Genesis 24:3 - Labrador Inuttitut Heritage Bible

³ Nâlegarlo ᴋilaub Gûdinga nunablo Gûdinga taivlugo angermarikkinga, ernimnut nuliaksarsinianginavit Kânaanib panninginit nunaᴋatigijamnit.

Genesis 24:3 Iomraidhean Croise

Genesis 14:19

Saimauserpâlo oᴋarlune: Saimausertaule Abra Gûdemut ᴋotsingnerôjomut, ᴋilangmiglo nunamiglo perᴋutetalingmut.

Genesis 14:22

Abrable Sodomab attaninga oᴋautivâ: Aggakka issakpakka ᴋongmut Nâlekamut Gûdemut ᴋotsingnerôjomut, ᴋilangmiglo nunamiglo perᴋutetalingmut,

Genesis 21:23

Tagva mâna Gûde tailugo angerviginga tamâne, uiverikleromatsanginavit uvamniglônêt ᴋitorngamniglônêt erngutamniglônêt, naglingnerle saᴋᴋertitara illingnut saᴋᴋertitaksarigangne uvamnuttauᴋ nunamullo tujormiangovigijarnut.

Genesis 24:7

Nâlekab, ᴋilaub Gûdingata atâtama iglunganit inûlervimnillo aulartingmanga oᴋarvigivlungalo angermariklungalo, oᴋarlune: Kinguvâksarnut nuna tamanna tunijomavara; tâpsoma engeline sivunikkut tillilârpâ, taikangallo ernera nuliaksarsilârpat.

Genesis 27:46

Isaamullo Rebekka oᴋarpoᴋ: Ariutsivunga Hêtib panningit inôᴋatigivlugit. Jako nulianikpat Hêtib panningita illanganik, ukkotitunaᴋ ovanemiut panningititut-itomik, inôseᴋ suksarinajarpigô?

Genesis 28:1

Isaab tagva Jako ᴋairᴋovâ saimauserlugolo; perᴋolugolo oᴋautivâ: Nulianingniarnak Kânaanib panningita illanganik!

Genesis 28:8

Tukisileramelo Esaue, atâtame Isaab Kânaanib panningit idluaringimagit;

Genesis 34:9

Ningaugijigêlauᴋta: pannise tunivlugit uvaptingnut, pannivullo tiguvlugit illipsingnut;

Genesis 38:2

Tagvane Judab takovâ Kânaanemiut illangata Suamik attigub pannia, tiguvlugolo tuttikpâ.

Genesis 47:31

Oᴋarivorlo: Angimarigviginga! Angimarigvigivâlo. Israêlelo inangavingmine egarpoᴋ akkitiminut.

Genesis 50:25

Josefiblo Israêlikut angertipait, oᴋarlune: Gûdib nalipsaromârpâse, tagva saunikka tamângat takpaungartitsomârpase.

Genesis 6:2

Tagva Gûdib erningita inuit panningit ᴋemergolerpait pinnarnarasugivlugit, annerijamiglo nallît nuliarivait.

Genesis 6:4

Taipsomane nuname inukpaᴋarpoᴋ kingornganelo, Gûdib erningita inuit panningit nuliarigamigit ᴋitorngaᴋarlutiglo tâpkonangat; tamadja pitsartujoᴋsuit itsaᴋ tussaumajaudlartut.

II Atannit 19:15

Hiskialo tuksiarpok Nâlekab sângane oᴋarlunelo: Nâlegak Israelib Gûdinga, Kerubimit ᴋângine iksivajotit, igvit Gûdetôvotit atanniovingnut nunamêtunut ilunnainut, igvit ᴋilangmik nunamiglo pingortitsilaukpotit.

II Kronika 2:12

Hiramelo oᴋaranerpok: Nertortaule Nalegak Israelib Gudinga, ᴋillaub nunablo pingortingak, attannek Davide tunnitsivigilaungmago ernermik sillatôjomik poᴋitomiglo illissimajomiglo, igloliorniartomik igluksamik Nalekamut, attannionimelo igluksanganik.

Esra 5:11

Taipkoale oᴋautsinik imaitunik kigusiksaᴋalaukput uvaptingnut, oᴋarlutiglo: Uvagut kivgauvogut ᴋillaub nunablo Gudingangnut, iglolo tamna igloliorpavut, Jarit unnuktut mattoma sivorngane igluliortaulauktok, Israelitit attanningata illangata angijub igluliorlauktanga nappartilauktangalo.

Nehemia 13:25

Suarpakkalo, oᴋarnerlugvigilugillo, angutillo ilangit annaulerpakka nussuilugillo, angermaringnermiglo Gûdib sângane tigusivunga tapᴋonangat: Panise tunnijaksaringilasse taipkoa erninginut paningillonêt tigunagit ernipsingnut, nangminipsingnullonêt.

Nehemia 9:6

Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Imgerut 115:15

Illipse pitsartutitauvose Nâlekamut, ᴋillangmik nunamiglo pingortitsijomut.

Imgerut 136:26

ᴋillaub Gûdinga ᴋujagissiuk; pitsiarninga itsainarmat issoᴋangitomut.

Exodus 20:7

Nâlekab Gûdivit atinganik atornerluktuksaungilatit, Nâlekab pidlartailiniangimago atinganik atornerluktok.

Exodus 22:11

Tâpkoa angerᴋatigêmariktuksauvuk Nâlekamut, taipsoma aggane isaktilaunginamigit inôᴋatime perᴋutinginut; perᴋuteliublo tamanna nâmagijaksarivâ, ipsomalo tauksigaksaringilâ.

Exodus 23:13

Tamaitalo oᴋauserijakka ilipsingnut nâlaksigik: gûdillo asima atingit erᴋaumaniarasigik, ᴋanernillônêt tusartauniaratik.

