoblo Esauiblo anânangata Rebekkab anninganut.

Genesis 28:5 Iomraidhean Croise

Genesis 22:23

Betuelible Rebekka pannigivâ. Sittamaujortut tâpkoa Milkab erniarivait Nahoremut, Abrahab nukanganut.

Genesis 24:54

Tagva nerrivlunelo imerpoᴋ angutit illagijane illagivlugit, siniktarpullo. Kaulermalle, makiput oᴋarporlo: Aularᴋolersingatôᴋ angajoᴋâmnut!

Genesis 25:20

Isaarlo jâreᴋarpoᴋ 40nik, Rebekka nuliarigamiuk, Betuelib Siriamiub panninga, Mesopotamiamit pijoᴋ, Labanib Siriamiub najanga.

Genesis 27:43

Taimaimat nippiga tussaruk mâna, ernîk! Opalungailerit ᴋemâvlutillo annimnut Labanemut Haranemut.

Genesis 28:2

Parngnailerille ingergarniarlutit Mesopotâmiamut, anânavit atâtangata Betuelib iglunganut, taikangallo nulianilerit Labanib, anânavit anningata panningita illanganik.

Genesis 29:1

Tagva Jako aularpoᴋ kangilît nunanganut ingergavlune.

Genesis 29:12

Rahelelo, Jakob nallojungnairtingmago, atâtangata ujorugingmago Rebekkablo erneringmago, aᴋpangerpoᴋ, atâtane ᴋaujititsartorlugo.

Genesis 31:24

Gûdible Labane Siriamioᴋ tikkipâ sinnaktômatilugo unnuarme, oᴋautivlugo: Udjertulerit, Jako oᴋarviginiarungne, ajungitomit sangurᴋonak ajortomut.

Genesis 35:27

Jakoblo atâtane Isaaᴋ tikkipâ Mamrime, Kiriat-Arabame, tagva Hebroneme, Abrahablo Isaablo tujormiangovigijangangne.

Hesekiel 27:16

Siriamiut niuverniarput ilingne, senajavit unurningit pitjutigilugit, perᴋutitit akkilerlugit aligonut, tungulângajunullo annorâksanut, puttolapânullo, annorâksanullo ᴋaᴋᴋoriktomut, ujaraujârtunullo puttolapânut imarbiub erᴋânit, ujarangnullo pivianartunut.

Hosea 12:12

Jâkolo ᴋemâlauᴋpoᴋ Aramib naternanganut, Israêliblo nuliaksaᴋ kivgartûtigiva, nuliaksarsiniarlunelo saukanik mianersivoᴋ.

Deuteronomy 26:5

Kiovlutillo oᴋartuksauvotit Nâlekab Gûdivît sângane: Atâtaga Siriamiongolauᴋpok nuktartok, atersârporlo Egiptenemut, tagvanelo tujormiangovok, ikitunik ilaᴋarlune; tagvanele inôᴋatigêksoangolerpok angijut, pitsartujut, unuktôvlutiglo.