Genesis 19:9 - Labrador Inuttitut Heritage Bible

⁹ Tâpkoale oᴋarput: Pêrâlugit! Amma oᴋarivut: Atauseᴋ una tujormiaᴋ tikkitoᴋ attaniojuksauvâ? Attaeᴋ! piluartomik taipkonangat kapiasuktilaptigit. Angullo tâmna Lote, pagvisarpât angijomik. Opaklutiglo upkuaᴋ serᴋominasuarpât.

Genesis 19:9 Iomraidhean Croise

Genesis 11:6

Nâlegarlo oᴋarpoᴋ: Tagga, inugasaksuit atausiovut adsigêktuniglo oᴋauseᴋarlutik; tamannauvoᴋ piniarningita pigiarningat, mânamillo pinasuarningit agviarlugit ajornarniarpoᴋ.

Genesis 13:12

Abra nunaᴋarpoᴋ nuname Kânaaneme, Lotelo nunaᴋarpoᴋ iglugasangne (Jordanib) erᴋâne, tuppertiᴋattarlune Sodoma tikkidlugo.

Exodus 2:14

Tâmnale oᴋarpok: Kia angajoᴋângortipâtît idluarsaijungortilutillo uvaptingnut? Uvangatauk toᴋotsomavingâ, sorlo Egiptenemiok toᴋogangne? Tagva Mosese erᴋsilerpok, oᴋarlune: Sunaubva, tusaumajaulerᴋunga.

Salomob Okâl 14:16

Ilisimajok sivôravok, idluinerlo attortailiva; silaitorle iktoriktailune kamatsengilak sumiglonêt.

Salomob Okâl 17:12

Nâmanersauvok aklak piaraᴋotiminik aksartaujok pârlugo, pârnermit silaitomik silaidlarningane.

Salomob Okâl 27:3

Ujarak oᴋumaipok, siorᴋallo okikasalungilat; silaituble ningaumajarninga oᴋumainersauvok tamangnit.

Okaluktok 10:13

Oᴋausingita pigiarningat sillainiovok, nâningallo ᴋaujimangojarniovok asserornartok.

Okaluktok 9:3

Tamanna sugalungnerpauvok tamainit sekᴋerngûb atâne Pijoᴋartunit, ilûnatik adsigêktomik illiorneᴋarmatta; tamanna pivlugo inuit ômattingit tattalerputtauk idluitomik, ᴋaujimangojarneᴋarlunelo ômatinginne inôtillugit; kingornganelo tokᴋungajunut aijariaᴋarput.

Jesaiase 65:5

Oᴋartut: Allivarit! aktorniarnanga! ivlernadlarama illingnut. Tâpkoa pujôvut kingâmne, ikkomauvut ikkoalatsainartoᴋ uvloᴋ nâvlugo.

Jeremia 3:3

Tamanna pivlugo silaluk operngâme noᴋᴋarᴋojauvoᴋ, silaluglo kingorliojoᴋ tikiᴋojaungilaᴋ; igville ᴋauᴋarpotit assiniarpaktûb ᴋaungatut, kangusugungnangilatillo.

Jeremia 6:15

Kangusulaukât piungitulisimatilugît? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Jeremia 8:12

Kangusulauᴋât piungitulilauramîk? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Hesekiel 16:49

Ahâk, tagga nukavit Sodomab idluininga: piojorineᴋ, nerritoneᴋ, erᴋeasungnerlo, ajoᴋsanginerub maliktinga, tâpsomanêpoᴋ paninginelo; aklujullo ajoᴋsartullo ikajulungilait.

Mattêuse 7:6

Ivsornaitok tunijaksaringilase ᴋingminut, sappangaselo egitaksaringilase kuingênginut; itigamingnut tullerajarlugit, sangulutiglo aliktoriarluse perᴋonagit.

I Samuel 17:44

Oᴋarporlo Davidemut: Kait uvamnut, uvinît tunnijomavara tingmitsanut ᴋillaub attânetunut, omajunullo naternamêtunut.

I Samuel 2:16

Kinalo tagva oᴋalaurangat tapsomunga: Tunno ikkitaule sorlo pijuksaungmat, kingorngane tigusilerit omattivit tussugijanganik; tagva oᴋarpok tapsomunga: Manna tunnijaksarivat uvamnut; pingikuvillo, tagva aksoronermut tigujomavara.

I Samuel 25:17

Kammatsiarit manna, takkolutillo pinniaraksarnik, nallonangilak kannoêtoᴋarniarmat angajoᴋaptingnut, iglunganullo illunânut; angutauvorlo kuksalaitok, oᴋautjanêtok.