Genesis 28:18 - Labrador Inuttitut Heritage Bible

¹⁸ Uvlârarsukullo Jako makiname, ujaraᴋ tiguvâ, akitigijane, nallunaikutangortilugolo nappartipâ, orᴋsumiglo koverivâ ᴋânga.

Genesis 28:18 Iomraidhean Croise

Genesis 21:14

Tagva Abraha uvlâkut makipoᴋ, taᴋoaksarlo imeᴋautillo imalik tigulugit illivait Hagarib tuinganut, nukapiarlo tunivâ tâpsomunga, aulartilugolo. Tagva aularpoᴋ saksârlunelo inuᴋangitome Bersêbab ᴋanitangane.

Genesis 22:3

Tagva Abraha uvlâkut makipoᴋ, siuterᴋortojoᴋotinelo iksivaviktârpâ, kivgâglo magguk erninelo Isaaᴋ illaurᴋovait, ikoalatiksaniglo ᴋetjiorpoᴋ, aularlunelo ingergavoᴋ taikunga, Gûdib oᴋautigijanganut tâpsomunga.

Genesis 28:11

Nunallo illanganut tikkiname, unnuivoᴋ tagvane, seᴋineᴋ tachisimangmat. Ujaraillo tagvanêtut illanganik tigusivoᴋ akitiginiardlugo, tagvungalo innalerpoᴋ.

Genesis 31:13

Uvanga tagva Gûde Bêteleme (takojat), tagvane nellunaikutaᴋ mingoarpat, tagvanelo angeruteᴋarlutit angervigivarma. Parngnailerit mâna, aularlutillo nunamit ômangat, nunamut inûlervigijarnut utterit.

Genesis 31:45

Tagva Jakob ujaraᴋ tiguvâ nappartilugolo nellunaikutaurᴋovlugo.

Genesis 35:14

Jakole inuksuliorpoᴋ tagvane, (Gûdib) oᴋauseᴋarvigijangane tâpsomunga, inuksumik ujaramik, imiksamiglo tunergutaujomik koverivâ, orᴋsumiglo koverivlugo.

Genesis 35:20

Jakoblo nellunaikutaᴋ nappartipâ iluvingata ᴋânganut, tamadja Rahelib iluvingata nellunaikutanga sulle uvlome.

II Samuel 18:18

Absalomele nappajoksoamik nangminerijaminut nappartitsilaukpok inôvlune sulle; tamna napparsimavok attaniub naksaᴋotingane. Oᴋalaurame: Erneᴋangilanga, tamana pivlugo, tamanna erᴋaumajaksaujuksauvok attimnut; atserarpâlo nappajok attine malliklugo, taijauvorlo uvlok tamanna tikkilugo, Absalomib inninganik.

Imgerut 119:60

Errinesukpunga, siglotonangalo perᴋojattit malligomavlugit.

Okaluktok 9:10

Aggakpit nachvârtangit piniaraksat ômariklutit piniarkit; tokᴋungajut inningane aivigijarne piniarneᴋangimat, pikᴋaringneᴋangilarlônêt, sillatuneᴋangilarlônêt, ilisimaneᴋangilarlônêt.

Jesaiase 19:19

Taipsomane tunerguserviᴋaromârpoᴋ Nâlekamut Egiptenib ᴋerᴋane napajoᴋsoaᴋarlunelo nunab kiglingane Nâlekamut.

Numbers 7:1

Uvlormelo Mosesib napartitsijarêrvigijangane tupermik ivsornaitomik, mingoarlugolo ivsornaitilugolo, atorialingillo tamaita, tunerguserviglo, tâpsomalo atoriaᴋartangit tamaita, mingoarêrmagit ivsornaitilugillo;

Josua 4:9

Josuablo ujarᴋat 12 it nappartipait Jordanib ᴋerᴋâne, ajochertuijut, angersimanerub iklervinganik akkigartut ittiggangita nangervigilauktangane, tagvanepullo sulle uvlok tamanna tikkilugo.

I Samuel 7:12

Tagva Samuelib ujarak tiguva, nappartilugolo Mizpab Seniblo akkorngangne, atserarpâlo Ebenezeremik, oᴋarlunelo: Maunga tikkilugo Nalekab ikkajorlaukpâtigut.