Genesis 28:15 - Labrador Inuttitut Heritage Bible

¹⁵ Ahâglo, illagivagit saputijomavagillo, naukullônêt ingergaralloarmangârpit; uttertitsomavagillo nunamut mattomunga, allarniatsanginapkit, piniarᴋârtinanga tamainik oᴋautigijamnik illingnut.

Genesis 28:15 Iomraidhean Croise

Genesis 21:20

Gûdiblo nukapiaᴋ illagivâ, tâmnalo perorpalliavoᴋ inuᴋangitome nunaᴋarlune, pittiktarnermiglo illisimatsiarpoᴋ.

Genesis 26:24

Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Genesis 26:3

Nuname mattomane tujormiangolerit, uvangalo illagijomavagit saimauserlutit, illingnut kinguvâksarnullo nunat tamakkoa tamaita tunijomagapkit, angerneralo angernerijara atâtangnut Abrahamut soᴋosijuititsomavara.

Genesis 30:25

Pijoᴋarporlo, Rahelib Josefe erniaringmago, tagva Jakob Labane oᴋautivâ: Aularᴋolaungatôᴋ, nunamnut innigijaksamnut ingergarᴋovlunga.

Genesis 31:13

Uvanga tagva Gûde Bêteleme (takojat), tagvane nellunaikutaᴋ mingoarpat, tagvanelo angeruteᴋarlutit angervigivarma. Parngnailerit mâna, aularlutillo nunamit ômangat, nunamut inûlervigijarnut utterit.

Genesis 31:3

Nâlekablo Jako oᴋautivâ: Utterit atâtavit nunanganut illangnullo; illagijomavagit.

Genesis 31:5

Oᴋautivaglo: Atâtaptik kênanga takovara, sivornganetut ilingajungnairtoᴋ uvamnut; atâtamale Gûdingata illagivânga.

Genesis 32:9

Jakolo oᴋarivoᴋ: Nâlegaᴋ, atâtama Abrahab Gûdinga, atâtamalo Isaab Gûdinga, oᴋartotit uvamnut: nunangnut utterit illangnullo, ajungitulivigijomavagit,

Genesis 35:3

Parngnailerlutalo ingergalauᴋta Bêtelemut, taikane tunerguservilioromagama Gûdemut, tâpsoma tussarmanga kapiasungnima nelliuningane, illagingmangalo apᴋome ingergarvigijamne.

Genesis 39:2

Nâlekablo Josefe aiparivâ, angutaulerporlo piloriktoᴋ, angajoᴋâme Egiptenemiub iglunganêdlune.

Genesis 39:21

Nalekable aiparivâ pitsiarvigivlugo saimaneᴋsitilugolo parngnanairsimaviub angajoᴋângata sângane.

Genesis 46:4

Uvanga attersarᴋatigijomavagit Egiptenemut, uvangalo amma uttertitsomârivagit tamaunga, Josefiblo aggane ijîngnut illijomârpait.

Genesis 48:16

Engelib ajortunit tamainit piuliklertub uvamnik, tâpsoma nukapiâk ukkoa saimauserligik, taijaulerᴋovlugik attimnik atâtângmalo attîgingnik Abrahablo Isaablo, aglisivalliarᴋovlugik unuksivalliarᴋovlugiglo nuname!

Genesis 48:21

Israêlelo Josefemut oᴋarpoᴋ: Takovarma toᴋolertunga, Gûdible illagijomârpâse uttertiluselo atâtapse nunanganut.

I Atannit 8:57

Nâlekab Gûdipta illagilittigut, sorlo atâtagijavut illagilaungmagit. Tapsoma ᴋemangniaratigut agganelo erᴋitiniarnagit uvaptingnit,

Imgerut 46:11

Nâlekab Zêbaotib illagivâtigut, Jakob Gûdinga sapputjigivavut.

Imgerut 46:7

Nâlekab Zêbaotib illagivâtigut, Jakob Gûdinga sapputjigivavut. Sêla.

Imgerut 91:11

Tâpsoma Engeleᴋotine perᴋolaukpait pivlutit, sapputserᴋovlugit illingnik, apᴋosinerne illunaine.

Exodus 13:11

Nalekablo tikiutitikpatit Kânaanemiut nunanganut, sorlo angermarilaungmat ilingnut atâtarnullo, tunijomavlugo ilingnut,

Exodus 3:12

Kiovâle: Uvanga ilagijomavagit; imaitorlo nalunaikutaksarivat uvanga tiligapkit: Inuit Egiptenemit aularterᴋârungne, Gûde kivgartorvigijomârpase ᴋakᴋame matomane.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Jesaiase 43:2

Imaᴋsoarnik ikâruvit, illaginiarpagit, kôksoarniglo (ikâruvit) ippititauniangilatit taipkonunga; ikkomakut ingergaguvit, õtauniangilatit ikkoaladlarninganullo ikkitauniangilatit.

