Genesis 26:4 - Labrador Inuttitut Heritage Bible

⁴ Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,

Genesis 26:4 Iomraidhean Croise

Genesis 13:16

Kinguvâksatillo unuksivalliatitsomavakka sanniktitut nuname. Sanningnik nunamêtunik kittitsijungnartoᴋarpat, tâpsoma kinguvâksatittauᴋ kittinajarivait.

Genesis 15:18

Uvlorme tamattomane Nâlekab Abra angervigivâ, oᴋarlune: Nuna tamanna tunijomârpara kinguvâksarnut Egiptenib kôksoanganit kôksoarmut Faratemut,

Genesis 15:5

Anerᴋovâlo sillamut oᴋautivlugolo: Attê, ᴋilak ârlorvigiuk uvloritjallo kittikit, kittilugit sappingikungne. Imâglo oᴋautivâ: Taimaituksauvut kinguvâksatit.

Genesis 18:18

Abrahamit nunaᴋatigêksuit pitsartudlartut pijomârmatta, nunaᴋatigêksuillo nunamêtut ilûnamatsiatik tâpsomûna saimausertaujomârmatta?

Genesis 26:24

Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Genesis 28:14

Kinguvâksatillo nunab sanningititut unuktigijomârput, siamaromârpotillo paunga taunungalo avungalo aungallo, illikkullo kinguvâksakullo kinguvârêt nunamêtut ilûnamatsiatik saimausertaujomârput.

Genesis 28:3

Gûdible ajugaᴋangitub saimauserlitit, kinguvâktârtilutillo, unuksivalliatilutillo inôᴋatigêksoangortilutit;

Genesis 35:12

Nunalo, tunijara Abrahamut Isaarmullo, tunivara illingnut, kinguvâksarnullo kingunikkut tunijomârpara nuna.

Genesis 47:27

Israêlikullo nunaᴋalerput Egipteneme nuname Goseneme. Tamanna nunaᴋutigivlugo kinguvâktârᴋattarput unuksivalliavlutik.

I Kronika 27:23

Davidiblo tapkoa jâreᴋartut 20 inik ikkinersaniglo kittiᴋasiutitauᴋolaungilait, Nalegak oᴋalaungmat, Israelitit unuksivalliatitsomavlugit uvloritsatitut ᴋilangmêtutitut.

Imgerut 72:17

Attinga itsainaromârpok issoᴋangitomut; seᴋᴋineᴋarningane attinga kinguvângnut tôgomârpok, saimausertaujomârpullo tâpsomunga; nallojut illunatik nakorijomârpât.

Exodus 32:13

Abraha, Isaarlo, Israêlelo, kivgatit, erᴋaumalaukit, tâpkonunga angermarilauravit ilingnik taivlutit, oᴋautilugillo: Kinguvâksase unuksititsomavakka sorlo ᴋilaub uvloriangititut, nunalo tamanna oᴋautigijara ilûnnane tunijomavara kinguvâksapsingnut, tâpkoalo kingormgutijaksarivât isoᴋangitomut.

Exodus 6:4

Angervigivakka, nunamik Kânaanemik tunitjivigijomavlugit, nunamik tujormiangovigijanganik, tujormiangovlutik nunagijanganik.

Apostelit Piniarningit 3:25

Nalautaijut angersimanerublo ᴋitorngarivâse, Gûdib pilauktangata atâtagijapsingnut, Abrahamut oᴋalaurame: kinguvâksarnut inuᴋatigêksuit ilûnamatsiatik saimartitaujomârput.

Galâtsiamiunut 3:16

Abrahâle kinguvâksangalo angersimaviovuk. (Gûdible) oᴋausingit imaingilat: “kinguvâksanut,” unuktôtidlugit, kissiane atausiotidlugo imâk: “kinguvâksarnut;” tâmna Kristuseovoᴋ.

Galâtsiamiunut 3:8

Aglaille sivorngagut nelonaititsilauramik, Gûdib nelojut okpernermut idluarsitingmagit, Abrahâ ᴋaujitipât, ilikut kinguvârêt ilûnamatsiatik saimausertaujomârput.

Deuteronomy 13:17

Nungutaksallo ilanganik sunamiglônêt nipingajokartuksaungilak aggangnut; Nâlegak allaiᴋovlugo ningarnime katsungaininganik, saᴋᴋêvigilutillo nâpkiningnermik, ilapjugilutillo, unuksitilutillo, sorlo atâtagijatit angervigilaungmagit;

Deuteronomy 9:5

Idluarnît pitjutigilugo ômativîllônêt nelâgôrninga pitjutigilugo itilungilatit nunangat piginiarlugo; inôᴋatigêksuille tâpkoa idluiningit pitjutigilugit Nâlekab Gûdivît ᴋemâtipait sivunernit, oᴋauserlo Nâlekab angermariklune oᴋautigijanga atâtagijarnut Abrahamut, Isaarmullo, Jakomullo soᴋosijuiᴋovlugo.

Ebrêerinut 11:2

Tâpsomûna sivorlît (nertornartomik) kigligiutigijauvut.