Genesis 2:1 - Labrador Inuttitut Heritage Bible

¹ Innerput tagva ᴋilaglo nunalo kattigmajoᴋsoaᴋotingillo tamaitaᴋsuit.

Genesis 2:1 Iomraidhean Croise

Genesis 1:1

Pigiarnerme Gûdib ᴋilaglo nunalo pingortipak.

Genesis 1:10

Ipterilingajorlo Gûdib nunamik taivâ, imaᴋsuit atautsemut katersortut imarbiksoarmik taivlugit. Gûdelo takovoᴋ nâmangmat.

Genesis 2:4

Tamadja ᴋilaublo nunablo pingortitauningak, pingortitaungmannik taipsomane, Gûdib Nâlekab nunalo ᴋilaglo sanangmagik.

II Atannit 19:15

Hiskialo tuksiarpok Nâlekab sângane oᴋarlunelo: Nâlegak Israelib Gûdinga, Kerubimit ᴋângine iksivajotit, igvit Gûdetôvotit atanniovingnut nunamêtunut ilunnainut, igvit ᴋilangmik nunamiglo pingortitsilaukpotit.

II Kronika 2:12

Hiramelo oᴋaranerpok: Nertortaule Nalegak Israelib Gudinga, ᴋillaub nunablo pingortingak, attannek Davide tunnitsivigilaungmago ernermik sillatôjomik poᴋitomiglo illissimajomiglo, igloliorniartomik igluksamik Nalekamut, attannionimelo igluksanganik.

Nehemia 9:6

Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Hiobe 12:9

Kina illitarksingilak tamakkonangat tamainit, Nâlekab aggangita tamakkoa sanalaungmagit?

Imgerut 104:2

Annorâᴋotit attortat ᴋaumaniôvok; ᴋillak issivipet tulleraraktut.

Imgerut 146:6

Sannalauktomik ᴋillangmik, nunamik, imarbingmik; tamainiglo tâpᴋonanêtunik; okpernartomiglo issoᴋangitomut.

Imgerut 33:6

ᴋillait Nâlekab oᴋausinginut pingortitauvut, tamaitalo kattimgajoᴋotingit tâpsoma ᴋaningata annerninganut.

Imgerut 33:9

Tâmnale sumik oᴋarpât taimailerpok tâva; perᴋojikpat innerpok tâva.

Exodus 20:11

Uvlune 6ine Nâlekab ᴋilak nunalo imarbiglo ilûnnaitalo imab iluanêtut sanalaungmagit, uvlullo 7ingane merngoersilaukpok: tamanna pivlugo Nâlekab uvlok Sabbateojok saimanartipâ ivsornaitilâllo.

Exodus 31:17

Nalunaikutauvok isoᴋangitomut uvangalo Israêlikullo akunaptingne; uvlune 6ine Nâlekab ᴋilak nunalo sanalaungmagik, uvlullo 7ingane merngoersilauᴋpoᴋ nakoᴋsivlunelo.

Jesaiase 34:4

Kilaub pitangit illunamasiatik auniojomârput, ᴋilaillo immujaujomârput aglaktitut, pitangillo illunamasiatik ᴋunnorleromârput, sôrlo napârtub vaineliksab millukatangit ᴋunnorlerpangmatta, millukataktullo pannertotut napârtome faigeliksame.

Jesaiase 42:5

Imâk oᴋarpoᴋ Gûde Nâlegaᴋ, ᴋilangmik pingortitsijoᴋ tassiterijorlo, nunamik issivitsijoᴋ perortunginiglo, inungnut ᴋânganẽtunut inôtsemik tunidjijoᴋ, anernermiglo tunidjijoᴋ arvertartunut tagvane:

Jesaiase 45:12

Uvanga nuna sanavara, uvangalo inuit nunamẽtut pingortipakka, uvanga aggamnut ᴋilak issivipara, pitanginullo illũnamasianginut Nâlegauvunga.

Jesaiase 45:18

Imâk oᴋarpoᴋ Nâlegaᴋ, ᴋilangmik pingortitsijoᴋ, Gûdeojoᴋ, nunamik sanajoᴋ âᴋiksorlugolo tunganelivlugolo; — tamannalo pingortilungilâ inuᴋartailivlugo, inuᴋarᴋovlugole âᴋiksorpâ — : Uvanga Nâlegauvunga assimniglo Nâlegaᴋangilaᴋ.

