Genesis 26:3 - Labrador Inuttitut Heritage Bible

³ Nuname mattomane tujormiangolerit, uvangalo illagijomavagit saimauserlutit, illingnut kinguvâksarnullo nunat tamakkoa tamaita tunijomagapkit, angerneralo angernerijara atâtangnut Abrahamut soᴋosijuititsomavara.

Genesis 26:3 Iomraidhean Croise

Genesis 12:7

Nâlekablo Abra saᴋᴋervigivâ oᴋautilâlo: Kinguvâksarnut nuna manna tunijomârpara. Tagva tunerguserviliorpoᴋ tagvane Nâlekamut saᴋᴋervigijiminut.

Genesis 13:15

Nuna takojat ilûnât tunijomavara perᴋutautsainartilugo illingnut kinguvâksarnullo.

Genesis 13:17

Parngnailerit, nuna ingergavigiuk tukkimullo sennimullo, illingnut tunijomagapko.

Genesis 15:18

Uvlorme tamattomane Nâlekab Abra angervigivâ, oᴋarlune: Nuna tamanna tunijomârpara kinguvâksarnut Egiptenib kôksoanganit kôksoarmut Faratemut,

Genesis 17:19

Tagva Gûde oᴋarpoᴋ: Ahammarik, Sara nuliat ernermik ernijuksauvoᴋ illingnut, taimna Isaamik atseraraksarivat, angerneralo tâpsomunga nalautsititsomavara, angerneᴋ nâksaungitomut ilingajuksaᴋ, kinguvâksanginullo kingorngagut pijuksanut.

Genesis 17:8

Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.

Genesis 20:1

Abrahalo tagvangat aularpoᴋ nunamut seᴋinerdlermut, Kâdesiblo Suriblo akorngangne nunaᴋalerpoᴋ tujormiangovlune Gêrareme.

Genesis 25:11

Abrahablo toᴋungata kingorngagut, Gûdib erninga Isaaᴋ saimauserpâ. Isaarlo nunaᴋarpoᴋ “Omajub uvamnik takojub puilavingane.”

Genesis 26:12

Isaarlo nuname mattomane karngasoivoᴋ, karngasortanelo hundertertorlugit kattersoivoᴋ jâreme ômane, Nâlekab saimausermago.

Genesis 26:14

Saukkallo tuktuvaillo kattimajoᴋsuit, kivgallo unuktut pigivait; tamanna pivlugo Filisterit annerutivât.

Genesis 26:24

Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Genesis 28:13

Sunaubvalo, Nâlegaᴋ ᴋollâne nangerpoᴋ oᴋarlunelo: Uvanga Nâlegauvunga, atâtavit Abrahab Gûdinga, Isaablo Gûdinga. Nuna innangavigijat tunijomavara illingnut kinguvâksarnullo.

Genesis 28:15

Ahâglo, illagivagit saputijomavagillo, naukullônêt ingergaralloarmangârpit; uttertitsomavagillo nunamut mattomunga, allarniatsanginapkit, piniarᴋârtinanga tamainik oᴋautigijamnik illingnut.

Genesis 31:3

Nâlekablo Jako oᴋautivâ: Utterit atâtavit nunanganut illangnullo; illagijomavagit.

Genesis 35:12

Nunalo, tunijara Abrahamut Isaarmullo, tunivara illingnut, kinguvâksarnullo kingunikkut tunijomârpara nuna.

Genesis 39:2

Nâlekablo Josefe aiparivâ, angutaulerporlo piloriktoᴋ, angajoᴋâme Egiptenemiub iglunganêdlune.

Genesis 39:21

Nalekable aiparivâ pitsiarvigivlugo saimaneᴋsitilugolo parngnanairsimaviub angajoᴋângata sângane.

Genesis 48:21

Israêlelo Josefemut oᴋarpoᴋ: Takovarma toᴋolertunga, Gûdible illagijomârpâse uttertiluselo atâtapse nunanganut.

Genesis 50:24

Josefiblo ᴋatangutine oᴋautivait: Toᴋolerpunga; Gûdiblo nalipsaromârpâse, nunamit mattomangat paungartiluse nunamut angerutigijaminut Abrahamut Isaamullo Jakomullo.

