Genesis 22:17 - Labrador Inuttitut Heritage Bible

¹⁷ Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

Genesis 22:17 Iomraidhean Croise

Genesis 12:2

Inugasaksoangortitsomavagit saimauserlutillo, attillo nertornartitsomavara saimanartitsomavlutillo.

Genesis 13:16

Kinguvâksatillo unuksivalliatitsomavakka sanniktitut nuname. Sanningnik nunamêtunik kittitsijungnartoᴋarpat, tâpsoma kinguvâksatittauᴋ kittinajarivait.

Genesis 15:5

Anerᴋovâlo sillamut oᴋautivlugolo: Attê, ᴋilak ârlorvigiuk uvloritjallo kittikit, kittilugit sappingikungne. Imâglo oᴋautivâ: Taimaituksauvut kinguvâksatit.

Genesis 17:6

Uvangalo unuksivalliadlartitsomavagit inugasaksoangortitsomavlutillo, illingnillo attanersuit pijomârput.

Genesis 24:60

Rebekkalo pillorirᴋovât oᴋautilugo: ᴋattangutîk tausendeoᴋattartunik pijoᴋarle illingnit; kinguvâksavillo ômigijimik upkoaᴋsoangit perᴋutigiligit!

Genesis 25:11

Abrahablo toᴋungata kingorngagut, Gûdib erninga Isaaᴋ saimauserpâ. Isaarlo nunaᴋarpoᴋ “Omajub uvamnik takojub puilavingane.”

Genesis 26:24

Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Genesis 26:4

Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,

Genesis 28:3

Gûdible ajugaᴋangitub saimauserlitit, kinguvâktârtilutillo, unuksivalliatilutillo inôᴋatigêksoangortilutit;

Genesis 28:4

Illingnullo tuniliuk saimanartoᴋ Abrahab pinga, illingnullo kinguvâksarnullo kingunikkut, kingormgujerᴋovlutit nunamik tujormiangorvigijarnik, Gûdib tunijanganik Abrahamut!

Genesis 32:12

Oᴋaravit: Ajungitulivigijomavagit, kinguvâksatillo unuksivalliatitsomavakka siorᴋatitut imarbiksûb sikjangane, unumut kitiksaujungnairtilugit.

Genesis 32:13

Unnuarmelo tamattomane tagvanêpoᴋ, piminillo najortaminit tiguvait, angajuminut Esauemut tujûtiksane:

II Samuel 17:11

Tamattomingale attannertuivunga, kattersiᴋovlutit illingnut Israelinik illunamasianginik, Danemit Bersaba tikkilugo, taimak unnuktigijunik siorᴋatitut immarbiub siksanganêtutitut; igvillo nangminek akkornganêdlutit aularᴋattigilugit piᴋovlutit.

I Atannit 4:20

Judakulle Israelitillo taimâk unuktigijôlaukput siorᴋatitut imarbiksub siksanganêtutitut, nerrivullo, immerlutiglo, serridlalaularmiglo.

I Atannit 9:26

Salomolo umîjorpoktauk umiaksoarmik, Ezon Gebereme, Elothib immarbiub iviggub suvlolingnik sikjanganêtub ᴋanitanganêtome. Edomiterit nunangane.

I Kronika 27:23

Davidiblo tapkoa jâreᴋartut 20 inik ikkinersaniglo kittiᴋasiutitauᴋolaungilait, Nalegak oᴋalaungmat, Israelitit unuksivalliatitsomavlugit uvloritsatitut ᴋilangmêtutitut.

II Kronika 1:9

Tagva manna Nalegak Gude oᴋautsitit atâtamnut Davidemut nallautsitikittôk! Uvânga attanningortilaukparma innugasaksoarnut taimak unnuktigijojunut nunab sanningititut.

Nehemia 9:23

ᴋitorngangillo unnuksivalliatilaukpattit uvloritsetitut ᴋilangmêtutitut, âlaukpattillo nunamut atâtagijanginut oᴋarutigilauktarnut, ittervigilugo nangmineliutilugolo pijuksaungmatta.

Exodus 32:13

Abraha, Isaarlo, Israêlelo, kivgatit, erᴋaumalaukit, tâpkonunga angermarilauravit ilingnik taivlutit, oᴋautilugillo: Kinguvâksase unuksititsomavakka sorlo ᴋilaub uvloriangititut, nunalo tamanna oᴋautigijara ilûnnane tunijomavara kinguvâksapsingnut, tâpkoalo kingormgutijaksarivât isoᴋangitomut.

Jesaiase 48:19

Kinguvâksatillo siorᴋatitut unuktiginajarput ernijaksatillo ujarârsuktitut, attingillo pêrtaunajatsangilat nungutaunatiglo kênamnit.

Jeremia 32:22

Tunitjivigilugillo nunamik ominga, angerutigilauᴋtarnik atâtagilauᴋtanginut tunijomavlugo tâpkonunga, nunamik imungmik igupsaujartullo orᴋsuanik kôlingmik;

Jeremia 33:22

Sorlo ᴋilaub katimgajoᴋsoaᴋotingit kititaujungnangimatta, sorlolo imarbiub siorangit ôktortaujungnangimatta; taimak unuksititsomârivakka kivgama Dâvidib kinguvângit, Levikullo kivgartortut uvamnik.

Hosea 1:10

Israêlib ᴋitorngangit imarbiub siorangititut ôktortaujungnangitutitut kititaujungnangitutitullo unuktigijomârmatta, pijomârporle, inine oᴋautijauvigilauᴋtangine: Inuᴋutaulungilase uvamnut; tagvane oᴋautijaujomârput: Kitorngauvose Gudemut ômatsainartomut.

Hosea 2:1

Katangutise angutit imailiorvigisigik: Ammi, tamadja: Inuᴋotikka; ᴋatangutiselo arnat: Ruhama, tamadja: Nâpkigijauvose.

Migga 1:9

Ikingit inûlijaujungnangimatta; Jûda aglât aitortauvoᴋ; inuᴋotima itertarvinganut tikiutivoᴋ, aglât Jerusalemut.

Rômiunut 4:13

Angersimaneᴋ imna Abrahamut kinguvânginullo, kingormgujerᴋovlugo silaᴋsoarmik, perᴋojanut pingimat, okperneruble idluarsaininganut.

Rômiunut 9:27

Jesaiasele nipliavoᴋ Israêlib kinguvângit pivlugit: Inuᴋotitit, Israêle, unuktôgalloarpatta siorᴋatitut imab sidjanganêtutitut, amiakôjut tâpkonangat (kissimik) sâgiaromârput.

I Korintemiunut 15:57

Gûde ᴋujagidlartaule, sâlaᴋartimattigut Nâlegaptigut Jêsuse Kristûsikut.

Efêsusemiunut 1:3

Nertortaule Gûde Nâlegaptalo Jêsusib Kristusib Atâtanga, saimausermatigut anernilingnut saimanartunut sunatuinarnut, ᴋilaub pinginik illangiutitiluta Kristuseme.

Deuteronomy 1:10

Nâlekab Gûdipse unuksitisimavâse, ahâglo, uvlome ᴋilaub uvloriangititut unuktigivose.

Deuteronomy 1:11

Nâlekab atâtapse Gûdingata unuksivaliatilise tausendêrtortomik mânamit, saimartiliselo sorlo angervigilaungmase.

Deuteronomy 10:22

Atâtagilauᴋtatit atersâlauᴋput Egiptenemut tarnelit 70ovlutik, mânalo Nâlekab Gûdivît ᴋilaub uvloriangititut unuktigitipâtit.

Deuteronomy 13:17

Nungutaksallo ilanganik sunamiglônêt nipingajokartuksaungilak aggangnut; Nâlegak allaiᴋovlugo ningarnime katsungaininganik, saᴋᴋêvigilutillo nâpkiningnermik, ilapjugilutillo, unuksitilutillo, sorlo atâtagijatit angervigilaungmagit;

Deuteronomy 13:18

Nâlekab Gûdivît nippinga nâlagungne, tâpsomalo perᴋojangit perᴋojijutigijakka ilingnut uvlome maligungne, piniarlutit idluarijaujunik Nâlekab Gûdivît takkoane.

Deuteronomy 21:19

Atâtame anânamelo tigujaksarivâk âlugolo iglugasaksoaᴋotime angajoᴋânginut, najugangata itertarvianut;

Ebrêerinut 11:12

Taimaimattauᴋ timemit atausênarmit toᴋungakasaktomik unuktoᴋsuit erniangovut, sorlo uvloritjatitut ᴋilangmêtutitut, siorᴋatitullo imab kiglinganêtutitut kitiksaungitutitut.

Ebrêerinut 6:14

Oᴋarporlo: ahamarik ila, saimauseromavagit kinguvâksatillo unuksivalliatitsomavakka.

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.