Jesaiase 7:14

Taimaimat Nâlekab nangmineᴋ nallunaikutamik tunitjivigijomârpâse. Ahâk, uigasuk singaivoᴋ ernermiglo ernijomârpoᴋ, tâmna Imânuelemik (imaipoᴋ: Gûdib illagivâtigut) atseraromârpâ.

Jesaiase 8:10

Angeᴋatigêgitse kajusimanipsingnik, serᴋomitauvoᴋ; oᴋausermik oᴋaluaritse, sullitsangilaᴋ Gûdib illagingmattigut.

Jeremia 1:19

Unatarvigijomârpâtillo, sâlaginiangilâtille, ilingnênama, Nâlagaᴋ oᴋarpoᴋ, piulijomavlutit.

Jeremia 16:15

Imâgle: Sorlo Nâlagaᴋ inôngmat, tikiutjilauᴋtoᴋ Israêlib ᴋitornganginik nunamit taggânêtomit, nunanillo tamainit ᴋemâviotitaminit tâpkonunga; tikiutitsomârivakkalo nunamingnut tunilauᴋtamnut atâtagijanginut.

Leviticus 26:42

Uvanga tagva angernera Jakomut, angerneralo Isaarmut, angerneralo Abrahâmut erᴋaumajomavakka, nunalo erᴋarlugo.

Leviticus 26:45

Tâpkoale pivlugit erᴋaumajomavara angernerilauktara sivorlinginut tikiutilauktamnut nunamit Egiptenemit inôᴋatigêksuit takkoane Gûdeoᴋovlunga tâpkonunga Uvangauvunga Nâlegak.

Numbers 23:19

Gûde inôlungilaᴋ saglosômik, erniolungilarlo inungmut ᴋaᴋialersômik: oᴋarsimangilâᴋ, piniarnialungilaûglô? Oᴋauseᴋalauᴋâlônêt nelautsitinialungitaminîk?

Numbers 6:24

Nâlekab pitsartutilitit saputilitillo,

Mattêuse 18:20

Maggûgle pingasullônêt katimajarangata atimne, akornganêtsomavunga.

Mattêuse 24:35

ᴋilaglo nunalo nungujomârpuk, oᴋausikkale nungujomângilat.

Mattêuse 28:20

Ajoᴋertorsigiglo malerᴋovlugit tamainik perᴋojamnik ilipsingnut, Ahâglo, uvlut tamaita najutsainarniarpapse, silaksûb naggatânut.

Deuteronomy 30:3

Tagva Nâlekab Gûdivît aularutijaunît issumagijomârîva, nâpkigijomârpâtillo, uterlunelo katersoromârpâtit inôᴋatigêksoarnit tamainit, Nâlekab Gûdivît apsimaviotitanginit ilingnik.

Deuteronomy 31:6

Sôngotitse maksuavluselo, sivôraniaraselo, kapiasûtiginiarasigiglo tâpkoa; Nâlekab Gûdivît nangminek ingergarᴋatigingmatit; tâpsomalo iperarniatsangilâtit, ᴋemangniangilâtillônêt.

Deuteronomy 31:8

Nâlegarlo nangmineᴋ sivunerne ingergarniarpok; tâpsoma ilaginiarpâtit, iperarniatsangilâtit, ᴋemangniangilâtillo; sivôranak, uimâlaniarnaglo.

Deuteronomy 7:9

Taimaimat ᴋaujijuksauvotit Nâlegak Gûdît Gûdeongmat; Gûde nelâgôrtok nelautsititsilune angerutigijaminik nâpkiniklunelo nagligijiminik perᴋojaminiglo nâlektunik kinguvârêt tausendit tikilugit.

I Timôteusemut 4:8

Timib pinginik sungiutigannernek atornarniᴋingmat; Gûdemigle nâlengnek atornarpok tamainut, angerviomajoktauk inôtsemik mânêtomik neliutuksamiglo.

Josua 1:5

Kialonêt akkerartoraksaringilâtit inôsingne tamât. Sorlo Mosese aiparilaurapᴋo taimak aiparijomavagittauk. Kemagomangilagit aularviginaglonêt.

Jûdasib 1:1

Jûdase, Jêsusib Kristûsib kivganga Jakôbusiblo nukanga (aglaᴋpunga) ᴋairᴋojaumajunut, ivjornaititaumajunut Gûdemut Atâtamut, saputijaumajunut Jêsuse Kristûsemut.

Idluarsaijut 6:16

Nâlekable oᴋautiva: Aiparijomavagit Midianiterit ullimaraksarigangne, angutetut atautsetut sorlo.