Genesis 2:8 - Labrador Inuttitut Heritage Bible

⁸ Gudelo Nâlegaᴋ perorsêviliorpoᴋ Edeneme kangilerme, tagvungalo illivâ inuk sanajane.

Genesis 2:8 Iomraidhean Croise

Genesis 13:10

Lotiblo ârlorlune Jordanib erᴋâ ilûnât ullernaigivâ, ilûnâne imilik (Sodomalo Gomorralo asserortaulerᴋârtinagik Nâlekamut) sorlo Nâlekab perorsêvinga, sorlo Egiptene, Zoare tikkidlugo.

Genesis 3:23

Tagva Gûdib Nâlekab aulartipâ perorsêvingmit Edenemit, nuna senavigivlugo perᴋovlugo, tagvangat tigujaumangmat.

Genesis 3:24

Annitipâlo inuk, perorsêviublo Edenib kangianut Kêrubit pitipait saviksoalijartut ᴋeblâlâjunik, aulajalerangata, udjertortuksat apᴋomik napârtomut ômanartomut.

Genesis 4:16

Tagva Kaine Nâlekab kênanganit aularpoᴋ, nuname Nodeme nunaᴋalerlune, Edenib kangiane.

II Atannit 19:12

Innuᴋattigêksuit assipse, atâtagilauktama asserorlauktangita Gûdingita piulilaukpattigik? Gosanemiut, Haranemiut, Rezefemiut, Edeniblo ᴋitorngangita, Telassaremelauktut?

Jesaiase 51:3

Nâlekab Zione manigormago, nunangit asserorsimajut tamaita âᴋiklugit, perortoᴋangitoᴋ Edenetut illingatillugo naternarlo Gûdib perorsêviatut; tagvane serrijoᴋaromârpoᴋ ᴋuviasuktuniglo, ᴋujalitiksaniglo nertordlerutiksaniglo imgertunik.

Hesekiel 27:23

Hâranemiut Kannemiullo Edenemiullo, niuverniartit Sêbame, Assurmiut Kilmademiullo niuverniarput ilingne.

Hesekiel 28:13

Gudib perorseviane Edenemêlauᴋpotit, ujarᴋanut pivianartunut tamainut pinnarnarsititauvotit, ukkuangovut, Ruby, Topaselo, Diamantelo, Berilelo, Onikselo, Jasperelo, Saffirelo, Emeraldelo, Karbunkelelo, Goldelo; ᴋilautitit nipjautitillo senajaulauᴋput ilingne; pingortitaunivit uvlungane pijarêrtitaulauᴋput.

Hesekiel 31:16

Oggoningata pervalungninganut inôᴋatigêksuit sajuktilauᴋpakka, egigapko kapianartovingmut tâpkoa ilagivlugit itersamut atersârtut; Edeniblo napârtungit ilûnatik, Libanonib pioluarningit ânanauningillo, ilûnatik imermik miluartut, manigortauvut nunane allerpâne.

Hesekiel 31:18

Kina tagva adsigiviûk ânanaunerme anginermelo Edenib napârtungita akornganê? Igvittauᴋ kanungartuksauvotit Edenib napârtungit ilagivlugit nunab allerpângane; nelangalârpotit kipisimangitut akorngane, saviksoarmut toᴋotaumajut ilagivlugit. Tamadja tagva Farao inugiartoᴋsoangillo ilûnatik, oᴋarpoᴋ Nâlegaᴋ Nâlegaujoᴋ.

Joel 2:3

Sivuningine ikoma nungûtsivoᴋ, kinguninginelo ikoâlaneᴋ ikitsivoᴋ; nuna perorsêviktut Edeneme ipoᴋ sivuningine, kinguninginele sunaᴋajuitotut asserortaumariktoᴋ; ilâ, ᴋemaktaujoᴋangimarikpoᴋ tâpkonunga.