Genesis 24:7 - Labrador Inuttitut Heritage Bible

⁷ Nâlekab, ᴋilaub Gûdingata atâtama iglunganit inûlervimnillo aulartingmanga oᴋarvigivlungalo angermariklungalo, oᴋarlune: Kinguvâksarnut nuna tamanna tunijomavara; tâpsoma engeline sivunikkut tillilârpâ, taikangallo ernera nuliaksarsilârpat.

Genesis 24:7 Iomraidhean Croise

Genesis 13:15

Nuna takojat ilûnât tunijomavara perᴋutautsainartilugo illingnut kinguvâksarnullo.

Genesis 15:18

Uvlorme tamattomane Nâlekab Abra angervigivâ, oᴋarlune: Nuna tamanna tunijomârpara kinguvâksarnut Egiptenib kôksoanganit kôksoarmut Faratemut,

Genesis 16:7

Nâlekable engelingata naipipâ puilavingme inuᴋangitome, puilavingme apᴋosinerub Suremut ilingajub sannianêtome.

Genesis 17:8

Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.

Genesis 21:17

Tagva Gûdib nukapiab nippinga tussarpâ. Gûdiblo engelingata ᴋilangmit Hagare nipliavigivâ oᴋautilugo: Hagare, suvêt? Sivôraniarnak, Gûdib nukapiab nippinga tussarmago inninganit.

Genesis 22:11

Tagva Nâlekab engelingata ᴋilangmit ᴋaigarsugvigivâ oᴋarlunelo: Abraha! Abraha! Kiovâle: Mânêpunga.

Genesis 24:3

Nâlegarlo ᴋilaub Gûdinga nunablo Gûdinga taivlugo angermarikkinga, ernimnut nuliaksarsinianginavit Kânaanib panninginit nunaᴋatigijamnit.

Genesis 24:40

Oᴋautivânga: Nâlekab saᴋᴋâne arvertarpunga: tâpsoma engeline illaurᴋolârpâ illingnut ingergatsiartilutillo, nuliaksarsijungnarᴋovlutit ernimnut illamnit, atâtamalo iglunganit.

Genesis 26:24

Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Esra 1:2

Imâk Korese Persiamiut attanningat oᴋarpok: Nalekab ᴋillaub Gudingata tunnitsivigilaukpânga attanniovingnik tamainik nunane, perᴋolaukpângalo, iglomik igluliorlugo Jerusaleme Judame.

Imgerut 103:20

Nâlegak nertorsiuk, illipse Engeleᴋotingit, sôngojoksôjose, perᴋojanginnik pinniartose, oᴋausingita nippingat tussartauᴋovlugo.

Imgerut 136:26

ᴋillaub Gûdinga ᴋujagissiuk; pitsiarninga itsainarmat issoᴋangitomut.

Imgerut 32:8

Uvanga ajochertoromavagit apᴋosinermiglo unertutigijomavagit, agvertarvigijaksarijarnik; ijimnut attanertoromavagit.

Imgerut 34:7

Nâlekab Engelingata sivôragijine illumavait, ikajorlaitalo.

Imgerut 73:24

Igvit tassiorparma attanertuinît malliklugo illaliorsinarniarparma nertornauserlunga.

Exodus 13:5

Taimaimat Nâlekab tikiutitikpatit Kânaanemiut Hetiterillo Amoriterillo Heviterillo Jebusiterillo nunanginut angermarijutigilauktanganut atâtapsingnut tunijomavlugo ilingnut, nunamut imungmik igupsaujârtullo orᴋsunganik kôktomut, tagva piniutaunek tamanna uvloksiorutigijaksarivat takᴋerme ômane.

Exodus 32:13

Abraha, Isaarlo, Israêlelo, kivgatit, erᴋaumalaukit, tâpkonunga angermarilauravit ilingnik taivlutit, oᴋautilugillo: Kinguvâksase unuksititsomavakka sorlo ᴋilaub uvloriangititut, nunalo tamanna oᴋautigijara ilûnnane tunijomavara kinguvâksapsingnut, tâpkoalo kingormgutijaksarivât isoᴋangitomut.

Exodus 33:2

Engelelo tilijomavara sivunipsigut; ᴋemâtitsomavakkalo Kânaaniterit, Amoriterillo, Hetiterillo, Perisiterillo, Heviterillo, Jebusiterillo:

Jesaiase 63:9

Kappiasûtigijangit tamaita kappiasûtigivaittauᴋ, kênangatalo engelingata piulivait. Nagligigamigit nâpkigivlugillo, ᴋelluvait. Kiviklugillo erᴋsukpait uvlut tamaita itsaᴋsoarnit.