Exodus 34:16

Tiguserᴋonaglo paninginik ernernut; paningit tagva ajortuligunik gûdingoanginut, ernitillo uerisarlugit ajortuliᴋataurᴋovlugit gûdingoanginut perᴋonagit.

Jesaiase 45:23

Angermarikpunga nangminimnik taivlunga, oᴋauserlo annivoᴋ ᴋannimnit nallâgôrtomit; tamanna soᴋᴋoserniatsangilaᴋ imaitok: Sêrᴋut illũnamatsiatik sêrᴋortorvigijaksarivânga, oᴋallo illũnamatsiatik angervigijaksarivânga.

Jesaiase 48:1

Tamanna tussarsiuk, Jâkkokut illipse, Israêlitinik atserartaujose, Jûdab piulavianit pijose, illipse angermariktose Nâlekab attinga taiᴋassiutivlugo, erᴋaijose Israêlib Gûdinganik, mikseᴋârtomigle pinase, nallâgôrtomik pinase.

Jesaiase 65:16

Imaitsomârpoᴋ: ingminik pillorerᴋojijoᴋ nuname pillorerᴋojomârpoᴋ, Gûde Ameneojoᴋ taiᴋassiutivlugo, angermariktorlo nuname angermarigomârpoᴋ, Gûde Ameneojoᴋ taiᴋassiutivlugo, kappianartut sivorlît puigortaumangmatta saᴋᴋijârungnairlutiglo ijîmnut.

Jeremia 10:11

Taimaimat oᴋautijaksarivase imâk: Gudingoat sanalungitut ᴋilangmik nunamiglo, tâpkoa pêraksauvut nunamit, ᴋilaublo atânit.

Jeremia 12:16

Imaitsomârporlo: Katsungaidlutik iliniaromagunik inuᴋotima apᴋutinginik, attera taivlugo angermariklutik: Sorlo Nâlagaᴋ inôngmat; sorlo inuᴋotikka ajoᴋertulaungmagit angermariᴋovlugit Baale taivlugo; tagva igloliangoᴋataujomârput inuᴋotima akornganut.

Jeremia 29:6

Nulainingnialeritse, ernertâritselo panitârluselo; erniselo nuliaᴋartisigik paniselo tunisigik angutiginiartanginut, ernertârᴋovlugit panitârᴋovlugillo, unuksivaliatitselo tagvane, ikitlilerniaraselo.

Jeremia 4:2

Soᴋoserungnangitomiglo angermariktuksauvotit: Sorlo Nâlagaᴋ inôngmat, mikseᴋârnerme, erᴋartuinermelo, idluarnermelo; inôᴋatigêksuit tagva saimartitaujutigijomârpât, nertornautigijomârlâllo.

Leviticus 19:12

Saglovluselo attera taivlugo angermariktuksaungilase, Gûdipse atinga naggonartilugo; Uvanga Nâlegauvunga.

Sefania 1:5

Ipkoalo pâmaktertut iglut ᴋângine ᴋilaub uvlorianginut, ipkoalo pâmagveᴋartut Nâlekamik, angervigilugo, Malkamelo angervigiᴋasiutilugo;

Numbers 5:21

Tagva ajoᴋertuijûb arnaᴋ kigligiksartitaksarivâ angermaringneᴋ ôminarsijutiksaᴋ atorlugo, ajoᴋertuijûblo arnaᴋ oᴋautijaksarivâ: Nâlekab ôminartungortilitit oᴋarnilutiksangortilutillo inôᴋativit akorngane, Nâlekab ᴋoktorait uvinêrutikpago, nâllo publertilugo;

I Korintemiunut 7:39

Arnab perᴋojat nâlengniariaᴋarpait, uine inôtilugo; uingale toᴋokpat, issumaminik pituinariaᴋarpok uiniklune pijomajaminik kissianele Nâlekame piniartuksauvok.

Deuteronomy 10:20

Nâlegak Gûdît sivôragijaksarivat, tâmnalo kivgartoraksarivat; tâpsomunga ungajuksauvotit, tâpsomalo atinga tailugo angermariktuksauvotit.

Deuteronomy 6:13

Nâlegak Gûdît sivôragijaksarivat; tâmna kivgartoraksarivat, tâpsomalo atinga taivlugo angertuksauvotit.

Ebrêerinut 6:16

Inuit angermarisôngogalloarput angerᴋejatik taiᴋassiutivlugo, taimaitomut okpernarsivlutik sorairtipait akkerartortut.

Josua 2:12

Tagva Nalekame angervigitinga manna, napkiningnermik sakᴋertitsivigigaptik illipsatauk atâtama iglomioᴋattinginnut napkiningnermik sakᴋertitsiᴋovluse, nallonaikutamiglo nallonangitomik tunnitsivigitinga,

Idluarsaijut 14:3

Atatangalo anânangalo oᴋarpuk tapsomunga: Arnakangilâk mânna ᴋatangutivit paningita akkorngane, inuᴋotivillo tamaita akkorngane, aigavit tigusilutillo arnamik Filisterinit kippisimangitunit? Simson oᴋarpok atâtaminut; Tamna tunniuk uvamnut, ijingma pinnaringmakko.

I Samuel 20:17

Jonathanelo piganerpok, oᴋautimariklugolo Davide, taimak angitigijomik nagligidlarpa; nagligigamiuk tarninetut nangmininetut.

I Samuel 30:15

Davidib oᴋautiva: Attersartitsomavinga ununga sorsuktuksanut taipkonunga? Oᴋarpok: Oᴋautimarilaunga Gudeme, toᴋᴋotsomanginamga, pititsomanginamgalonêt angajoᴋama agganginut; tagva attersartitsomavagit, sorsuktuksanut taipkonunga.