Genesis 28:14 - Labrador Inuttitut Heritage Bible

¹⁴ Kinguvâksatillo nunab sanningititut unuktigijomârput, siamaromârpotillo paunga taunungalo avungalo aungallo, illikkullo kinguvâksakullo kinguvârêt nunamêtut ilûnamatsiatik saimausertaujomârput.

Genesis 28:14 Iomraidhean Croise

Genesis 12:3

Illingnik saimausêjut saimauseromavakka, illingniglo oᴋarnerlûtjijut oᴋarnerlûtijomavakka, illikullo kinguvârêt ilûnamatsiatik nuname saimausertaujomârput.

Genesis 13:14

Lotelo Abramit avingmat, kingorngane Nâlegaᴋ oᴋarpoᴋ Abramut: Attê, ârlorit takoniarlutillo innigijarnit avunga aungalo paungalo taunungalo.

Genesis 13:15

Nuna takojat ilûnât tunijomavara perᴋutautsainartilugo illingnut kinguvâksarnullo.

Genesis 13:16

Kinguvâksatillo unuksivalliatitsomavakka sanniktitut nuname. Sanningnik nunamêtunik kittitsijungnartoᴋarpat, tâpsoma kinguvâksatittauᴋ kittinajarivait.

Genesis 18:18

Abrahamit nunaᴋatigêksuit pitsartudlartut pijomârmatta, nunaᴋatigêksuillo nunamêtut ilûnamatsiatik tâpsomûna saimausertaujomârmatta?

Genesis 22:17

Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

Genesis 22:18

Kinguvâksakkullo inôᴋatigêksuit ilûnamatsiatik nuname saimausertaujomârput, nippiga nâlagangne.

Genesis 26:4

Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,

Genesis 32:12

Oᴋaravit: Ajungitulivigijomavagit, kinguvâksatillo unuksivalliatitsomavakka siorᴋatitut imarbiksûb sikjangane, unumut kitiksaujungnairtilugit.

Genesis 48:16

Engelib ajortunit tamainit piuliklertub uvamnik, tâpsoma nukapiâk ukkoa saimauserligik, taijaulerᴋovlugik attimnik atâtângmalo attîgingnik Abrahablo Isaablo, aglisivalliarᴋovlugik unuksivalliarᴋovlugiglo nuname!

Genesis 48:19

Atâtangale taimailioromangilaᴋ, oᴋarlunelo: Nalungilanga ernîk, nalungilanga! Unatauᴋ inôᴋatigêksoangortitaujomârpoᴋ angijôvlunelo, nukangale anginersaujomârpoᴋ ômangat inôᴋatigêt unuktuit kinguvâksarivlugit.

II Kronika 1:9

Tagva manna Nalegak Gude oᴋautsitit atâtamnut Davidemut nallautsitikittôk! Uvânga attanningortilaukparma innugasaksoarnut taimak unnuktigijojunut nunab sanningititut.

Imgerut 72:17

Attinga itsainaromârpok issoᴋangitomut; seᴋᴋineᴋarningane attinga kinguvângnut tôgomârpok, saimausertaujomârpullo tâpsomunga; nallojut illunatik nakorijomârpât.

Exodus 32:13

Abraha, Isaarlo, Israêlelo, kivgatit, erᴋaumalaukit, tâpkonunga angermarilauravit ilingnik taivlutit, oᴋautilugillo: Kinguvâksase unuksititsomavakka sorlo ᴋilaub uvloriangititut, nunalo tamanna oᴋautigijara ilûnnane tunijomavara kinguvâksapsingnut, tâpkoalo kingormgutijaksarivât isoᴋangitomut.

Jesaiase 54:3

Tallerpivit tungânut saumivillo tungânut sivumuaromâravit; kinguvâksavillo nallojut kingormgutijaksarijomârmagit, iglugasaksuillo asserorsimajut inuᴋartillugit.

Numbers 23:10

Kina kititsijungnarᴋâ Jakokut saninginik, oᴋautigilugillônêt Israêlikut sitamangît? Tarniga toᴋolerle idluartut toᴋoninginik, sorairviksaralo pile tâpsoma sorairviksangatut.

Mattêuse 8:11

Oᴋautivapsele: Inugasaksuit unangat pângallo tikitsomârput, Abrahalo, Isaarlo Jâkolo iksivaᴋatigijomârlugit nâlegauvingme ᴋilangmêtome.

Apostelit Piniarningit 3:25

Nalautaijut angersimanerublo ᴋitorngarivâse, Gûdib pilauktangata atâtagijapsingnut, Abrahamut oᴋalaurame: kinguvâksarnut inuᴋatigêksuit ilûnamatsiatik saimartitaujomârput.

Galâtsiamiunut 3:16

Abrahâle kinguvâksangalo angersimaviovuk. (Gûdible) oᴋausingit imaingilat: “kinguvâksanut,” unuktôtidlugit, kissiane atausiotidlugo imâk: “kinguvâksarnut;” tâmna Kristuseovoᴋ.

Galâtsiamiunut 3:8

Aglaille sivorngagut nelonaititsilauramik, Gûdib nelojut okpernermut idluarsitingmagit, Abrahâ ᴋaujitipât, ilikut kinguvârêt ilûnamatsiatik saimausertaujomârput.

Efêsusemiunut 1:3

Nertortaule Gûde Nâlegaptalo Jêsusib Kristusib Atâtanga, saimausermatigut anernilingnut saimanartunut sunatuinarnut, ᴋilaub pinginik illangiutitiluta Kristuseme.

Deuteronomy 12:20

Nâlekab Gûdivît kigligijatit nerrototikpagit, sorlo angersimagame, oᴋarniaruvillo: Nerᴋetoromavunga, tarnikut ikliGûdlaruvit nerᴋejarmik; tagva tarnivît pijomajanga tamât maliklugo nerᴋetorungnarpotit.

Deuteronomy 13:17

Nungutaksallo ilanganik sunamiglônêt nipingajokartuksaungilak aggangnut; Nâlegak allaiᴋovlugo ningarnime katsungaininganik, saᴋᴋêvigilutillo nâpkiningnermik, ilapjugilutillo, unuksitilutillo, sorlo atâtagijatit angervigilaungmagit;

Takotitaunermik 7:4

Naᴋitjutitaujullo unurningit tussarpakka, 144,000 it, naᴋitjusersimajut (nelunaikusersimajut) tamainit Israêlib kinguvângita abvanginit:

Takotitaunermik 7:9

Mattoma kingorngane takogivunga, ahâglo, inugasaksoarnik kititaujungnangitunik kimut, nelojunit tamainit, inugasaksoarnillo, ingmigôlingajuniglo oᴋauselingnit, iksivautaᴋsûb sângane nangertunik, Saugârsûblo sângane, annorârsimajunik ᴋaᴋortanik, aggangmingnelo Palminik tigumiarlutik.