Genesis 24:48 - Labrador Inuttitut Heritage Bible

⁴⁸ Okkungavlungalo Nâlegaᴋ opigivara, Nâlegaᴋ nakorivlugo, angajoᴋâma Abrahab Gûdingata tassiormanga apᴋome idluartome, angajoᴋâma ᴋatangutingata panninganik tiguserᴋovlunga erninganut.

Genesis 24:48 Iomraidhean Croise

Genesis 22:23

Betuelible Rebekka pannigivâ. Sittamaujortut tâpkoa Milkab erniarivait Nahoremut, Abrahab nukanganut.

Genesis 24:52

Oᴋausingit tamakkoa Abrahab kivgangata tussaramigit, okkungalerpoᴋ nunamut Nâlekab sângane.

Esra 8:21

Tagvanelo kôngme Ahevametome nerritailinek akpautigijauᴋovara, nikkanarsarluta Gudipta sângane piᴋovluta, ᴋennerluta tapsomangat apᴋomik tammarnangitomik uvaptingnut ᴋittorngaptingnullo, perᴋutiptingnullo tamainut.

Imgerut 107:7

Tassiulauktangillo apᴋosinekut tamarnangitokut, aiᴋovlugit iglugasaksoarnut, igloᴋarvigijungnartamingnut:

Imgerut 32:8

Uvanga ajochertoromavagit apᴋosinermiglo unertutigijomavagit, agvertarvigijaksarijarnik; ijimnut attanertoromavagit.

Imgerut 48:14

Gûde tâmna Gûdigitsainaraptigo issoᴋangitomut: tâpsoma tassiorpâtigut toᴋᴋo tikkidlugo.

Exodus 18:20

Ajoᴋertoraksarivatillo maligaksaurᴋojaujunik perᴋojaniglo, unertûtijaksarivatillo apᴋomik arvertarvigijaksarijanginik, piniarnerniglo piniaraksarijanginik.

Salomob Okâl 4:11

Ilisimanerub apᴋotinganik ajuᴋertoromavagit, tessioromavagit apᴋosinerme idluartome.

Jesaiase 48:17

Imâk oᴋarpoᴋ Nâlegaᴋ piulijit, ivlernartitoᴋ Israêlikkune: Uvanga Nâlegaujunga Gûdit, idluarᴋutiksarnik ajoᴋertorpagit tassiorlutillo apᴋome apᴋutigijaksarijarne.