Daniel 2:44

Atanillo tâpkoa uvlungini ᴋilaub Gûdingata ataniovik âᴋiksoromârpâ, issoᴋangitomut aglât assirortauniatsangitoᴋ, nâligauvioningalo inungita assinginut nûtuksautsangilaᴋ; siᴋalitsilârporli nungutsilunilo ataniovingnik makkoninga tamainik, issoᴋangitomulli itsainaromârpoᴋ.

Jona 1:9

Oᴋautivaillo: Ebreeriovunga: Nâlegarlo ᴋilaub Gudinga imarbingmik nunamiglo pingortitsijoᴋ, sivôragivara.

Numbers 11:12

Uvanga inuit tamakkoa tamaita ᴋitorngarivakkâ? Uvanga ernerivakkâ, oᴋautjiᴋovlutit uvamnik, Sarliarkit, sorlo immuᴋartûb amâmaktoᴋ sarliarmago, nunamuat ngerutigilauᴋtarnut atâtanginût?

Numbers 14:16

Nâlegaᴋ sapilaungmat inugiartoᴋsuit tâpkoa tikiutitilugit nunamut angerutigilauᴋtaminut tâpkonunga, toᴋorarpait sunaᴋajuitome.

Numbers 14:30

Tikituksaungilase nunamut angerutigilauᴋtamnut, aggakka issângatilugit, nunaᴋutautitsomavlugo ilipsingnut, Kâle, Jefunib erninga, Josualo, Nunib erninga, kissimik.

Numbers 32:11

Angutit tâpkoa majoralauᴋtut Egiptenemit jâreᴋartut 20nik ununersaniglo, neliatalônêt nuna angerutigilauᴋtara Abrahâmut, Isaarmullo, Jâkomullo takoniangilât; ilungertorlutik malingimanga;

Apostelit Piniarningit 7:5

Tagvanelo nunamik nangminerijaksanganik tunitjivigingilâ, tumitut siliktigijomiglônêt, angervigivâlo tunijomârlugo tapsomunga kinguvâksanginullo kingorngane, sule ᴋitorngaᴋarᴋârtinago.

Deuteronomy 1:8

Ahâk, nuna angmarpara ilipsingnut; tagvungarluse pigilersiuk nuna angerutigilauᴋtara atâtapsingnut, Abrahamut, Isaarmullo, Jakomullo, tunijomavlugo tâpkonunga kinguvânginullo kinguningine inôjunut.

Deuteronomy 34:4

Nâlekablo oᴋautivâ: Tamanna nuna, nelâgôrmariktomik angerutigilauᴋtara Abrahamut, Isaarmullo, Jakomullo, oᴋarlunga: Tunijomajomârpara kinguvângnut; ijingnut takotipagit tâpsominga, tagvungale ikârtuksaungilatit.

Ebrêerinut 1:14

Taipkoa ilûnatik anerniongilât kivgartortuksauvlutik; tilijaumajut kivgartorᴋojauvlutik piulijaunermik kingormgujijomârtût pivlugît?

Ebrêerinut 11:9

Okpernermut tujormiangolauᴋpoᴋ nuname angerutaumajome, pijaksaringitamine sorlo; tupênaᴋarlune Isaarlo Jâkolo illagivlugik, kingormgujeᴋataujûk angerutigijaumajomik tamattominga.

Josua 1:6

Maksoalerit mungungajuilutillo; nunamik aviksijuksaugavit innugasaksoarnut ukkununga, angerutigilauktamnik atâtagijanginnut, tunnijomagapᴋo tapkonunga.

Josua 24:3

Tagva Abraha atatagijase tigulaukpara koksuit akkiane, arvertarᴋolugolo nuname Kanaaneme illunane, unnuksitilugillo kinguvangit, tunitsivigilaukparalo Isaangmik.

Takotitaunermik 11:13

Tagvainarlo nuna sajukpilâdlarpok angijomik, iglugasaksuillo tallimaujortôlilugit tallimaujungit ochovut, toᴋotauvullo nunab sajukpilâdlarninganut inuit 7,000 it, amiakullo ᴋoaᴋsângadlarput nertordlerlutiglo ᴋilaub Gûdinganik.

Idluarsaijut 2:1

Nâlekable Engelinga ᴋailaukpok takpaunga Gilgalemit Bochimemut, oᴋarlunelo: Tesiorlaukpapse takpaunga Egiptenemit, tikkiutiluselo nunamut atâtagijapsingnut angerutigilauktamnut, oᴋalaukpungalo: angernera illipsingnut soᴋosertitsomanginapko isoᴋangitomut: