Genesis 23:16 - Labrador Inuttitut Heritage Bible

¹⁶ Abrahablo Efrone nâlakpâ, silberemiglo ôktorvigivâ oᴋautigijanganik Hêtib ᴋitorngangit tussartilugit, silberemik sêkeletut 400tut, niuvertit tiguvaktangititut.

Genesis 23:16 Iomraidhean Croise

Genesis 23:15

Nâlegaᴋ, tussalaungatôᴋ! Perorsêvik sêkeletut 400tut silberemik akkeᴋartoᴋ uvamnullo illingnullo sugalloarᴋâ? Toᴋungajoᴋotit illijartulauruk tagvunga!

Genesis 43:21

Siniktarvingmut tikkidluta pôvut ᴋellarudjâraptigik, sunaubva, illûnata attunit kênaujavut pôptingne ᴋallipautivut, kênaujavut ilangersimalungitut; tamakkoa naksarpavut.

Genesis 49:29

Perᴋovlugillo oᴋautivait: Illaliudjaujomâruma sivorlerijamnut, iluveriartorsinga sivorlima akornganut, ᴋairosungmut Efronib Hetiterib perorsêvinganêtomut,

Genesis 50:13

Ikârlugolo nunamut Kânaanemut illijartorpât perorsêviub Makpêlab ᴋairosunganut, Abrahab pisiarijanganut (perorsêvik illaliudlugo) iluverviksaurᴋovlugo Efronemit Hetiteremit, Mamrib akkianêtomut.

II Samuel 14:26

Niaᴋungatalo nujangit kippijaulaukpatta, (tamannalo Jarine tamât pivalaukpok, nujangille oᴋumailuarlaukput kippijaujariaᴋarmatta) tagva niaᴋungata nujangit Sekeletut 200 ditut oᴋumaitigijôvalaukput, attanniub Sekelingita oᴋumainingit malliklugit.

II Samuel 24:24

Attannerle Arafnamut oᴋarpok: Taimangungitok, pissiarijomavarale illingnit kênaujanut akkiluanga malliklugo; Nalekamnut Gudimnut tunnergumik ôtaksamik tunnijomalunginama, akkeᴋangitomik pilauktamnik. Taimak Davidib ᴋaᴋᴋojaksaliorvik, tuktuvâglo pissiarivâk Sekelinut Silbereôjunut 50 ginut.

Hiobe 28:15

Golde illaᴋangitok tunijaujungnangilak tâmna ilisimanek pivlugo, Silberelônêt kiktitartaujungnangilak tâmna akkileromavlugo.

Exodus 30:13

Kititaumajunut ilaujut atunit tunitjijuksauvut sêkelib abvangatut, ivsornaitoviub sêkelinga maliklugo: (sêkele geratut 20tut akitutigivok:) sêkelib abvangatut Nâlekab tunergusiarijaksarivâ. (Sêkele 50census-tut akitutigingoarpok.)

Jeremia 32:10

Aglaillo nalonaijaijut aglavigilauᴋpakka attimnik nalonaikuserlugillo, kigligiutjijuksallo najûtiᴋovakka, kênaujallo kiktitautingne ôktorpakka.

Jeremia 32:9

Perorsêviglo Anatotemêtoᴋ pisiarilauᴋpara Hanamêlemit ᴋatangutiarsumnit, kênaujallo kiktitaumut ôktorpakka tâpsomunga, tagva sekelinik silberemik 17nik.

Hesekiel 45:12

Sêkeliblo adsigijaksarivait gêrat 20; sêkelit 20, sêkelillo 25, sêkelillo 15 katilugit mânni adsigijaksarivât ilipsingne.

Saggaria 11:12

Oᴋautivakkalo: Idluarigupsiuk akkiksarsiaksara ᴋaisiuk: pijomangikupsele, taimaituinarle. Tagva akkiksarsiaksara ôktorpait kênaujat silberit 30.

Mattêuse 7:12

Tamainik piniarviojomanipsingnik inungnut, tamakkoningatauk piniarvigisigik; tamadja perᴋojat nalautaijullo aglangit.

Apostelit Piniarningit 7:16

Siᴋememullo âtaulaukput ilijauvlutiglo iluvermut, Abrahab pisiarilauktanganut kênaujanut, Hemorib, Siᴋemib atâtangata, ᴋitornganginit.

Rômiunut 13:8

Kinamullônêt akkiliksaᴋarniarase, nagliktigêngnermik kissianik, inuᴋatiminik nagliktub perᴋojat nâmaksingmagit.

Filippimiunut 4:8

Tagvale ᴋatangutikka, mikseᴋârnerillo ilusitsiaringnerillo, idluarnerillo, ivjornainerillo, naglingnarnerillo, illanârêngnerillo, ilûnaita inutsiaᴋutaunerit, ᴋujanartoᴋarpallônêt, nertornartoᴋatamakkoa issumaksarsiorutigisigik.

I Tessalônikamiunut 4:6

Neliselo ᴋatangutiminik oᴋumaititsitailile uivêrinagolo sumut; Nâlegaᴋ tamakkoninga tamainik akkiniarteongmat, sôrlo oᴋarvigilaurapse ipsomane kigligiutigivlugo.