Genesis 26:24 - Labrador Inuttitut Heritage Bible

²⁴ Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Genesis 26:24 Iomraidhean Croise

Genesis 13:16

Kinguvâksatillo unuksivalliatitsomavakka sanniktitut nuname. Sanningnik nunamêtunik kittitsijungnartoᴋarpat, tâpsoma kinguvâksatittauᴋ kittinajarivait.

Genesis 15:1

Pijoᴋartut tamakkoa kingorngatigut Nâlekab oᴋausinga Abramut pivoᴋ takotitjutikut, oᴋarlune: Sivôraniarnak, Abra, uvanga tagva sapputjauvît, amigangitomiglo akkilertauvît.

Genesis 17:7

Angerneralo pivlunga pivlutillo kinguvâksatillo pivlugit, kingunikkut kingorlerêktut, nalautsititsomavara, angerneᴋ nâksaungitomut ilingajuksaᴋ, illingnut Gûdeojomavlunga kinguvâksarnullo kingunikkut.

Genesis 17:8

Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.

Genesis 21:17

Tagva Gûdib nukapiab nippinga tussarpâ. Gûdiblo engelingata ᴋilangmit Hagare nipliavigivâ oᴋautilugo: Hagare, suvêt? Sivôraniarnak, Gûdib nukapiab nippinga tussarmago inninganit.

Genesis 22:17

Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

Genesis 22:19

Tagva Abraha utterpoᴋ kivgângminut, aularlutiglo ingergaᴋatigêkput Bersêbamut; Abrahalo nunaᴋarpoᴋ Bersêbame.

Genesis 24:12

Oᴋarlunelo: Nâlegaᴋ, Gûdeojotit angajoᴋâmnut Abrahamut, tikkitautilaulangatôᴋ uvlome, nâpkigosungnîllo saᴋᴋertilauruk angajoᴋâmnut Abrahamut!

Genesis 28:13

Sunaubvalo, Nâlegaᴋ ᴋollâne nangerpoᴋ oᴋarlunelo: Uvanga Nâlegauvunga, atâtavit Abrahab Gûdinga, Isaablo Gûdinga. Nuna innangavigijat tunijomavara illingnut kinguvâksarnullo.

Genesis 28:15

Ahâglo, illagivagit saputijomavagillo, naukullônêt ingergaralloarmangârpit; uttertitsomavagillo nunamut mattomunga, allarniatsanginapkit, piniarᴋârtinanga tamainik oᴋautigijamnik illingnut.

Genesis 28:3

Gûdible ajugaᴋangitub saimauserlitit, kinguvâktârtilutillo, unuksivalliatilutillo inôᴋatigêksoangortilutit;

Genesis 30:27

Labanib oᴋautivâ: Ijîkpit sângangne saimaneᴋsilangatôᴋ. Tukkisivunga, Nâlekab saimausermanga igvit pivlutit.

Genesis 31:5

Oᴋautivaglo: Atâtaptik kênanga takovara, sivornganetut ilingajungnairtoᴋ uvamnut; atâtamale Gûdingata illagivânga.

Genesis 39:2

Nâlekablo Josefe aiparivâ, angutaulerporlo piloriktoᴋ, angajoᴋâme Egiptenemiub iglunganêdlune.

Genesis 39:3

Angajoᴋângatalo malugivâ, Nâlekab aiparingmago aggangitalo sulijangit taimak Nâlekab piloriktingmagit.

Genesis 46:1

Israele tagva aularpoᴋ perᴋutine tamaita neksarlugit. Bersêbamullo tikkiname, ômajomik tunerguserpoᴋ atâtame Isaab Gûdinganut.

I Atannit 17:13

Eliab oᴋautiva: Sivuraniarnak, ailerit pinniarlutillo, sorlo oᴋarlauravit; sivurlermigle sâtoârsungmik igalerit tapᴋonangat pivlunga, annitsivigilungalo tamattominga, pivlutille ernillo pivlugo sanalerit kingorngane;

Exodus 14:13

Mosesiblo inuit oᴋautivait: Sivôraniarase! ᴋikartuinaritse! Nâlekablo piuliklerninga nalonaijarniartanga uvlome pivluse takoniarlugo; Egiptenemiut takojase uvlome takojungnainiarapsigik isoᴋangitomut.

Exodus 3:6

Amma oᴋarpok: Uvangauvunga atâtavit Gûdigijanga, Abrahab Gûdigijanga, Isaablo Gûdigijanga, Jakoblo Gûdigijanga. Tagva Mosesib kênane mattuvâ; Gûde takonârlugo sivôragame.

