Genesis 28:13 - Labrador Inuttitut Heritage Bible

¹³ Sunaubvalo, Nâlegaᴋ ᴋollâne nangerpoᴋ oᴋarlunelo: Uvanga Nâlegauvunga, atâtavit Abrahab Gûdinga, Isaablo Gûdinga. Nuna innangavigijat tunijomavara illingnut kinguvâksarnullo.

Genesis 28:13 Iomraidhean Croise

Genesis 12:7

Nâlekablo Abra saᴋᴋervigivâ oᴋautilâlo: Kinguvâksarnut nuna manna tunijomârpara. Tagva tunerguserviliorpoᴋ tagvane Nâlekamut saᴋᴋervigijiminut.

Genesis 13:15

Nuna takojat ilûnât tunijomavara perᴋutautsainartilugo illingnut kinguvâksarnullo.

Genesis 13:17

Parngnailerit, nuna ingergavigiuk tukkimullo sennimullo, illingnut tunijomagapko.

Genesis 15:1

Pijoᴋartut tamakkoa kingorngatigut Nâlekab oᴋausinga Abramut pivoᴋ takotitjutikut, oᴋarlune: Sivôraniarnak, Abra, uvanga tagva sapputjauvît, amigangitomiglo akkilertauvît.

Genesis 15:18

Uvlorme tamattomane Nâlekab Abra angervigivâ, oᴋarlune: Nuna tamanna tunijomârpara kinguvâksarnut Egiptenib kôksoanganit kôksoarmut Faratemut,

Genesis 26:24

Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Genesis 26:3

Nuname mattomane tujormiangolerit, uvangalo illagijomavagit saimauserlutit, illingnut kinguvâksarnullo nunat tamakkoa tamaita tunijomagapkit, angerneralo angernerijara atâtangnut Abrahamut soᴋosijuititsomavara.

Genesis 28:4

Illingnullo tuniliuk saimanartoᴋ Abrahab pinga, illingnullo kinguvâksarnullo kingunikkut, kingormgujerᴋovlutit nunamik tujormiangorvigijarnik, Gûdib tunijanganik Abrahamut!

Genesis 31:13

Uvanga tagva Gûde Bêteleme (takojat), tagvane nellunaikutaᴋ mingoarpat, tagvanelo angeruteᴋarlutit angervigivarma. Parngnailerit mâna, aularlutillo nunamit ômangat, nunamut inûlervigijarnut utterit.

Genesis 31:42

Atâtama Gûdingata illagingipanga, Abrahab Gûdingata, Isaablo sivôragijangata, tagva sunaᴋartinanga aularᴋonajarparma. Gûdible ajulernera aggamalo sullijangit takonâramigit, inerterpâtit ikpeksaᴋ unnuaᴋ.

Genesis 31:5

Oᴋautivaglo: Atâtaptik kênanga takovara, sivornganetut ilingajungnairtoᴋ uvamnut; atâtamale Gûdingata illagivânga.

Genesis 31:53

Abrahab Gûdinga, Nahoriblo Gûdinga, atâtangatalo Gûdinga erᴋartuijôjuksauvoᴋ uvaptîngnut. Jakolo angervikpoᴋ atâtame Isaab sivôragijanga taivlugo.

Genesis 32:10

Nalopᴋotijutigivakka pitsiarnerit tamaita nertornarnerillo tamaita kivgarnut saᴋᴋertitatit. Jordane una ikârapko, ajaupiara pituarivara, mânale kattimajut magguit pivakka.

Genesis 32:9

Jakolo oᴋarivoᴋ: Nâlegaᴋ, atâtama Abrahab Gûdinga, atâtamalo Isaab Gûdinga, oᴋartotit uvamnut: nunangnut utterit illangnullo, ajungitulivigijomavagit,

Genesis 35:1

Gudiblo Jako oᴋautivâ: Parngnailerit Bêtelemullo ingergalerit, taikane nunaᴋarlutit, taikanelo tunerguserviliorlutit Gûdemut, illingnut saᴋᴋersimajomut taipsomane, angajungnit Esauemit ᴋemâgavit.

Genesis 35:12

Nunalo, tunijara Abrahamut Isaarmullo, tunivara illingnut, kinguvâksarnullo kingunikkut tunijomârpara nuna.

Genesis 35:15

Jakoblo Gûdib oᴋauseᴋarvigijanga tamanna Bêtelemik atserarpâ.