Jesaiase 48:13

Aggama nunaᴋsoaᴋ sanavât, tallerpima ᴋilait issivipait; ᴋairᴋogapkit, saᴋᴋijâlerput tagva illũnatik.

Jesaiase 55:9

Imâgle: sôrlo ᴋilak nunamit ᴋotsingmat, taimaktauᴋ apᴋutikka ᴋotsikput apᴋutipsingnit issumakkalo issumapsingnit.

Jesaiase 65:17

Ahâgle, ᴋilangmik nutâmik nunamiglo nutâmik pingortitsijomârpunga; sivorlît tagva erᴋartaujungnairomârput erᴋaumajaujungnairlutiglo.

Jeremia 10:12

Tâpsoma nuna sanalauᴋpâ pitsartunerminut, silaᴋsoarlo pingortilauᴋpâ ilisimanerminut, silatunerminullo ᴋilait issivilauᴋpait.

Jeremia 10:16

Jâkob kingormgutijanga taipkotitunaulungilaᴋ; tâpsoma tamaita pingortilaungmagit; Israêliblo kinguvângit kingormgutivait; atteᴋarporlo Nâlakamik Zebaotemik.

Jeremia 8:2

Siamartiniarpaillo seᴋiniub, taᴋᴋiublo, ᴋilangmiugasaksuillo (uvloritjat), ungagilauᴋtangita, kivgartulauᴋtangitalo, malilauᴋtangitalo, aperᴋutigilauᴋtangitalo, pamaktervigilauᴋtangitalo, sângine; katersortaujomângilat, iluvertaujomângilallônêt; aᴋtarnilukotuinaujomârput nuname.

Saggaria 12:1

Oᴋausek oᴋumaitok Nâlekab oᴋauserijanga Israêle pivlugo. Imâk oᴋarpok Nâlegak, ᴋilangmik isivitsijok, nunamiglo tunganilêjok, inûblo anerninganik ilumigijanganik pingortitsijok:

Lukase 2:13

Tagvainarlo Engeleme ᴋilangmiugasaksoaᴋalaukpok; tâpkua Gûde nakoridlarpât oᴋarlutik:

Apostelit Piniarningit 4:24

Tamanna tusaramitsuk, ilagêklutik niplerput Gûdemut oᴋarlutiglo: Nâlegak igvit Gûdiojotit ᴋilangmiglo, nunamiglo, imarbingmiglo pinginiglo tamainik pingortitsijotit;

Apostelit Piniarningit 7:42

Gûdible allarpait, tunilaitalo kivgartorᴋovlugit ᴋilaub uvlorianginik, aglaksimangmat nelautaijut aglangine imâk: Ilipse Israêlib kinguvângit, tunergutiksanik, nergjutiniglo toᴋotaksanik Jârine 40 ne inuᴋajuitome tunitjivigilaukpisingâ?

Deuteronomy 17:3

Kivgartoriartorlutik Gûdib assinginik, pâmaktervigilugillo, seᴋinermiglônêt, takᴋermiglônêt, ᴋilaublônêt katimgajoksôningita ilanganik, perᴋojijutigilungitamnik;

Deuteronomy 4:19

Arlortitsiᴋonaglônêt ijîkingnik ᴋilangmut, seᴋinerlo, taᴋᴋerlo, uvloritjallo, ᴋilaub katimgajokotingit, takonârlugit, kajungersartauniarlutillo tâpkoa pâmaktervigijomavlugit kivgartoromavlugillo, Nâlekab ilingatitangit inôᴋatigêksoarnut tamainut ᴋilaub ilûnane atâne.

Ebrêerinut 4:3

Uvagut okpertogut pijomârapta merngoêrservingmut, sorlo oᴋarmat: Ningarlunga oᴋarmarilauᴋpunga: Merngoêrservioᴋojamnut iterniangilat. Taipsomanele pingortitaumajut silaᴋsûb pigiarninganit senamajarêrmatta,