Genesis 23:2 - Labrador Inuttitut Heritage Bible

² Saralo toᴋolerpoᴋ Kiriat-Arbame, tagva Hebroneme, nuname Kânaaneme. Abrahab tagva Sara oggurijartorpâ ᴋeavlugolo.

Genesis 23:2 Iomraidhean Croise

Genesis 13:18

Tagva Abrab tuppine nûtipait, tikkiutivlunelo nunaᴋalerpoᴋ Mamrib napârtungine Hebronemêtune, tagvanelo Nâlekamut tunerguserviliorpoᴋ.

Genesis 23:1

Sara inôvoᴋ jârinik 127nik, taimak unuktigijunik Sara jâreᴋarpoᴋ.

Genesis 23:19

Kingorngane Abrahab Sara nuliarne illijartorpâ perorsêviub ᴋairosunganut Makpêlamêtomut, Mamrib akkiane, tagva Hebroneme, nuname Kânaaneme.

Genesis 24:67

Isaable Rebekka itertipâ anânagilauᴋtame Sarab tuppinganut, Rebekkalo illaliorlugo nuliarivâ nagligilâlo. Taimak Isaaᴋ manigortaulerpoᴋ anâname toᴋungata kingorngagut.

Genesis 27:41

Esauiblo Jako omigilerpâ saimanartoᴋ pivlugo, atâtangata illijanga taipsomunga; ômatimigullo oᴋarpoᴋ: Nelliutisarainiarpoᴋ oguarviksaᴋ atâtaga pivlugo, nukara Jako toᴋotsomavara tagva.

Genesis 35:27

Jakoblo atâtane Isaaᴋ tikkipâ Mamrime, Kiriat-Arabame, tagva Hebroneme, Abrahablo Isaablo tujormiangovigijangangne.

Genesis 37:14

Oᴋautivâlo: Aularit takojartorlutit, ᴋatangutitit ᴋanoengitsiarmangâta, saukallo ᴋanoengitsiarmangâta, oᴋariartorvigilungalo ilinganinginik. Tagva tillivâ Hebronib naksanganit. Siggememut tikkingmat,

Genesis 50:1

Tagva Josefib, atâtame kênanganut pûlune, ᴋeajutigivâ kuniklâlo.

Genesis 50:10

Katjugvik Atat Jordanib akkianêtoᴋ tikkinamitsuk, angijomik ilungertortomiglo ogguarput tagvane; atâtane pivlugo ogguarneᴋ atorpâ uvlut 7 nâvlugit.

II Samuel 1:12

Ogguarlutiglo ᴋêalarmiglo, nerritailivullo unnuk tikkilugo, Saule, erningalo Jonathan pivlugik, Nalekablo innuᴋotingit pivlugit, Israeliblo iglomioᴋotingit pivlugit, saviksoarmut ochotitaulaungmatta.

II Samuel 1:17

Davidiblo ogguarsiutit tamakkoa oᴋâlatigilaukpait, Saule erningalo Jonathane pivlugik.

II Samuel 2:11

Nalliutorlo Davide attanniotillugo Hebroneme Judakunut, Jariôvut 7 it takkillo pingasojortut.

II Samuel 5:3

Angajoᴋaunerôjullo Israelitine illunatik tikkilerput attanermut Hebronemut. Attaniublo Davidib angerᴋattigivait Nalekab sângane, tapkoalo Davide mingoarpât attanningortilugo Israelemut.

II Samuel 5:5

Hebroneme attanniotilaukpok Jarit 7 it takkillo 6 it nâvlugit Judakunut; Jerusalemele attanniotilaukpok Jarit 33 git nâvlugit, Israelitit illunamasianginut Judakunullo.

I Kronika 6:57

Aroniblo erninginut tunnivait iglogasaksuit pitlartaujungnairvit Hebron, Libnalo, aiparusingit ilaliudlugit, Jater, Estemoalo, aiparusingit ilaliudlugit,

II Kronika 35:25

Jeremiablo Josia ârusutigiva; imgerpaktullo illunatik angutit arnallo ogguarsiutitik oᴋâlatigivait Josia pivlugo, uvlok tamanna tikkilugo, illusiotitaulaukporlo Israeleme. Ahâk aglaksimavok imgerutine ogguarsiutine.

Nehemia 11:25

Judablo ᴋitornganginit iglugasangne nunamingne nunaᴋartunit illangit nunaᴋalaukput Kiriat-Arbame, aiparusinginelo, Dibonemelo, aiparusinginelo, Kabzeelemelo, aiparusinginelo.