I Kronika 16:16

Angernerilauktanga Abrahamut, oᴋarmaringningalo Isaangmut;

Imgerut 105:8

Angersimanine erᴋaumavâ issoᴋangitomut, oᴋautsit angerutigilauktane kinguvârênut 1,000 dinut.

Imgerut 105:9

Angerutigilauktane Abrahamut, oᴋarmaringninelo Isaangmut.

Imgerut 32:8

Uvanga ajochertoromavagit apᴋosinermiglo unertutigijomavagit, agvertarvigijaksarijarnik; ijimnut attanertoromavagit.

Imgerut 39:12

Nâlegak tuksiarnera tussalauruk, ᴋaigarsungneralo timerolauruk; niplingitailigit ᴋugvinimnut; ingergajôgama illingne, tujormijangôlungalo atâtagijaptut illunaititut.

Exodus 2:24

Gûdiblo ârosungningit tusâvait, angersimaninelo Abrahamut Isaamullo Jakomullo erᴋarpâ.

Exodus 3:12

Kiovâle: Uvanga ilagijomavagit; imaitorlo nalunaikutaksarivat uvanga tiligapkit: Inuit Egiptenemit aularterᴋârungne, Gûde kivgartorvigijomârpase ᴋakᴋame matomane.

Exodus 6:4

Angervigivakka, nunamik Kânaanemik tunitjivigijomavlugit, nunamik tujormiangovigijanganik, tujormiangovlutik nunagijanganik.

Exodus 6:7

Ilalioromârpapselo inuᴋotigijomavluse, Gûdeojomavungalo ilipsingnut: Tukisijuksauvoselo uvangaugama Nâlegak Gûdise aularutijise Egiptenemiut siorniortitsininginit.

Exodus 6:8

Itertitsomavapselo nunamut isagutigijamnut (angerama) tunijomavlugo Abrahamut Isaamullo Jakomullo; ilipsingnut tamanna tunijomârpara perᴋutautilugo ilipsingnut, uvanga Nâlegaujunga.

Jesaiase 43:2

Imaᴋsoarnik ikâruvit, illaginiarpagit, kôksoarniglo (ikâruvit) ippititauniangilatit taipkonunga; ikkomakut ingergaguvit, õtauniangilatit ikkoaladlarninganullo ikkitauniangilatit.

Jesaiase 43:5

Sivoraniarnak, illagigapkit! Kinguvârijarnik ᴋaitsivunga seᴋinerub nuivianit nippivianillo kattersorlugit.

Migga 7:20

Nertornarnît unertutigilârpat Jakomut, nâpkiningnîllo Abrahamut, angerutigilauᴋtatit atâtagijaptingnut itsarsoarme.

Numbers 23:19

Gûde inôlungilaᴋ saglosômik, erniolungilarlo inungmut ᴋaᴋialersômik: oᴋarsimangilâᴋ, piniarnialungilaûglô? Oᴋauseᴋalauᴋâlônêt nelautsitinialungitaminîk?

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 34:4

Nâlekablo oᴋautivâ: Tamanna nuna, nelâgôrmariktomik angerutigilauᴋtara Abrahamut, Isaarmullo, Jakomullo, oᴋarlunga: Tunijomajomârpara kinguvângnut; ijingnut takotipagit tâpsominga, tagvungale ikârtuksaungilatit.

Filippimiunut 4:9

Illinialauᴋtase, illaliulauᴋtaselo, tussalauᴋtaselo, takolauᴋtaselo uvamnit, tamakkoa piniarsigik; tagva Gûdib ullapirsaijub illaginiarpâse.

Ebrêerinut 11:9

Okpernermut tujormiangolauᴋpoᴋ nuname angerutaumajome, pijaksaringitamine sorlo; tupênaᴋarlune Isaarlo Jâkolo illagivlugik, kingormgujeᴋataujûk angerutigijaumajomik tamattominga.

Ebrêerinut 6:17

Gûdib tagva, angerutigijaumajomik kingorngujijuksat issumame soᴋᴋoserniangininganik ᴋaujimaviktitsomagamigit, angermaringneᴋ illautipâ,