Genesis 24:67 - Labrador Inuttitut Heritage Bible

⁶⁷ Isaable Rebekka itertipâ anânagilauᴋtame Sarab tuppinganut, Rebekkalo illaliorlugo nuliarivâ nagligilâlo. Taimak Isaaᴋ manigortaulerpoᴋ anâname toᴋungata kingorngagut.

Genesis 24:67 Iomraidhean Croise

Genesis 18:6

Abrahalo tuavidlune tuppermut iterpoᴋ Saramut, oᴋarlunelo: Tuavitit, sanaugaᴋ ôktûtitut pingasutut angitigijoᴋ imermut akkulugo, niaᴋôjaliorit.

Genesis 24:66

Kivgablo Isaaᴋ pinialauᴋtaminik tamainik ᴋanoᴋ unipkârvigijartorpâ.

Genesis 25:1

Abrahalo nulianikkivoᴋ Keturamik attelingmik.

Genesis 25:20

Isaarlo jâreᴋarpoᴋ 40nik, Rebekka nuliarigamiuk, Betuelib Siriamiub panninga, Mesopotamiamit pijoᴋ, Labanib Siriamiub najanga.

Genesis 29:18

Jakoble Rahele nagligigamiuk, oᴋarpoᴋ: Pannît nukardleᴋ Rahele pivlugo jârinik 7nik kivgartoromavagit.

Genesis 37:35

Erningitalo panningitalo ilûnatik manigoriartoralloarpât, kissiane manigortaujomangilaᴋ, oᴋarlune: Ogguarlunga ernimnik kannungarniarpunga toᴋungajut ininganut! Atâtangatalo ᴋeavâ.

Genesis 38:12

Uvlut unuktut nângmatta, Suab pannia Judab nulianga toᴋovoᴋ. Oggorijungnairamiuk, Juda majorarpoᴋ saugaᴋotiminik sallijunut Timnatemut, illanârijane Hira illagivlugo.

Imgerusersoak 8:2

Tassioromanajarpagit ittertitsomanajarlutillo anânama iglunganut, ajochertuivigijaksarnut uvamnik; tagvane immertitsomanajarpagit Weineᴋotimnik tauvluᴋutiksalingmik, paungâluillo Granatit iptinginnik.

I Tessalônikamiunut 4:13

Siniktunigle (toᴋungajunik) neloᴋojomangilapse, ᴋatangutivut, kiksarᴋonase assipsitut nerriugijaksaᴋangitutitut.

I Tessalônikamiunut 4:15

Imaitomigle oᴋautivapse Nâlekab oᴋausinganik: Uvagut, amiakôvluta inôjogut Nâlekab tikiviane, sinisimajut ingiarniatsangilavut.