Jeremia 22:10

Tokungajok ᴋeaniarasiuk, kiksautiginiarasiuglônêt; aulartorle ᴋeagidlarsiuk; uterniatsangimat, nunalônêt inûlervigijane takoniarungnailugo.

Jeremia 22:18

Taimaimat imâk Nâlagaᴋ oᴋarpoᴋ Jojakim, Josiab erninga Judab ataninga, pivlugo: Oggoriniatsangilât oᴋarlutik: Amêk, ᴋatangutiga! imâglônêt: Amêk, najara! Oggoriniatsangilât oᴋarlutik: Amêk, nâlagara! imâglônêt: Amêk, opinarninga!

Numbers 13:22

Tâvungarput seᴋernganit tikilutiglo Hebronemut; Ahimanelo, Sesailo, Talmailo Enakib erningit tagvanêput. (Hebronelo igloliortaulauᴋpoᴋ jârit sevenit Zoanib Egiptenemêtûb sivorngane.)

Numbers 20:29

Ilagêktoᴋsuillo ilûnatik takomatta Aron toᴋungmat, ᴋeavât uvlunik 30nik, Israêlikut ilûnatik.

Johannese 11:31

Jûdit najortingita iglome manigortingitalo Marîa takogamitsuk, nikovisârlunelo aningmat, malikpât oᴋarlutiglo: Iluvermut ailerpok, ᴋeajomavlune tagvane.

Johannese 11:35

Jêsusiblo ijîgik ᴋugviolerpuk.

Apostelit Piniarningit 8:2

Angutille okpertut Stefanuse ilijartorpât, angijomiglo ᴋeavât.

Deuteronomy 34:8

Israêliblo ᴋitorngangita Mosese ᴋeagivât uvlunik 30nik Moabib naternangine; taimaglo uvlut ᴋeavit Mosesib oggorijauviane nâvut.

Josua 10:39

Salagilaitalo attaningat iglugasaksoaᴋotingillo illunaita illaliudlugit, ullimarpaillo tarnit illunaita tapkonanelauktut, amiakoᴋarᴋojingilarlo nallianik. Sorlo Hebron pinniarvigilaungmagit, taimak Debire attanningallo pinniarvigivaittauk, sorlo Libna attaningallo pinniarvigilaungmagit.

Josua 15:13

Kalele Jefunib erninga tunnitsiviolaukpok ikkupianganik Judab ᴋittorngangita akkorngane, sorlo Nalegak perᴋojilaungmat, imaitomigle, Kiriat-Arbamik, Enakib atâtangata, tagva Hebronemik.

Josua 15:54

Humta, Kiriat-Arba, tagva Hebron, Zior. Tagva iglugasaksuit 9 it iglugasangillo.

Josua 20:7

Tagva unertutigivait, Kedes Galilaame Naftalib ᴋaᴋᴋangine, Sechemelo Efraimib ᴋaᴋᴋangine, Kiriat-Arba tagva Hebron, Judab ᴋaᴋᴋangine.

Josua 21:11

Taimak tunnitsivigilaukpait Kiriath Arbamik, Enakib atâtanganut illingalauktomik, tagva Hebronemik, Judab ᴋaᴋᴋangine, aiparusinginiglo avatâne.

Idluarsaijut 1:10

Judakullo aularput Kanaaniterinut Hebroneme nunaᴋartunut (Hebronele mattoma sivorngagut Kiriath-Arbamik ateᴋalaukpok) Sesailo, Ahimanelo Thalmailo ullimarpait.

I Samuel 20:31

Taimagle akkunêrtigijomik Isaib erninga innôngmat nuname, igvit attaniovîllo illagellutit îtsungnarniangilatit. Taimaimat tilliklerit manna, aijauᴋolugolo maunga uvamnut; toᴋᴋojuksaungmat.

I Samuel 25:1

Samuelelo toᴋᴋovok, Israelitillo illunamasiatik kattimalerput oggorilugolo, illijartorlâllo iglungane Ramamêtome. Davidele parngnailerpok, attersarlunelo Paranib sunaᴋajuitunganut.

I Samuel 28:3

Samuelele toᴋᴋolaukpok, Israelitillo illuêngardlutik oggurilaukpât, illijartorlaukpâllo iglugasaksoaᴋotingane Ramame. Sauliblo nallautainerluktut angakullo pêjarlaukpait nunamit.