Genesis 24:1 - Labrador Inuttitut Heritage Bible

¹ Abraha inutoᴋaulerpoᴋ, jâringit unuktôtilugit Nâlekablo saimauserpâ (ilinganingine) tamaine.

Genesis 24:1 Iomraidhean Croise

Genesis 12:2

Inugasaksoangortitsomavagit saimauserlutillo, attillo nertornartitsomavara saimanartitsomavlutillo.

Genesis 13:2

Abralo akluidlarpoᴋ nergjutinik silberemiglo goldemiglo.

Genesis 18:11

Tamarmiglo Abraha Saralo inutoᴋaulerpuk jâreᴋadlarlutik, Saralo arnat ilusinganik atorungnairpoᴋ.

Genesis 21:5

Abraha 100nik jâreᴋarpoᴋ erninga Isaaᴋ inôlermat.

Genesis 24:35

Nâlekablo angajoᴋâra saimausidlarpâ angijorortilugolo, saukaniglo, tuktuvangniglo, silberemiglo, goldemiglo, kivganiglo angutinik, kivganiglo arnanik, kamêliniglo, siuterᴋortojuniglo tunitjivigivlugo.

Genesis 25:20

Isaarlo jâreᴋarpoᴋ 40nik, Rebekka nuliarigamiuk, Betuelib Siriamiub panninga, Mesopotamiamit pijoᴋ, Labanib Siriamiub najanga.

Genesis 26:12

Isaarlo nuname mattomane karngasoivoᴋ, karngasortanelo hundertertorlugit kattersoivoᴋ jâreme ômane, Nâlekab saimausermago.

Genesis 49:25

Atâtavit Gûdinganit tamanna pivoᴋ: Tâpsoma ikajorlitit, ajugaᴋangitublo saimauserlitit pikuminartunik pângat ᴋilangmit pijunik, pikuminartuniglo kanangat ittinermit pijunik, pikuminartunik amâmamit igliamillo pijunik!

I Atannit 1:1

Atannerlo Davide inutuᴋaugame, jâreᴋarlunelo unuktunik, aukanerungnarlaungilak, annorangnut ulliktaulauralloarmat.

Salomob Okâl 10:22

Nâlekab pitsartutitsininga akluititsivok Siorniorneᴋarane.

Jesaiase 51:2

Abraha takonârsiuk atâtagijase, Sâralo illipsingnik ernijoᴋ! Attausiotillugo ᴋairᴋovara saimauserlugolo ᴋitorngaᴋartillugolo unuktunik.

Mattêuse 6:33

Gûdib nâlegauvinga idluarningalo pinasuarᴋârsigik, tagva tunitjivioniarpose tamakkoninga tamainik.

Lukase 1:7

ᴋitorngaᴋangilaglo, Elisabet ᴋitorngisuitôngmat, inutoᴋaulerdlutiglo tamarmik.

Galâtsiamiunut 3:9

Taimaimat okperneᴋartut Abrahâ okpertoᴋ saimausertau ᴋatigijomârpât.

Efêsusemiunut 1:3

Nertortaule Gûde Nâlegaptalo Jêsusib Kristusib Atâtanga, saimausermatigut anernilingnut saimanartunut sunatuinarnut, ᴋilaub pinginik illangiutitiluta Kristuseme.

I Timôteusemut 4:8

Timib pinginik sungiutigannernek atornarniᴋingmat; Gûdemigle nâlengnek atornarpok tamainut, angerviomajoktauk inôtsemik mânêtomik neliutuksamiglo.