Jesaiase 12:2

Ahâk Gûde piulijigijara! Tattiksaᴋarpunga sivoranangalo, Gûde Nâlegaᴋ pitsartutigigapko imgerutigivlugolo; tâmna piulijigivara.

Jesaiase 41:10

Sivoraniarnak, uvanga illagigamga; nangiarniarnak, uvanga Gûdigigamga. Pitsartutipagit ikajorlutillo, illa serngnigivagit tallerpimnut idluarsaijomut.

Jesaiase 44:2

Imâk oᴋarpoᴋ Nâlegaᴋ pingortitit, anânavit timinganit pairijit, ikajortit: Sivoraniarnak, kivgara Jâko, Jessuru (Israêle) anerijara.

Jesaiase 51:12

Uvanga, uvanga manigorpapse. Suvêt, inungnik toᴋojomârtunik erᴋsigavit? inuit ᴋitornganginik iviktitut nungujomârtunik?

Jesaiase 51:7

Tussalersinga illipse idluarnermik illitarᴋsijose, nunaᴋatigêktose perᴋojamnik õmamiutaᴋartose. Sivoraniarase, inuit suangadlarpasse, ᴋoaᴋsârniaraselo oᴋauserludlarningit pitjutigivlugit.

Jeremiab Ogguarutigijangit 3:57

ᴋanitamnôrlaukpotit uvlorme ᴋaigarsugvigijamne ilingnut; oᴋalaukpotit: Sivôraniarnak.

Leviticus 26:42

Uvanga tagva angernera Jakomut, angerneralo Isaarmut, angerneralo Abrahâmut erᴋaumajomavakka, nunalo erᴋarlugo.

Leviticus 26:45

Tâpkoale pivlugit erᴋaumajomavara angernerilauktara sivorlinginut tikiutilauktamnut nunamit Egiptenemit inôᴋatigêksuit takkoane Gûdeoᴋovlunga tâpkonunga Uvangauvunga Nâlegak.

Mattêuse 22:32

Abrahâb Gûdigivânga, Isaablo Gûdigivânga, Jâkoblo Gûdigivânga? Toᴋungajulle Gûde Gûdigingilât, inôjulle (kissimik).

Lukase 12:32

Erᴋsiniarase, ilagêktuarsuit: Atâtapse idluaringmago tunitsivigivluse nâlegauvingminik.

Apostelit Piniarningit 7:32

Atâtagijavît Gûdigivânga, Abrahab Gûdigivânga, Isaablo Gûdigivânga, Jâkoblo Gûdigivânga. Môsesele sajulerpok, takosarnerlo saperpâ.

Deuteronomy 13:17

Nungutaksallo ilanganik sunamiglônêt nipingajokartuksaungilak aggangnut; Nâlegak allaiᴋovlugo ningarnime katsungaininganik, saᴋᴋêvigilutillo nâpkiningnermik, ilapjugilutillo, unuksitilutillo, sorlo atâtagijatit angervigilaungmagit;

Deuteronomy 31:6

Sôngotitse maksuavluselo, sivôraniaraselo, kapiasûtiginiarasigiglo tâpkoa; Nâlekab Gûdivît nangminek ingergarᴋatigingmatit; tâpsomalo iperarniatsangilâtit, ᴋemangniangilâtillônêt.

Ebrêerinut 11:16

Tâmnale pinago kipilerput ajunginersamik, tagva ᴋilangmêtomik. Tamanna pivlugo Gûdib kangusûtigingilait Gûdinganik taijauvlune; iglogasaksoarnik âᴋiksoilaurame taipkonunga.

Ebrêerinut 13:6

Taimaimat oᴋarungnarpogut: Nâlegaᴋ piulijigigapko, erᴋsijomangilanga. Sunamik inuit piniarvigijungnarpângâ?

Takotitaunermik 1:17

Takolerapkolo, itiganginut ochovunga toᴋojotut; talerpingminulle patingmivlunga oᴋarvigivânga: Erᴋsiniarnak; uvanga sivorliovlungalo kingorliovunga,

Ruth 3:11

Mânna panîk, sivoraniarnak; tamainik oᴋauserijarnik pinniarvigijomavagit; iglugaseksoarmiut inûᴋatikka illûnamassiatik ᴋaujimangmatta, arnaugavit illusitsiariktok.