Genesis 26:2 - Labrador Inuttitut Heritage Bible

² Nâlekablo saᴋᴋervigivâ oᴋautilâlo: Ingergarniarnak Egiptenemut, nunamêtualerille oᴋautigijamne illingnut.

Genesis 26:2 Iomraidhean Croise

Genesis 12:1

Nalekablo Abra oᴋautivâ: Aularit nunangnit illangnillo atâtavillo iglunganit nunamut unertûtigijaksamnut illingnut.

Genesis 12:7

Nâlekablo Abra saᴋᴋervigivâ oᴋautilâlo: Kinguvâksarnut nuna manna tunijomârpara. Tagva tunerguserviliorpoᴋ tagvane Nâlekamut saᴋᴋervigijiminut.

Genesis 17:1

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

Genesis 17:19

Tagva Gûde oᴋarpoᴋ: Ahammarik, Sara nuliat ernermik ernijuksauvoᴋ illingnut, taimna Isaamik atseraraksarivat, angerneralo tâpsomunga nalautsititsomavara, angerneᴋ nâksaungitomut ilingajuksaᴋ, kinguvâksanginullo kingorngagut pijuksanut.

Genesis 18:1

Nalekablo saᴋᴋervigivâ Mamrib napârtungine, tupperme pângane iksivatilugo uvlub kiaᴋadlarningane.

Genesis 26:24

Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Imgerut 25:12

Kinauva tâmna Nalekamik sivôrajok? Tâpsoma unertutiniarpâ apᴋosinermik idluarnerpâmik, annerijaksarijanganik.

Imgerut 37:3

Nâlegak tattigiuk ajungitullilutillo; nunamêtuarit, nertornarnermiglo serrijuteᴋarit!

Exodus 2:24

Gûdiblo ârosungningit tusâvait, angersimaninelo Abrahamut Isaamullo Jakomullo erᴋarpâ.

Leviticus 26:42

Uvanga tagva angernera Jakomut, angerneralo Isaarmut, angerneralo Abrahâmut erᴋaumajomavakka, nunalo erᴋarlugo.