Genesis 35:17

Ernisuklune taimak siorniudlarmat, ernisuksêjub oᴋautivâ: Sivôraniarnak, tamattomûna ernertârmigavit.

Genesis 46:3

Oᴋautivâlo: Uvanga Gûdeovunga, atâtavit Gûdinga; sivôranak, attersartuksaugavit Egiptenemut, tagvane inugasaksoangortitsomagapkit.

Genesis 48:3

Jakole Josefemut oᴋarpoᴋ: Gûdib ajugaᴋangitub saᴋᴋervigilaujuvânga Luseme, nuname Kânaaneme, saimauserlungalo,

I Kronika 16:16

Angernerilauktanga Abrahamut, oᴋarmaringningalo Isaangmut;

I Kronika 16:18

Oᴋarlaukporlo: Igvit Kanaanib nunanganik tunnitsivigijomavagit, imerautipse kingormgutijanganut;

Imgerut 105:11

Oᴋarlunelo: Igvit tunnitivigijomavagit Kanaanib nunanganik, kingormgutijapse imerautinganik.

Exodus 2:24

Gûdiblo ârosungningit tusâvait, angersimaninelo Abrahamut Isaamullo Jakomullo erᴋarpâ.

Exodus 3:6

Amma oᴋarpok: Uvangauvunga atâtavit Gûdigijanga, Abrahab Gûdigijanga, Isaablo Gûdigijanga, Jakoblo Gûdigijanga. Tagva Mosesib kênane mattuvâ; Gûde takonârlugo sivôragame.

Exodus 4:5

Okperᴋovlugit, Nâlekab atâtangita Gûdingata, Abrahab Gûdingata, Isaab Gûdingata, Jakob Gûdingata sakᴋervigingmatit.

Exodus 6:4

Angervigivakka, nunamik Kânaanemik tunitjivigijomavlugit, nunamik tujormiangovigijanganik, tujormiangovlutik nunagijanganik.

Exodus 6:7

Ilalioromârpapselo inuᴋotigijomavluse, Gûdeojomavungalo ilipsingnut: Tukisijuksauvoselo uvangaugama Nâlegak Gûdise aularutijise Egiptenemiut siorniortitsininginit.

Hesekiel 28:25

Imâk oᴋarpoᴋ Nâlegaᴋ Nâlegaujoᴋ: Katersoisimajarêruma Israêlib ᴋitornganginik inôᴋatigêksuit siamangavigijangita akornganit, ivsornaititaugumalo tâpkonane inôᴋatigêksuit takoane, taipsomane nunaᴋalârput nunamingne tunilauᴋtamne kivgamnut Jakomut.

Amos 7:7

Imaitomiglo takotipânga: Ahâglo, Nâlegak nangerpok ᴋarmab, nausaikumut sanamajub, ᴋângane, nausaikumik tigumiarlune.

Mattêuse 22:32

Abrahâb Gûdigivânga, Isaablo Gûdigivânga, Jâkoblo Gûdigivânga? Toᴋungajulle Gûde Gûdigingilât, inôjulle (kissimik).

Apostelit Piniarningit 7:5

Tagvanelo nunamik nangminerijaksanganik tunitjivigingilâ, tumitut siliktigijomiglônêt, angervigivâlo tunijomârlugo tapsomunga kinguvâksanginullo kingorngane, sule ᴋitorngaᴋarᴋârtinago.

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 34:4

Nâlekablo oᴋautivâ: Tamanna nuna, nelâgôrmariktomik angerutigilauᴋtara Abrahamut, Isaarmullo, Jakomullo, oᴋarlunga: Tunijomajomârpara kinguvângnut; ijingnut takotipagit tâpsominga, tagvungale ikârtuksaungilatit.

Deuteronomy 9:5

Idluarnît pitjutigilugo ômativîllônêt nelâgôrninga pitjutigilugo itilungilatit nunangat piginiarlugo; inôᴋatigêksuille tâpkoa idluiningit pitjutigilugit Nâlekab Gûdivît ᴋemâtipait sivunernit, oᴋauserlo Nâlekab angermariklune oᴋautigijanga atâtagijarnut Abrahamut, Isaarmullo, Jakomullo soᴋosijuiᴋovlugo.

Ebrêerinut 11:16

Tâmnale pinago kipilerput ajunginersamik, tagva ᴋilangmêtomik. Tamanna pivlugo Gûdib kangusûtigingilait Gûdinganik taijauvlune; iglogasaksoarnik âᴋiksoilaurame taipkonunga.