Genesis 27:29 - Labrador Inuttitut Heritage Bible

²⁹ Inugasaksuit kivgartoraksarivâtit, inôᴋatigêksuillo pâmaktervigijaksarivâtit. Attaniolerit ᴋatangutingnut, anânavillo ᴋitorngangita pâmaktervigijaksarivâtit. Illingnik oᴋauteᴋaluktoᴋ oᴋauserlugviole, illingniglo saimarsaijoᴋ saimausertaule!

Genesis 27:29 Iomraidhean Croise

Genesis 12:3

Illingnik saimausêjut saimauseromavakka, illingniglo oᴋarnerlûtjijut oᴋarnerlûtijomavakka, illikullo kinguvârêt ilûnamatsiatik nuname saimausertaujomârput.

Genesis 25:33

Jakob oᴋautivâ: Tagva angerviginga mâna! Angervigivâ tagva, erniangoᴋârnine niorvgutigivlugo Jakomut.

Genesis 27:30

Pijoᴋarporlo, Isaab oᴋautsine saimanartut Jakomut nângmagit, Jakolo serlamarik atâtaminit Isaamit aningmat, tagva angajua Esaue tikkipoᴋ ômajoᴋsiorvingmit.

Genesis 27:37

Isaab Esaue kiovâ oᴋautilâlo: Attaningortipara illingnut, ᴋatangutingillo tamaita kivgangortipakka tâpsomunga, ᴋaᴋᴋôjaksaniglo vainemiglo piksaᴋartipara; ᴋanoᴋ tagva igvit piniarvigijaksarivagît, ernîk?

Genesis 27:40

Saviksoarnit inôgutiksarsijomârpotit, nukallo kivgartoraksarivat. Pijoᴋaromârporle, nâlegungnairlugo nangmaut ᴋongasernit kippijomârangne.

Genesis 37:10

Unipkautigingmagolo atâtaminut ᴋatangutiminullo, atâtangata suakpâ oᴋautivlugo: Sinnaktômaneᴋ sinnaktômanerijat sujôᴋ? Uvanga ᴋatangutivillo pâmaktervigijartoraksarigalloarpitigît?

Genesis 37:7

Perorsêvimgmêdluta ivingnik ᴋippitaksaujunik ᴋippitsivogut; sunaubvalo, ᴋippitakka ingmingnik makilerput nangerlutiglo; avatânêdlutiglo ᴋippitapse ᴋippitakka okkungavigivait.

Genesis 9:27

Gûdib Jafete kinguvâksaᴋartiliuk unuktunik, iniksaᴋartilugo Semib tupingine, Kânaanelo kivgaujuksauvoᴋ tâpsomunga.

I Atannit 22:47

Ajortullijullo amiakolauktut sulle atâtame Assab nelliuninganit pêjarpait nunamit.

I Atannit 4:21

Taimaglo Salomo Nâlegaulaukpok ataniovingnut ilûnnainut, kôksoarmit Filisterit nunangat, Egiptenemiut kiglilervingat tikkidlugik; pilliutinik ᴋaitsivut tapsomunga, Nâlekpâlo inôsingane tamât.

I Kronika 5:2

Judale sôngojolauktok ᴋatangutime akkorngane atannionermik tunnitsiviolaukpok, Josefele erniangoᴋârnermik.)

Imgerut 72:8

Attanniotijomârpok imarbingmit imarbiksub aipâ tikkidlugo, kôksoarmillo nunaksub issungit tikkidlugit.

Jesaiase 45:14

Nâlegaᴋ oᴋarpoᴋ imâk: Egiptenemiut kattersortangit Etiopiamiullo perᴋutigijangit inuillo takkijut Sabamiut tikkitsomârput illingnut, perᴋutigijomârpattillo, taipkoalo malligomârpâtit; ᴋellaumgujanut ᴋellaᴋsortauvlutik ᴋaijomârput, pâmakterlutiglo sângne tuksiarvigijomârpâtit: Gûde illingnẽtuinarpoᴋ, tâpsomalo assianik Gûdeᴋangilaᴋ.

Jesaiase 49:23

Attanersuillo pairijigijomârpattit, attaniojullo nulliangit amâmaktitigijomârpattit. Pûtsomârput nunamut sângne, ittikavillo sanningit alluktoromârpait. Tagva missigijomârpotit, uvanga Nâlegaugama, tâpsomingalo nerriuktut kangusuktitautsangimatta.

Jesaiase 49:7

Nâlegaᴋ, Israêlib piulijinga ivlernartitoᴋ oᴋarpoᴋ imâk tarnilît nachogijangannut, inuit maᴋojugijangannut, attaniâluit kivgangannut: Attanersuit takonâromârput nikkovilutiglo, attanerillo pâmakteromarput Nâlegaᴋ nertornartoᴋ pivlugo, ivlernartitoᴋ Israêlikkune pivlugo illingnik anerosuktoᴋ.

Jesaiase 60:12

Nallojut attaniovillo kivgartoromangitut illingnut nungutaujomârmatta, inungillo asserortauvlutik.

Jesaiase 60:14

Okkuvlutik tikkitsomârivut illingnut aksorôtijivit erningit, mittautigijitillo illũnatik ittikkavit sângannut pâmakteromârput, taijomârpâtillo Nâlekab iglugasaksoanginik, Zionemik ivlernartitub Israêlikkune pinganik.

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Numbers 23:8

ᴋanoᴋ ôminarsijauᴋojijungnarᴋêk Gûdib ôminarsijauᴋolungitanganîk? ᴋanoᴋ oᴋarnilutigijungnarpakkâ Nâlekab oᴋarnilutigilungitangît?

Numbers 24:18

Edomelo perᴋutaujomârpoᴋ, ômigijinelo Seir perᴋutigijomârivâ; Israêlelo sâlaᴋadlalârpoᴋ.

Numbers 24:9

Aᴋopivoᴋ, palungavoᴋ loevetut, pûsevâluktullo; kia tupaksarniarᴋaûk? Saimarsartaule saimarsaijoᴋ ilingnik, ôminarsijaulelo ôminarsiᴋojijoᴋ ilingnik.

Mattêuse 25:40

Nâlekablo kioniarpait oᴋautivlugillo: Âhamarik oᴋaupapse: Ukkua ᴋatangutima mikinerojut ilangat sumik pitinapsiuk, tamattominga uvanga pilaukpapsinga.

Mattêuse 25:45

Tagva kioniarivait oᴋarlunalo: Âhamarik oᴋaupapse: Ukkua mikinerojut ilangat sumik pitinginapsiuk, tamattominga uvanga pilaunginivapsinga.

Rômiunut 9:12

Oᴋautjauvoᴋ: Anginersaᴋ kivgaksauvoᴋ mikinersamut.

Takotitaunermik 19:16

Ateᴋarivorlo annorâmigullo sibviamigullo aglaksimajomik, imaitomik: Ataniojok atanernut ilûnainut, Nâlegaujorlo nâlekanut ilûnainut.